Juan 13:13 - Qullan Arunaka DC

Jumanakax: “Yatichiri, Tatitu” sapxistawa, uk walik sasipktaxa, nayax ukäskapuntwa.

Aymar Bibliia 1986

Jumanacajj: “Yatichiri, Tata” sapjjestawa. Uc sasinjja walicwa sasipctajja, ucapunïscaractwa.

Qullan Arunaca

Jumanacajj: ‘Yatichiri, Tata’ sapjjestawa. Uc sasinjja walicwa sasipctajja, ucapunïscaractwa.

Juan 13:13 Jak'a apnaqawi uñst'ayäwi

Jeremías 1:12

“Jïsa, ukapunïskiwa, ukampis jichhax sum uñjä, arunakaxan phuqhasiñapkama” sasaw Tatitux sarakitu.

Mateo 20:28

Jaqin Yuqapax janiw luqtayasir jutkiti, jan ukasti, taqinir luqtiriw juti, jakañapsa jaqinakar qhispiyañatak luqtasiriw juti —sasa.

Lucas 10:28

Jesusasti sarakïnwa: —Walik sasktaxa. Uktix lurätaxa, jakaskätawa —sasa.

Lucas 6:46

“¿Kunatarak jumanakasti: ‘Tatay, Tatay’ sapxista, ukat janirak kuntix sapksma uk lurapktasti?

Lucas 7:43

Simonasti juparux sänwa: —Nayan amuyataxat jila manunïkänsa ukaw jil munaspachaxa —sasa. Jesusasti sarakïnwa: —Walik sasktaxa, ukhamapunïskiwa —sasa.

Juan 11:2

Lazaron aka María kullakapaw Tatitun kayupar suma q'apkir qullamp warxatäna, ukatsti ñik'utapampiw phiskhuräna.

Juan 11:28

Uk arsusinsti, Martax María kullakapar jawsiriw saräna, ukatsti jinchu jak'at sarakïna: —Yatichiriw akanki, jawsasktamwa —sasa.

Juan 11:3

Aka pani kullakaw Jesusar yatiyäna. —Tatay, munasit jilat masimax usutawa —sasa.

1 Corintios 12:3

Ukat jichhax yatipxañam munta, janiw khitis Diosan Ajayupan ch'amapampix siskaspati: “Jesusax ñanqhachatäpan” sasa. Janirakiw khitis jan Qullan Ajayun ch'amapampix siskaspati: “Jesusax Tatituwa” sasa.

1 Corintios 8:6

jiwasanakatakix mä sapa Dios Awkikiw utji, uka Dios Awkimpiw taqi kunas qallti, jupatakikiw jiwasanakax jakapxtan. Mä sapa Tatitukiw utjaraki, jupasti Jesucristowa, jupïpan taqi kunas utji, jiwasanakas utjaraktan.

Efesios 6:9

Jumanakasti uywirinaka, ukhamarakiy uywatanakamarux sum uñjapxam, janirak axsarayapxamti. Amtasipxam, jumanakasa, jupanakasa alaxpachankir Tatitunkirïpxtawa, jupax janiw khitirus yaqhachnukkiti.

Filipenses 2:11

ukatsti taqi jaqirakiw yatipxañapa: Jesucriston Tatitütapa, Dios Awkir jach'añchañataki.

Filipenses 3:8

Ukat juk'ampis, taqi kunatix nayan utjkitu ukanaksti chhaqhatäkaspas ukham amuyta, Cristo Tatituxar uñt'añan mä jach'a askïtap layku. Cristo laykusti taqi kun apanukuwayta, Cristor jikxatañ laykusti, t'unarjamaw taqi kun uñjta,

Santiago 2:19

Jumasti mä sapa Diosan utjatap iyawstaxa, uk iyawsasasti walik lurasktaxa; ukampis supayanakax ukham iyawsaraki, axsarañatsti khathatipxarakiwa.