Juan 13:14 - Qullan Arunaka DC

¹⁴ Ukhamax nayatix Yatichirimäkasina, Tatitumäkasin jumanakan kayunakam jaripxsmaxa, jumanakax kayunakam maynit maynikam jarisipxañamarakiwa.

Aymar Bibliia 1986

¹⁴ Uqhamajj nayatejj Yatichirïcasina, Tatitücasinaraqui, jumanacan cayunacam jaripjjsma ucqhajja, jumanacajj cayunacam jarisipjjañamaraquiwa maynit maynicama.

Qullan Arunaca

¹⁴ Uqhamajj nayatejj Yatichirïcasina, Tatitücasinaraqui, jumanacan cayunacam jaripjjsma ucqhajja, jumanacajj cayunacam jarisipjjañamaraquiwa maynit maynicama.

Juan 13:14 Jak'a apnaqawi uñst'ayäwi

Juan 11:2

Lazaron aka María kullakapaw Tatitun kayupar suma q'apkir qullamp warxatäna, ukatsti ñik'utapampiw phiskhuräna.

Hechos 20:35

Uka kipkarak jumanakarus yatichapxsma, wakisipuniw ukham irnaqañaxa, jan utjirininakarus yanapt'añaraki, Tatit Jesusax sawayki uka arunakat amtasisa: ‘Katuqañat sipan, churañaw juk'amp sumaxa’ ” sasa.

Romanos 12:10

Maynit maynikamax jilapurjam munasipxam, purapat yäqasisa.

Romanos 12:16

Jumanak taypin mä amtanik jakasipxam. Jan jach'a jach'a tukupxamti, jan ukasti, llamp'u chuymaninakjamäpxam. Janirak wali yatiñanjamas tukupxamti.

1 Corintios 12:3

Ukat jichhax yatipxañam munta, janiw khitis Diosan Ajayupan ch'amapampix siskaspati: “Jesusax ñanqhachatäpan” sasa. Janirakiw khitis jan Qullan Ajayun ch'amapampix siskaspati: “Jesusax Tatituwa” sasa.

1 Corintios 8:13

Ukalayku, manq'ataxämpitix jilaxar juchar puriystxa, janiw aycha manq'añaxax wakiskxiti, juchar jan lanktayaskañataki.

2 Corintios 10:1

Naya Pablow jumanakar Criston suma munasiñap layku achikt'asipxsma, jumanak taypin jikxataskta ukkhax “wali axsarir jaqiw” sapkchitu ukasa, jumanakat jayan jikxataskta ukkhasti “wali qhuru jaqiw” sapkchitu ukasa.

2 Corintios 8:9

Jumanakasti yatipxtawa, Jesucristo Tatitusax munasiñapan qamirïkasin jumanak laykux jan kunanir tukuwayi, ukhamat jupan jan kunan tukutapampix jumanakan qamirkipstapxañamataki.

Gálatas 5:13

Jilatanaka, Tatitux jumanakar qhispiyat sarnaqasiñaruw jawsapxtam; jumanakasti jan uka qhispiyat sarnaqasiñ tumpanix janchin munañaparjam sarnaqapxamti, jan ukasti, munasiñ laykuy maynit maynikam yanapt'asipxam.

Filipenses 2:11

ukatsti taqi jaqirakiw yatipxañapa: Jesucriston Tatitütapa, Dios Awkir jach'añchañataki.

1 Timoteo 5:10

Jupanakasti suma luräwinak luririt uñt'atäñapawa, wawanakap sum uywatap layku, utapar sart'irinakar sum katuqatap layku, qullan markapankirinakan kayunakap jariqatap layku, t'aqhisirinakar yanapatap layku, yaqha aski luräwinak lurañatak ch'amachasitap layku.

Hebreos 12:2

Jesusaruy uñtañäni, iyawsañasax jupat juti, juparakiw uka iyawsañas askir tukuyi. Jesusasti cruzan mutüna, uka p'inqa tukuñ jiwañar jan yäqasa, jupax t'aqhisiñ qhipat kusisiñ utjañap yatïna; ukatsti Diosan kupïxaparuw qunt'asïna.

1 Pedro 4:1

Ukatpï jilatanaka, kunjämtix Cristox janchipan t'aqhisiwayixa, jumanakax jank'akïpxañamaw ukham t'aqhisiñatakixa. Janchin t'aqhisirixa, juch apanukuwayxi,

1 Pedro 5:5

Ukhamaraki, jumanakax waynanaka, Diosan markap irpirinakarux ist'apxam. Taqiniw maynit maynikam llamp'u chuymamp ist'asipxañama, qillqatan siwa: “Diosax jach'a jach'a tukurinakarux jisk'achiwa, llamp'u chuymaninakarusti munasiñapampiw yanapi.”