Lucas 6:46 - Qullan Arunaka DC

⁴⁶ “¿Kunatarak jumanakasti: ‘Tatay, Tatay’ sapxista, ukat janirak kuntix sapksma uk lurapktasti?

Aymar Bibliia 1986

⁴⁶ ¿Cunatarac jumanacasti: “Tata, Tata” sapjjesta, ucatjja janirac cuntï sapcsma ucjja lurapctati?

Qullan Arunaca

⁴⁶ “¿Cunatarac jumanacasti: ‘Tata, Tata’ sapjjesta, ucatjja janirac cuntï sapcsma ucjja lurapctati?

Lucas 6:46 Jak'a apnaqawi uñst'ayäwi

Malaquías 1:6

Taqi ch'aman Tatitux sacerdotenakar akham siwa: “Wawanakax awkinakapar waqaychapxiwa, uywatanakas uywirinakaparux yäqapxarakiwa. Nayatix jumanakan awkimästa ukasti ¿kunatarak nayar jan waqaychapxistasti? Nayatix jumanakan uywirimästa ukasti, ¿kunatarak nayar jan yäqapxistasti? Jumanakax nayar jisk'achapxistawa, yatkasas sasipkakistawa: ‘¿Kun lurasarak nanakasti jumar jisk'achapxsmasti?’ sasa.

Mateo 25:11

Uka qhipatsti pisi amuyt'an tawaqunakaw uka chiqar kutt'anipxäna, punku jist'antatäxipansti, jach'at arnaqapxäna: ‘¡Tatay, Tatay, jist'arapxitaya!’ sasa.

Mateo 25:24

“Qhiparusti mä waranqa katuqiriw purinirakïna, jilïriparusti sarakïnwa: ‘Tatay, ‘nayax yattwa juman wali qhuru chuymanïtama, kawkharutix jan yapuchktas ukkhan achuyirïtama, kawkharutix jan phawktas ukkhat apthapirïtama.

Mateo 25:44

Ukapachaw jupanakax jiskt'apxani: ‘Tatay, ¿kunapacharak jumarusti manq'at awtjata, umat pharjata, jan utani, jan isini, usuta, carcelana, ukat jumar jan uñjapksmasti?’ sasa.

Gálatas 6:7

Jan sallqjasipxamti; janiw khitis Diosat sawkaskaspati. Kuntix jaqix yapuchki ukarak apthapini.

Santiago 1:22

Ukampis jan aliq isch'ukirinakakïpxamti, jan ukasti luririnakäpxam, jan lurapkät ukasti, jumanakpachakiw sallqjasisipkasma.