Lucas 10:28 - Qullan Arunaka DC

²⁸ Jesusasti sarakïnwa: —Walik sasktaxa. Uktix lurätaxa, jakaskätawa —sasa.

Aymar Bibliia 1986

²⁸ Ucjjaruw Jesusajj saraqui: —Walic sistajja, actï lurätajja jacätawa —sasa.

Qullan Arunaca

²⁸ Ucjjaruw Jesusajj saraqui: —Walic sistajja, actï lurätajja jacätawa —sasa.

Lucas 10:28 Jak'a apnaqawi uñst'ayäwi

Nehemías 9:29

Jumax kamachinakam wasitat phuqhapxañapatakiw jupanakar iwxt'äyätaxa; ukampis jupanakax walikjamak amuyasipxäna, ukat kamachinakamarux jan jaysapkänti; kamachinakarjam sarnaqirinakar jakañ churir arsutanakamaruw ñanqhachapxäna; jupanakax jumatakiw sayt'asipxäna, chuymanakap qalarayasisax janiw ist'apkänti.

Proverbios 19:16

Kamachi arunak phuqhirix jakañap imasiski, Tatitun yatichäwi arunakap jisk'achiristi jiwaniwa.

Ezequiel 20:11

ukan jupanakarux kamachinakaxampi, arsutanakaxampi yatiyta, uka arunakaxarjam sarnaqirinakasti jakañ katuqapxi.

Ezequiel 20:13

Ukampis jupanakax wasar tuqin nayatakiw sayt'asxapxi, jupanakar churata kamachinakarus janiw jaysapkiti; janirakiw sábado urunsa nayarux yupaychapkituti, jupanakasti uka kamachinakar phuqhasax jakañ katuqapxasapäna. Ukat nayax jupanakxaru q'apisiñaxa samarasiñ amtäyäta, pachpa wasaran tukjañataki,

Ezequiel 20:21

“ ‘Ukampis jupanakan wawanakapax nayatakix sayt'asipxarakikïnwa. Janiw kamachinakaxsa arsutanakaxsa jaysapkänti; jakañ churiri arunakaxarjamas sarnaqapkänti, sábado urunakaxsa takisipxarakïnwa. Nayasti wali phiñasitapunïyätwa, uka phiñasiñax apaqtayasiñatakix pachpa wasaran tukjañ amtäyäta,

Levítico 18:5

“Nayan arsutanakaxa, kamachinakaxsa phuqhapxapunim. Kawkïri jaqitix ukanak phuqkani ukasti jakaniwa. Nayätwa Tatituxa.

Mateo 19:17

Jesusasti juparux sänwa: —¿Kunatsa kunatix askïki ukxat jiskt'ista? Dios sapakiw askix utji. Ukampis wiñay jakañarutix mantañ munstaxa, kamachinak phuqham —sasa.

Marcos 12:34

Jesusasti uka jaqin sum arsutap ist'asinxa sänwa: —Diosan qhapaq markapat janiw jayankktati —sasa. Ukatsti janiw khitis jupar juk'amp jiskt'añ munkxänti.

Lucas 7:43

Simonasti juparux sänwa: —Nayan amuyataxat jila manunïkänsa ukaw jil munaspachaxa —sasa. Jesusasti sarakïnwa: —Walik sasktaxa, ukhamapunïskiwa —sasa.

Romanos 10:4

Kamachisti Cristompiw tukusxi, ukhamat taqinis iyawsäwi tuqi aski jaqit katuqatäpxani.

Romanos 3:19

Kuntix kamachix siski uk yatipxtanwa, khitinakatix kamachirjama sarnaqapki ukanakaruw parli, taqin amukt'apxañapataki, taqi akapachankirinakax Diosan taripäwipar puriñapataki;

Romanos 7:10

nayasti jiwañaruw purta. Ukhamasti kawkïr kamachitix nayar jakañ churañapäkän ukax jiwañarukiw puriyitu,

Gálatas 3:12

Kamachi tuqitix wiñay jakañ jikxatañax utjaspaxa, Diosar iyawsañax janiw wakiskaspati; kamachi arunakar jaysañakïspawa. Qillqatan siwa: “Kamachinak phuqhirix, jaysatap laykuw qhispiyasini” sasa.

Deuteronomio 6:24

Ukatsti Tatit Diosasax taqi uka kamachi arunakarjama, axsartañ chuymampi sarnaqañ iwxapxitu, jiwasanakan wiñay kusisit jakañasataki, kamisatix jichhürkam jakayaskistu ukhama.