Juan 13:10 - Qullan Arunaka DC

Ukampis Jesusax sarakïnwa: —Khititix jichha jariqatäki ukax janiw taqpach janchip jariqañax wakiskiti, jupan q'umäskatap layku. Jumanakasti q'umäxapxtawa, janis taqpachan q'umäpksta ukasa —sasa.

Aymar Bibliia 1986

Ucampis Jesusajj saraquïnwa: —Qhititejj jichha jarekataquïqui ucajja janiw takpach janchipa jarekañajj waquisquiti k'omäscatap laycu. Jumanacajj k'omäjjapjjtawa, ucampis janiw takeni k'omäpctati —sasa.

Qullan Arunaca

Ucampis Jesusajj saraquïnwa: —Qhititejj jichha jarekataquïqui ucajja janiw takpach janchipa jarekañajj waquisquiti k'omäscatap laycu. Jumanacajj k'omäjjapjjtawa, ucampis janiw takeni k'omäpctati —sasa.

Juan 13:10 Jak'a apnaqawi uñst'ayäwi

Eclesiastés 7:20

Ukatsipana, akapachan janiw khitis jan juch luras aski jaqix utjkiti.

Cantar de los cantares 4:7

¡Munasitaxay, jumax jiwakipunïtawa; kayut p'iqikama munkañätawa! ¡Janiw juman kuna jan walis utjkiti!

Jeremías 50:20

Naya, Tatituw uk arsta: Uka urun Israel markasa, Judá markasa, taqi juchanakapat pampachatäxani, nayaw khitinakarutix jakaskir jaytkta ukanakarux juchanakap pampacharakï.

Levítico 16:26

ukxarusti, khititix Azazelataki uka cabrito wasarar apkäna ukasti, isip t'axsuqasxani, jupa kipkas umampix jariqasxarakiniwa, ukat campamentor mantanxani.

Levítico 16:28

Khititix taqi ukanak nakhantaykani ukasti, isinakap t'axsuqasxañapawa, jupa kipkas umampix jariqasxañapawa, uka qhipat campamentor mantanxarakini.

Mateo 6:12

Juchanakaxat pampachapxita, kamisatix nanakax jan wal lurapkitu ukanakarux pampachapkta ukhama.

Juan 13:18

“Janiw nayax taqi jumanakat parlkti; nayax khitinakarutix ajlliskta uk sum yatta. Ukampis kunatix Qillqatan siski ukax phuqhasiñapawa: ‘Kawkïritix nayamp chika manq'ki ukax nayatakiw sayt'i’ sasa.

Juan 13:9

Simón Pedrosti Jesusarux sarakïnwa: —Tatay, ukhamax janiy kayunakaxak jariqkistati, jan ukasti amparaxampi, p'iqixamppachay jariqita —sasa.

Juan 15:3

Jumanakasti yatichapksma uka arunak tuqix q'umäxapxtawa.

2 Corintios 5:17

Ukhamasti, khititix Cristompi mayachatäxchi ukax, machaq jaqïxiwa. Nayra luräwinakax tukusxiwa; jichhax taqi kunas machaqar tukutawa.

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

2 Corintios 7:1

Ukhamasti munat jilatanaka, Diosan taqi aka arsutanakapax jiwasatakiwa. Ukatpï taqi kunatix q'añuchkistaspa ukat jithiqtañasaxa, ukatsti janchisana, ajayusansa q'uma sarnaqañasaw wakisi; Diosar axsart'asasti q'uma jakäwi jikxatañatak ch'amachasiñäni.

1 Tesalonicenses 5:23

Sumankañ churir Diosax jumanakarux qullanar tukuypan, juparak taqpach jakañam impan, ajayumsa, almamsa, janchimsa jan akch'a q'añuni, Jesucristo Tatitusan jutañapkama.

Hebreos 9:10

Uka manq'añanaka, umañanaka, yaqhip q'umachasiñanakax patxa luräwikiwa, ukanakax kunapachatix Diosax machaqar tukuykan ukkhakam ch'amanikiwa.

Santiago 3:2

Taqiniw kunayman pantjasiñarux puripxtan; jichhasti, maynitix arsutapamp jan pantjaskchi ukaxa, chiqa jaqiwa, taqpach janchipsa sum apnaqarakispa.