Juan 13:18 - Qullan Arunaka DC

¹⁸ “Janiw nayax taqi jumanakat parlkti; nayax khitinakarutix ajlliskta uk sum yatta. Ukampis kunatix Qillqatan siski ukax phuqhasiñapawa: ‘Kawkïritix nayamp chika manq'ki ukax nayatakiw sayt'i’ sasa.

Aymar Bibliia 1986

¹⁸ “Janiw nayajj parlcti take jumanacata, nayajj yattwa qhitinacarutejj ajlliscta ucjja. Cuntejj Kellkatanjj sisqui ucajj phokhasiñapawa: “Cawquïritejj nayamp chica mank'qui ucajja nayataquiw sayt'i” sasa.

Qullan Arunaca

¹⁸ “Janiw nayajj parlcti take jumanacata, nayajj yattwa qhitinacarutejj ajlliscta ucjja. Cuntejj Kellkatanjj sisqui ucajj phokhasiñapawa: ‘Cawquïritejj nayamp chica mank'qui ucajja nayataquiw sayt'i’ sasa.

Juan 13:18 Jak'a apnaqawi uñst'ayäwi

Salmos 41:9

9 (10) Nayan munat masixamppacha, khitirutix alkataskäyät ukamppacha, khititix nayamp manq'kän ukamppachaw nayarux ch'uxña luritu.

Jeremías 41:2

Ismael chachax uka tunkanimpi sartasin Guedaliasarux espadampiw jiwayapxäna, khitirutix Babiloniankir reyix Judá uraqi apnaqañapatak utt'ayawaykatayna ukaru.

Mateo 10:36

ukhamat uñisirinakamax pachpa utamankirinakäni.

Mateo 26:21

manq'kasasti jupanakaruw säna: —Qhanak sapxsma, jumanakat maynïriw nayar aljantitani —sasa.

Mateo 26:23

Jesusasti jupanakarux sarakïnwa: —Nayamp chika chuwar t'ant'a chilltaski ukaw katuyitani.

Marcos 14:17

Arumt'xipansti Jesusax tunka payan yatiqiripampiw purïna.

Marcos 14:18

Manq'añatak qunt'atäkasinsti, Jesusax jupanakaruw säna: —Qhanak sapxsma, nayamp chik manq'apktas ukanakat mayniw aljantitani —sasa.

Marcos 14:20

Jesusasti jupanakarux sänwa: —Jumanakat maynïriwa, khititix nayamp chika pachpa chuwar t'ant'a chilltaski ukawa.

Lucas 22:21

Jichhasti khititix nayar aljantkitani ukax, nayamp chikaw aka manq'añawjan qunt'atäski.

Juan 13:21

Uk arsusinsti, Jesusax chuymapan wali llakt'ataw uñjasïna, ukatsti qhan arsurakïna akham sasa: —Qhanak sapxsma, jumanakat mayniw aljantitani —sasa.

Juan 13:22

Uk ist'asinsti, yatiqirinakapax jupanakkamaw uñkatasipxäna, janiw khitit parlatapsa yatipkänti.

Juan 13:26

Jesusasti sänwa: —Mä jisk'a t'ant'a chilltä, ukatsti khitirutix churkä ukawa —sasa. Ukatsti mä jisk'a t'ant'a chilltasin Simonan Judas Iscariote yuqaparuw churäna.

Juan 15:16

Janiw jumanakax nayar ajllisipkistati, jan ukasti, nayaw jumanakar ajllisipxsma, ukatsti walja achunak churapxañamatakiw khithapxsma, uka achun jan pist'añapataki. Ukhamat Awkix kuntix nayan sutixar mayipkäta uk churapxätam.

Juan 15:19

Jumanakatix akapachankirïpxasmaxa, akapachankir jaqinakax jupankirinakarjamaw munasipxiristam. Ukampis nayaw jumanakar akapach taypit ajllisipxsma, ukat akapachankirinakax uñisipxtam, jumanakan jan akapachankirïpxatam layku.

Juan 15:25

Ukampis ukax phuqhasiskiwa, kunjämatix kamachin qillqatäki ukarjama: ‘Aliqatak uñisipxitu’ sasa.

Juan 17:12

Kunapachatix akapachan nayax jupanakampïkäyätxa, churkista uka ch'amani sutimampiw jupanakarux imäyätxa. Janiw jupanakat maynis chhaqkänti, jan ukasti chhaqhañapäkän ukakiw chhaqxäna, kunjämtix Qillqatan siski ukarjam phuqhasiñapataki.

Juan 18:32

Ukhamaw Jesusan arsutapax phuqhasïna, kunjämtix jiwañapäkän ukxata.

Juan 19:24

soldadonakasti jupanak puraw sasipxäna: —Jan ch'iyjkañäniti, jan ukasti suerte jaqtañäni, ukhamat yatiñäni khitirus wakt'ani uka —sasa. Ukasti Qillqatan phuqhasiñapatakiw ukham lurasiskäna: “Isixsti jupanakkamaw lakjasipxäna, patar uchasiñ isixsa suertet jaqtapxarakïna” sasa. Soldadonakax ukham lurapxäna.

Juan 19:36

Akanakax Qillqatan phuqhasiñapatakiw lurasïna: “Janiw kayu ch'akhapsa p'akjapkaniti” sasa.

Juan 21:17

Jesusax mä kutimpis jiskt'askakïnwa: —Simón, Juanan yuqapa, ¿munasipunistati? —sasa. Pedrosti llakthaptänwa kimsa kuti: “munasistati” sas jiskt'atap layku, ukat sarakïna: —Tatay, jumaw taqi kun yattaxa. Jumaw nayan jumar munasitax yattaxa —sasa. Jesusasti sänwa: —Ukhamax ovejanakax awatim.

Juan 6:70

Jesusasti jupanakarux sarakïnwa: —Nayaw jumanak tunka payanir ajllipxsma, ukampis jumanakat maynïrix supayawa —sasa.

Hechos 1:16

“Jilatanaka, kuntix Qullan Ajayux David tuqi Judas chachat Qillqatanakan arskatayna ukan phuqhasiñapax wakisïnwa, jupaw Jesusar katuntir jaqinakan irpiripäna.

Hechos 1:2

kunürutix alaxpachar jupax makhatkän ukürkama. Jesusax alaxpachar janïr makhatkasaxa, ajlliskatayna uka apostolunakaparuw Qullan Ajayu tuqi iwxawayäna kuntix lurapxañapäki ukxata.

2 Corintios 4:5

Janiw nanak pachpat yatiyasipkti, jan ukasti Jesucriston Tatitütap yatiyapxta; nanakax Tatitur munatanakax laykuw jumanakan yanapirimar tukupxta.

Hebreos 4:13

Janiw kuna luratapas Diosan nayraqatapan imantaskaspati; taqi kunapuniw jupan nayraqatapan qhanstani, taqi luratasat arsuñasaw wakt'istani.