Juan 13:10 - Aymar Bibliia 1986

¹⁰ Ucampis Jesusajj saraquïnwa: —Qhititejj jichha jarekataquïqui ucajja janiw takpach janchipa jarekañajj waquisquiti k'omäscatap laycu. Jumanacajj k'omäjjapjjtawa, ucampis janiw takeni k'omäpctati —sasa.

Qullan Arunaca

¹⁰ Ucampis Jesusajj saraquïnwa: —Qhititejj jichha jarekataquïqui ucajja janiw takpach janchipa jarekañajj waquisquiti k'omäscatap laycu. Jumanacajj k'omäjjapjjtawa, ucampis janiw takeni k'omäpctati —sasa.

Qullan Arunaka DC

¹⁰ Ukampis Jesusax sarakïnwa: —Khititix jichha jariqatäki ukax janiw taqpach janchip jariqañax wakiskiti, jupan q'umäskatap layku. Jumanakasti q'umäxapxtawa, janis taqpachan q'umäpksta ukasa —sasa.

Juan 13:10 Jak'a apnaqawi uñst'ayäwi

Eclesiastés 7:20

Ucampisa aca orakenjja janiw qhitis asqui jakejj utjquiti, janipun juch lurasa asqui lurirejja.

Cantar de los cantares 4:7

¡Munatajjay, jumajj muncañätawa, cayut p'ekecama jiwaquipunïtawa! ¡Jumansti janiw cuna jan walis jicjjatasquiti!

Jeremías 50:20

Naya Tatituw ucjja arsta: Uca urunacanjja Israel, uqhamaraqui Judá marcasa, take juchanacapatjja khespiyatäjjapjjaniwa, nayaw perdonaraquï, qhitinacarutejj jacañani jaytapcän ucanacaru.

Levítico 16:26

ucjjarusti cawquïri jaketejj uca cabrito wasararu apcäna Azazel ucataqui, ucat isipjja t'ajjsurasjjaraquiniwa, jupa quipcasa jarekasjjaraquiniwa, ucatwa campamentoru mantanjjaraquini.

Levítico 16:28

Cawquïri jaketejj take ucanaca naqhantayjjani ucasti isinacapjja t'ajjsokasjjañapawa, uqhamarac jupa quipcasa jarekasjjañaparaquiwa, uca khepatwa campamentoru mantanjjaraquini.

Mateo 6:12

Juchanacajjatjja pampachapjjeta, cunjämatejj nanacajj jan wali lurapquitus ucanacarojj perdonapjjta uqhama.

Juan 13:18

“Janiw nayajj parlcti take jumanacata, nayajj yattwa qhitinacarutejj ajlliscta ucjja. Cuntejj Kellkatanjj sisqui ucajj phokhasiñapawa: “Cawquïritejj nayamp chica mank'qui ucajja nayataquiw sayt'i” sasa.

Juan 13:9

Pedrosti ucjjarojj saraquïnwa: —Uqhamasti Tata, janiy cayojj sapacjja jarekestati, jan ucasti amparajjampi p'ekejjamppachay jareketa —sasa.

Juan 15:3

Jumanacajj k'omäjjapjjtawa, yatichapcsma uca arunac toke.

2 Corintios 5:17

Uqhamasti, qhititï Cristompëjjchi ucajj machak jakëjjewa. Nayra luräwinacasti tucusjjaraquiwa, jichhajj take cunas machakar tucutawa.

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

2 Corintios 7:1

Uqhamapï munat jilatanaca, Diosan take aca arsutanacapajj jiwasataquiwa. Ucatpï take cunatejj k'añuchquistaspa ucatjja jithektañasajja, ucatsti k'oma sarnakañasawa janchisansa, uqhamaraqui ajayusansa. Diosar ajjsarasaraquiw juparojj take catuyasjjañasajja.

1 Tesalonicenses 5:23

Pachpa sumancañ Diosajj jumanacarojj phokhat k'omachäwimp k'omachpan, uqhamarac imaracpan ajaysa, almsa, janchissa, jan acch'a juchani Tatit Jesucristosan jutañapcama.

Hebreos 9:10

Ucasti mank'añawjata, umañawjampitac parli, yakhep k'omachasiñanacampita. Ucasti ankäjjataquiquiwa ch'amanejja, cuna horasatï Diosajj mayampi machakat lurcani ucqhacama.

Santiago 3:2

Takeniw walja pantjasïwinac lurtan, ucampis maynitejj arsutapanjja jan pantjascchejja, ucajj cheka jakewa, take janchipsa frenompjamaraquiw apnake.