Levítico 16:26 - Qullan Arunaka DC

²⁶ ukxarusti, khititix Azazelataki uka cabrito wasarar apkäna ukasti, isip t'axsuqasxani, jupa kipkas umampix jariqasxarakiniwa, ukat campamentor mantanxani.

Aymar Bibliia 1986

²⁶ ucjjarusti cawquïri jaketejj uca cabrito wasararu apcäna Azazel ucataqui, ucat isipjja t'ajjsurasjjaraquiniwa, jupa quipcasa jarekasjjaraquiniwa, ucatwa campamentoru mantanjjaraquini.

Qullan Arunaca

²⁶ ucjjarusti cawquïri jaketejj uca cabrito wasararu apcäna Azazel ucataqui, ucat isipjja t'ajjsurasjjaraquiniwa, jupa quipcasa jarekasjjaraquiniwa, ucatwa campamentoru mantanjjaraquini.

Levítico 16:26 Jak'a apnaqawi uñst'ayäwi

Levítico 11:24

“Jumanakax aka luräwinak lurasax, q'añuchataw uñjasipxäta: “Khititix uka jiwat animalanakar llamkt'kani ukasti, jayp'thapiñapkamax q'añupuniw uñjasini.

Levítico 11:25

“Khititix uka jiwat animalanak aptkani ukasti, isipxa t'axsuqasxañapawa, ukampis jayp'thapiñapkamax q'añukipunïskaniwa.

Levítico 11:27

“Kawkïri pusi kayuni animalanakatix sarnaqañatak kayu qutunakapampi takt'asipki ukanakarux, q'añu animalanakat uñt'apxäta.

Levítico 11:28

Ukhamaraki, khititix uka jiwat animalanakar llamkt'kani ukanakax, jayp'thapiñapkam q'añukipuniw uñjasipxani, isinakapsa t'axsuqasipxañapawa, jumanakasti uka animalanakarux q'añu animalanakat uñt'apxäta.

Levítico 11:31

“Taqi animalanak taypinsti uka laq'unakarux q'añu laq'unakat uñt'apxäta. Khititix uka jiwat laq'unakar llamkt'kani ukasti, jayp'thapiñapkamaw q'añuchat uñjasini.

Levítico 11:32

“Uka kipkaraki, uka jiwat animalanakan janchipatix lawat lurata yänakxaru, lip'ichit lurat yänakxaru, isinakxaru, jan ukax lurañataki yänakxaru liwxattani ukax, jayp'thapiñkamaw q'añuchat uñjasini. Q'umachañatakisti, umampi sum jariqatäñapawa.

Levítico 11:39

“Kawkïri uywanaktix jumanakax manq'añatak uskusipkäyäta ukat uka uywax jiwxarakini ukasti, khiti jaqitix uka jiwat uywar llamkt'kani ukax, jayp'ukam q'añuw uñjasini;

Levítico 11:40

uka jiwat uywan aychap manq'kani ukasti, isipxa t'axsuqasxañapawa, ukatsti q'añurakiw jayp'ukam uñjasini; khititix uka jiwat uywar waysuñatak llamkt'kani ukasti, isipxa t'axsuqasxañapawa, jupasti jayp'ukamaw q'añuchat uñjasini.

Levítico 14:8

“Uka q'umachasiri jaqisti isinakap t'axsuqasxañapawa, jupas jariqasxañaparakiwa, ñik'utapsa, taqpach janchipan utjki uka t'arwanaksa q'al mururasiñapa, ukhamat q'uma uñjasxañapataki. Ukapachakiw wasitat campamentor mantxaspa, ukampisa paqallqu urunakampiw chhujllapat anqäxan jakañapa.

Levítico 15:27

“Khititix uka yänak llamkt'kani ukasti q'añut uñt'atäxaniwa. Isip t'axsuqasxañapawa, jupa kipkas jariqasxañaparakiwa, ukatsti jayp'ukamax q'añut uñt'atakipunïskaniwa.

Levítico 16:10

ukampis kawkïri cabritotix Azazelatakïkani uksti, jakkirpach juchat pampachatäñataki Tatitun nayraqatapar uñstayani, ukatsti uka cabritorux wasararuw Azazelatak antutnukxani.

Levítico 16:25

Kawkïr uywatix jucha luratat wilañcha luqtatäkän ukan lik'inakapsti altarxaruw nakt'ayxani;

Levítico 16:28

Khititix taqi ukanak nakhantaykani ukasti, isinakap t'axsuqasxañapawa, jupa kipkas umampix jariqasxañapawa, uka qhipat campamentor mantanxarakini.

Levítico 16:8

ukxarusti uka pä cabritotxa, kawkïris Tatitutakïni, kawkïris Azazelatakïni uk yatxatarakini.

Números 19:21

Uka kamachisti wiñayatakïniwa. Q'umachasir umampi yaqha jaqir ch'allakipirixa, isip t'axsusiñapawa. Q'umachasir uma llamkt'iristi, jayp'ukamaw q'añuchat uñjasini.

Hebreos 7:19

Moisesan kamachipasti janiw kunsa chiqachkänti. Uka lantisti suma suyt'äwiw utjistu, uka tuqirakiw Diosarux jak'achastan.