Jumarux kunayman usunakampiw usuntayätam. Jumax purak usumpix jiphillanaksa qutstayasiñkamaw usuntäta’ ” sasa.
Apocalipsis 16:2 - Qullan Arunaka DC Nayrïr angelasti sarasin uraqiruw qirup waranuküna; ukatsti taqi khitinakatix uka jach'a axsarkañ animalan chimpupampi chimpt'atäpkäna, ukar uñtasit lursutarus yupaychapkarakïn uka jaqinakarusti, jan wali llixti usuw janchinakapar mistüna, wal usuyasa. Aymar Bibliia 1986 Nayrïri angelasti sarasinjja copapjja orakjjaruw wart'anïna. Take qhitinacatejj uca jach'a ajjsarcañ animalan chimpt'atäqui, uqhamarac uñtasitanacaparus yupaychapcäna ucanacarojj mä jan wali llejjti usuw mistüna wali usuyasa. Qullan Arunaca Nayrïri angelasti sarasinjja copapjja orakjjaruw wart'anïna. Take qhitinacatejj uca jach'a ajjsarcañ animalan chimpt'atäqui, uqhamarac uñtasitanacaparus yupaychapcäna ucanacarojj mä jan wali llejjti usuw mistüna wali usuyasa. |
Jumarux kunayman usunakampiw usuntayätam. Jumax purak usumpix jiphillanaksa qutstayasiñkamaw usuntäta’ ” sasa.
Inti jalsu thayampi, aynach thayampiw alaxpachan thayt'äna; ¡Diosaw ch'amapampi thayt'ayäna!
Jichhax jumanakarux q'alalsuyapxämawa, p'iqis q'ararata, q'ala llixtjtata tukuyapxäma.”
“Jerusalén markankir warminaka, jichhürux suma q'apkir qullampi q'aphichatäpxtawa, qharürusti axtañ q'aphinakjamaw q'apipxäta; jichhürux suma wak'anakampi wak't'atäpxtawa, qharürusti wiskanakampi wak't'atakïpxätawa; jichhürux suma isinakampi isthapitäpxtawa, qharürusti thantha isinakamp isthapitakïxapxätawa; jichhürux jiwa uñnaqt'anïpxtawa, qharürusti ajanumax t'irikamakïniwa; jichhürux ñik'utamas ukkha sum k'anthapt'asitäpxtawa, qharürusti jan ñik'utaniw uñjasipxätaxa.”
Ukspachaw Tatitun angelapax Herodesar usuntayäna, Diosäkaspas ukham amuyasitap layku, jupasti laq'unakan manq'antataw jiwxäna.
“Tatituw jumar egipcionakarjam llixti usunakamp mutuyätam, p'usu usunakampi, sarna usunakampi, jasi jasi usunakampi, janiw uka usunakat waliptkätati.
Tatituw juman qunqurimaru, lankhu charamaru, taqpach janchimar ñanqha llixtinakamp t'aqhisiyätam, janiw kunas k'umarachkätamti.
Tatitusti taqi usunaka, mutuñanaka jumanakat apaqapxätam, Egipto markar apaykän uka usunak apanukuni; ukampis Tatitux taqi uka usunakampiw uñisirinakamar t'aqhisiyani.
Nayrïr jach'a axsarkañ animaljam munañanirakikïnwa, jupan nayraqatapana. Aka uraqin utjirinakarusti uka nayrïr jach'a axsarkañ animalar yupaychapxañapatakiw wayt'äna, jach'a chhuxripat waliptkataynas ukaru.
Ukspachaw qinay patan qunt'atäkän ukax, yawiñapampi yapunak apthapi aka uraqina.
Ukxarusti kimsïr yaqha angelarakiw jupanakar arktäna, wali jach'at art'asisa: “Khititix uka jach'a axsarkañ animalar yupaychkani, ukar uñtasit lursutarus yupaychkani, uka axsarkañ animalan chimpupampi amparaparusa, jan ukax, paraparus uchayaskani ukaxa,
Ukatsti mä jach'a aru ist'arakta qullan utjäwit mistuniri, paqallqu angelanakarusti sänwa: “Sarapxam, ukatsti Diosan q'apisiñapamp phuqhantat paqallqu qirunak uraqir waranukunipxam” sasa.
ukampis janiw ukhamäkasinsa jan wali luräwinakap apanukupkänti, jan ukasti, jan wali q'añu arunakampiw alaxpachankir Diosar ñanqhachapxäna, llixti usumpi mutupxatap layku.
Nayrïr angelaw trompetap phust'äna, ukatsti chhijchhimpi, ninampiw aka uraqirux warxattanïna, wilampi kituntata. Uraqisti niya chikatan chikatapaw nakhantäna, quqanakatsa, taqi ch'uxña quranakatsa niya chikatan chikatapaw nakhantarakïna.
Ukatsti Tatitux Asdod chiqan utjasirinakarux walpun t'aqhisiyäna, axsarañampi phuqhantasa kunayman ch'uphu usunakampi chhuxriñchjasaraki.
Ukampis Tatitun arcapa uka markar puripansti, Tatitux uka markan kunayman jan walt'añanak sartayäna, jaqinakarusti taqiniruw kunayman ch'uphu usunakampi chhuxriñchjäna, jach'a jaqinakaru, ukhamarak wawanakarusa.