Apocalipsis 8:7 - Qullan Arunaka DC

⁷ Nayrïr angelaw trompetap phust'äna, ukatsti chhijchhimpi, ninampiw aka uraqirux warxattanïna, wilampi kituntata. Uraqisti niya chikatan chikatapaw nakhantäna, quqanakatsa, taqi ch'uxña quranakatsa niya chikatan chikatapaw nakhantarakïna.

Aymar Bibliia 1986

⁷ Nayrïri angelasti trompetapjja phust'änwa, ucatsti chhijchhiwa aca orakerojj purinïna, wilampi quittata nina jalluraquiw orakerojj jallüna, ucatsti quimsïri partewa aca orakenjj tucusïna, kokanacatsa take koranacatsa quimsïri partewa naqhantäna.

Qullan Arunaca

⁷ Nayrïri angelasti trompetapjja phust'änwa, ucatsti chhijchhiwa aca orakerojj purinïna, wilampi quittata nina jalluraquiw orakerojj jallüna, ucatsti quimsïri partewa aca orakenjj tucusïna, kokanacatsa take koranacatsa quimsïri partewa naqhantäna.

Apocalipsis 8:7 Jak'a apnaqawi uñst'ayäwi

Salmos 105:32

Jallu lantix chhijchhi apayanïna, uraqirusti nina lawranak apayanïna.

Éxodo 9:33

Moisesasti faraonamp parlasin markat mistuwayäna, amparanakap aytasaw Tatitur mayïna. Ukatsti ukspachaw chhijchhix t'akurawayxäna, janiw jallus purxatkxänti, qhixu qhixunakas janirakiw utjkxänti.

Isaías 28:2

Tatitux Asiria ch'aman marka jumanakatakix wakichaski, wali ch'aman chhijchhir uñtata, taqi kun tukjir thayjama, wali umani jallükaspas ukhama, uraq chhaqtayir umjama. Asiria markax munañapampi, ch'amapampiw

Isaías 30:30

Tatitusti jach'a arupa ist'ayani, jach'a ch'amapsti uñacht'ayarakiniwa, axsarkañ phiñasiñampiw ukanak lurani, q'ixu q'ixunakampi, jallumpi, chhijchhimpi taqi ukanakax mä aqkir ninjam tukjiriwa.

Isaías 32:19

chhijchhisay ch'umirux q'al tukjaskpan, markaxasay jisk'achjat uñjasiskpan.

Joel 2:30

30 (3) alaxpachansti jach'a muspharkañanak uñacht'ayä, aka uraqinsti wilampi, ninampi, jiwq'i qinayanakamp uñacht'ayarakï.

Santiago 1:11

Kunapachatix intix jalsusin wal lupt'anki ukkhaxa, uka alix wañsuwa, panqaras willirtarakiwa, ukatsti suma uñnaqapas tukusiwa. Qamir jaqix ukhamarakiw luräwinakapampi chik tukusini.

Josué 10:11

Amorreonakax israelitanakat jaltxasin Bet-horón sat aynacha jalaqasipkän ukkhasti, Tatitux chhijchhir uñtat jach'a qalanak jupanakxar puriyäna, ukanakasti israelitanakan espadanakapamp jiwarayañat sipansa, juk'amp walja amorreo jaqinakaruw jiwarayäna.

1 Pedro 1:24

Diosan arunakapax siwa: “Taqi jaqix qurar uñtatakiwa, jach'a kankañapasti quran panqarapar uñtatakiwa. Qurax wañsukiwa, panqaras willirtxakiwa,

Apocalipsis 12:4

Wich'inkhapampisti niya chikatan chikatap alaxpach warawaranak qatatïna, ukatsti uraqiruw willirtayanïna. Uka dragonasti wawachasir warmin nayräxaparuw sayt'asi, yurkani uka wawar ukspach manq'antañataki.

Apocalipsis 16:2

Nayrïr angelasti sarasin uraqiruw qirup waranuküna; ukatsti taqi khitinakatix uka jach'a axsarkañ animalan chimpupampi chimpt'atäpkäna, ukar uñtasit lursutarus yupaychapkarakïn uka jaqinakarusti, jan wali llixti usuw janchinakapar mistüna, wal usuyasa.

Apocalipsis 16:21

alaxpachat jach'a chhijchhinakaw jaqinakxar purïna, sapa mayasti pusi tunka kilot jilänwa. Jaqinakasti ukham chhijchhi uñjasax, jan wali arunakampiw Diosar ñanqhachapxäna, uka mutuyäwin sinti jach'ätap layku.

Apocalipsis 6:8

Uñtasinsti mä q'illu caballo uñjarakta. Uka caballor lat'xatatäkän ukan sutipasti “Jiwaña” satänwa, jupan qhipapsti manqha pachan jilïripaw arkäna. Ukatsti panpachaniw munañanïñ kankañ katuqapxäna, akapach uraqin jaqinakar chikatan chikatapar jiwayañataki, nuwasiñanak tuqi, mach'anak tuqi, usunak tuqi, qhuru animalanak tuqi.

Apocalipsis 7:1

Uka qhipatsti, pusi angelanakaruw uñjarakta. Jupanakasti aka uraqin pusi tuqitpach sayt'atäsipkänwa, pusi tuqit jutir thayanak jark'asipkäna, kuna thayas aka uraqxar jan thayt'aniñapataki, janirak jach'a qutanakxarusa, kuna quqanakxarusa.

Apocalipsis 9:15

Ukapachaw uka pusi angelanakax jaranukut uñjasipxäna, niya chikatan chikatap jaqinakar jiwarayañataki, jupanakasti uka pachataki, uka urutaki, uka phaxsitaki, uka maratak wakichatäpxataynawa.

Apocalipsis 9:18

Jaqinakasti niya chikatan chikatapaw jiwaräna, uka caballonakan lakanakapat mistur ninampi, azufrempi, jiwq'impi.

Apocalipsis 9:4

Ukanakasti uraqinkir quranakaru jan ñanqha lurapxañapatakiw ixwa katuqapxäna, janirak kuna ch'uxñanakarusa, kuna quqanakarus ñanqha lurapxañapataki, jan ukasti, khitinakatix Tatitun chimpupampi paranakapan jan chimpt'atäpki uka jaqinakaruk t'aqhisiyañataki.