Jumanakax nayar luqtir sacerdotenakäpxätawa, nayatak yaqhachat suma markarakïpxätawa.” Taqi ukanak israelitanakar yatiyam —sasa.
Apocalipsis 1:6 - Qullan Arunaka DC ukatsti reyinaka sacerdotenak jiwasarux tukuyistu Dios Awkiparu luqtañasataki. ¡Qhapaq kankañasa, ch'aman kankañas wiñayatak jupankpan! Ukhamäpan. Aymar Bibliia 1986 Ucatsti reyinaca sacerdotenacaracwa jiwasarojj tucuyistu Dios Awquiru sirviñasataqui. ¡Jach'a cancañasa, munañanïñasa jupancaracpan wiñayataqui! Uqhamäpan. Qullan Arunaca Ucatsti reyinaca sacerdotenacaracwa jiwasarojj tucuyistu Dios Awquiru sirviñasataqui. ¡Jach'a cancañasa, munañanïñasa jupancaracpan wiñayataqui! Uqhamäpan. |
Jumanakax nayar luqtir sacerdotenakäpxätawa, nayatak yaqhachat suma markarakïpxätawa.” Taqi ukanak israelitanakar yatiyam —sasa.
Jumanakarusti: “Tatitun sacerdotenakapa” sasaw sutichapxätam, Tatitun luqtirinakapa sasaraki. Yaqha markanakankir qamir yänakapampiw kusisipxäta, uka k'ajkir yänakapampiw k'achachasipxäta.
34 (31) “Kunapachatix uka juchañchäwi urunakax phuqhasxäna ukapachasti, naya Nabucodonosor reyix alaxpacha uñtta, ukatsti luqhi kankañaxat qullatätaxa amuyasirakta, ukat nayax alaxpachankir Diosar jach'añchta, aka arunakampiw wiñayatak jakiriru yupaycharakta: “ ‘Ch'amapax wiñayatakipunïniwa; jupan marka apnaqañapax wawanakansa wawanakapatakïniwa.
Jupasti munañan kankañampi, qhapaq kankañampi katuqäna, aka uraqpach apnaqañataki, ukatsti taqi markankir jaqinaka, kunayman arut parlir jaqinakarakiw juparux luqtapxäna. Jupan munañan kankañapax wiñayawa, marka apnaqäwipas janipuniw tukuskaniti.
Janirak yant'äwir puriyapxistati, jan ukasti ñanqhat qhispiyapxita’; [jumankiw jaqinakar apnaqañaxa, ch'amanïñasa, jach'achatäñasa wiñayan wiñayapataki. Ukhamäpan.]
kamisatix Awkir jach'añchapki, ukhamarak Yuqar taqpachan jach'añchañapataki. Yuqar jan jach'añchirix, janiw khithanki uka Awkir jach'añchkiti.
Taqi kunas Diosat juti, jupïpan utji, jupatakirakiwa. ¡Diosax wiñayatak jach'achatäpan! Ukhamäpan.
ukatsti taqi jaqirakiw yatipxañapa: Jesucriston Tatitütapa, Dios Awkir jach'añchañataki.
Jupa sapakiw wiñay jakir Diosaxa, jupasti jan jak'kay jach'a qhana taypin jakaraki. Janiw khiti jaqis juparux uñjkiti, janirakiw uñjkanisa. ¡Jach'achatäñampi, ch'amanïñampix wiñayan wiñayapatak jupankiwa! Ukhamäpan.
uka Diosay jumanakarux q'uma, taqi kunansa aski tukuypan, munañap phuqhapxañamataki; Jesucristo tuqi kuntix jiwasanakamp lurañ munki uk lurarakpan. ¡Jesucristox wiñayatak jach'añchatäpan! Ukhamäpan.
Maynitix sum parlirïchixa, Diosan arunakap parlpan. Maynitix khitirus kunjäm yanapt'añsa yatchixa, Diosan ch'amapamp lurpan. Taqi kuntix lurapkäta ukax jupanakan Jesucristo tuqi Diosar yupaychañatakïpan, jupankiw jach'a kankañaxa, munañanïñasa wiñayan wiñayapataki. Ukhamäpan.
Ukampis Qhispiyiri Tatit Jesucristosar uñt'apxam, munasiñapan jiltapxarakim. ¡Jupasti jach'añchatäpan, jichhasa, wiñayataki! Ukhamäpan.
Naya, Juanax, jumanakan jilamätwa, Jesusampi mayacht'asitax layku, t'aqhisïwinakan ch'amampi mututax laykusti, jumanakamp chikax Diosan ajllit markapankirïtwa. Diosan arunakap yatiyatax layku, Jesucristot parlatax laykurakiw Patmos quta wat'an nayax katuntat jikxatasïyäta.
¡Nayrïr jaktäwin jaktirinakax kusisiñanïpxiwa, ajllita qullan markankirïxapxiwa! Payïr jiwasti janiw jupanakxarux kuna ch'amanïkisa, jan ukasti, jupanakax Diosampin, Cristompin sacerdotepäpxaniwa, waranqa maraw jupampi reyit qunt'asipxani.
“Tatay, nanakan Diosaxay, jach'añchäwimpi, qhapaq kankañampi, munañanïñ kankañampi katuqañatakix askïtawa. Jumaw taqi kunsa ina ch'usat lurtaxa; munañamat taqi kunas utji, juman uskutarakiwa” sasa.
Jupanakat mä marka tukuytaxa, reyinaka, sacerdotenak Diosatak tukuytaxa, taqi aka uraqpachar apnaqapxañapataki” sasa.