Éxodo 19:6 - Qullan Arunaka DC

⁶ Jumanakax nayar luqtir sacerdotenakäpxätawa, nayatak yaqhachat suma markarakïpxätawa.” Taqi ukanak israelitanakar yatiyam —sasa.

Aymar Bibliia 1986

⁶ Jumanacasti nayar sirviri sacerdotenacäpjjätawa, uqhamarac nayaru catuyat suma marcaraqui.” Take acanac israelitanacar yatiyam —sasa.

Qullan Arunaca

⁶ Jumanacasti nayar sirviri sacerdotenacäpjjätawa, uqhamarac nayaru catuyat suma marcaraqui.’ Take acanac israelitanacar yatiyam —sasa.

Éxodo 19:6 Jak'a apnaqawi uñst'ayäwi

1 Reyes 3:8

Ukampis jichhax juman ajllit marka nayraqatanktwa; uka markasti wali jach'awa, waljätapatsti janiw jakt'añjamäkiti, qawqhätapas janiw amuyt'añjamäkiti.

1 Reyes 8:53

Tatay, jumaw taqi aka uraqin utjir markanak taypit markamar jumatak yaqhachastaxa, kunjämtix Moisés luqtirim tuqi arsktaxa, kunapachatix nayra awkinakaxar Egiptot jumax irpsunkta ukapacha” sasa.

1 Crónicas 17:22

Israel markar wiñay markamäñapatak katxarta uka layku, Tatay, jumarakiw markaman Diosapäyätaxa.

Salmos 114:2

Judá markax Tatitun qullan utjäwiparuw tuküna; Israel markax jupan apnaqat markaruw tuküna.

Éxodo 15:26

Sarakïnwa: “Jumanakatix naya, Tatit Diosaman arunakapar sum ist'apxäta, munañaxsa lurapxäta, ukatsti kamachi arunakaxarusa, kamachinakaxarus phuqhapxarakïta ukapachaxa, janiw kawkïr mutuyäwinaktix egipcionakar apaykta ukanak apayanipkämati. Nayätwa jumanakar k'umarachir Tatitumaxa” sasa.

Éxodo 22:31

31 (30) “Jumanakax nayatak yaqhachat markäpxañamawa. “Pampa animalanakan jisk'a jisk'a tukjat uywan aychapxa janiw manq'apxätati; uka aychxa anunakaruw liwxaruyapxäta.

Éxodo 28:36

“Ukxarusti suma qurit mä placa luräta, ukarusti mä chimpükaspas ukham aka arunak uchäta: ‘Tatitur katuyata’ sasa.

Isaías 43:4

Israel, nayax jumarux wal munssma, jumax nayatakix wali jila alanïtawa. Jumar qhispiyañataki, nayan markaxäñamatakixa, jaqinakampi, markanakamp katuyta.

Isaías 61:6

Jumanakarusti: “Tatitun sacerdotenakapa” sasaw sutichapxätam, Tatitun luqtirinakapa sasaraki. Yaqha markanakankir qamir yänakapampiw kusisipxäta, uka k'ajkir yänakapampiw k'achachasipxäta.

Isaías 62:12

Israelitanakarusti: “Qullan marka”, “Tatitun qhispiyatanakapa” sasa, Jerusalenarusti: “Munat marka”, “Jan apanukut marka” sasaw sutichapxani.

Isaías 66:21

“Jupanakatsti yaqhipanakarux sacerdotëpxañapatakiw ajllï, yaqhipanakarusti, Tatitun utapan yanapasirinak ajllirakï. Naya Tatituw ukanak arsta.”

Jeremías 13:11

Kunjämatix mä wak'ampi wal jiyantas wak'antastanxa, ukhamarakiw Israel markasa, Judá markas nayan jak'axan mayakïpxañapa, ukhamat nayan markaxäñapataki, sutixsa yatiyapxañapataki, jach'a kankañaxsa, jach'ar aptapxañapataki. Ukampis janiw ist'apkituti. Naya, Tatituw uk arsta.

Jeremías 2:3

Juma sapakiw nayatakïyätaxa; ¡nayan nayraqat munasitaxäyätawa! Maynitix kuna ñanqhsa lurchiyätamxa, nayaw ukarux t'aqhisiñ apayanïyäta. Naya, Tatituw uk arsta” sasa.

Jeremías 7:23

Ukampis jupanakarux nayar ist'apxañapatakiw mayta; ukhamat nayax jupanakan Diosapïrista, jupanakasti nayan markaxarakïspa sasa. Ukatsti sarakïyätwa kunjämtix nayax siskta ukarjam sarnaqapxañapa, ukhamat taqi kunas sumak sarañapataki.

Levítico 19:2

“Israelitanakarux akham sarakim: “Jumanakasti qullanäpxam, naya Tatit Diosamax qullanätwa.

Levítico 20:24

Nayasti sapxsmawa, kawkïr uraqtix nayax churapkäma uka jaqinakan uraqinakapax jumanakankxaniwa. Uka uraqisti wali suma uraqipuniwa, manq'añanakamas jan tukuskayapunïniwa. “Nayätwa jumanakan Tatit Diosamaxa, jumanakarusti nayaw yaqha markanakat sipan mä suma marka yaqhachapxsma.

Levítico 20:26

Jumanakasti nayatakix q'uma jaqinakäpxam, naya Tatit Diosamasti q'umätwa, ukampis yaqha markanakat sipan nayan markaxäpxañamatakiw yaqhachapxsma.

Levítico 21:23

ukampis janipuniw velo qhipäxarux mantkaniti, altararus jak'achaskarakiniti, ukhamat jan k'umarätapampix uka qullan uta jan q'añuchaskañapataki. Naya Tatituw uka qullan uta nayatak yaqhachasta.”

Amós 3:2

“Taqi markanak taypitxa, jumanak saparukiw ajllisipxsma. Ukat taqi jan wali ñanqhanak lurapxatanakamat taripapxäma”.

Hageo 2:5

Egipto markat mistunipkta ukapachax jumanakampïñatakiw nayax arsüyäta, ukasti phuqhasiskiwa. Ajayuxaw jumanakampïski, jan axsarapxamti.

Números 16:3

Taqpachaniw jupanakax tantachasisin Moisesampiru, Aaronampir saykatapxäna, akham sasa: —¡Jumanakakiw taqi kunsa munasipktaxa! Taqpach markaw Diosar katuyata, Tatitusti taqi jiwasanakampïskiwa. ¿Kunatarak jumanakasti Tatitun markapxar mä jach'a munañanïpkasmas ukham sartapxtasti? —sasa.

Romanos 12:1

Ukhamasti munat jilatanaka, Diosan khuyapayasiñap laykuw achikt'apxsma, jumanak pachpay jakkir waxt'äwjam luqtasipxam, qullana, ukhamarak Diosar kusisiykir luqtjama. Uka luqtäwiwa chiqpach yupaychäwixa.

1 Corintios 3:17

Maynitix Diosan utap t'unthapinixa, Diosax jupar t'unthapirakiniwa, Diosan utapax qullanawa, uka utasti jumanak pachpäpxtawa.

Deuteronomio 14:21

“Janiw jumanakax jupapach jiwat animalanakan aychap manq'apxätati, jumanakax Diosatak yaqhachat markäpxtawa; ukampis ukanakxa yaqha markat jutiri, jumanak taypin jakir jaqirux churasipkasmawa; jupax manq'askaspawa; jan ukax markam chiqa sarakipir jaya jaqiruw uk aljasipkarakisma. “Janiw cabritonakan aychapxa taykapan lechepar phayapxätati.

Deuteronomio 26:19

Jupaw jumarux taqi markanakat sipan mä jach'a marka tukuyätam, jach'a kankañani, aytat kankañani; ukhamat Tatit Diosamatak yaqhachat qullan markar tukurakïta, jupax sisktam ukhamarjama.”

Deuteronomio 28:9

“Jumatix kamachi arunakap phuqhäta, thakhipanjam arkarakïta ukkhaxa, Tatit Diosamax jupatak yaqhachat marka tukuyätam, kamisatix juramentomp arsuwayktam ukhamarjama.

Deuteronomio 7:6

Jumanakasti Tatit Diosamatak ajllit markäpxtawa; Tatituw jumanakarux aka uraqin utjir taqi markanak taypit ajllisipxtam, ukhamat jumanakan jupatak yaqhachat markäpxañamataki.

1 Tesalonicenses 5:27

Tatitun sutipxaruw iwxt'apxsma, aka qillqat taqpach jilatanakatak ullart'apxañamataki.

1 Pedro 2:5

Ukatpï Diosax jakkir qalanak tukuyapxätamxa, uka qalanakampix ajay templo sayt'ayani, jumanakarux qullana sacerdotenak tukuyani, Jesucristo tuqi ajayun suma luqtäwinakam Tatitur churañataki.

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.

Apocalipsis 1:6

ukatsti reyinaka sacerdotenak jiwasarux tukuyistu Dios Awkiparu luqtañasataki. ¡Qhapaq kankañasa, ch'aman kankañas wiñayatak jupankpan! Ukhamäpan.

Apocalipsis 20:6

¡Nayrïr jaktäwin jaktirinakax kusisiñanïpxiwa, ajllita qullan markankirïxapxiwa! Payïr jiwasti janiw jupanakxarux kuna ch'amanïkisa, jan ukasti, jupanakax Diosampin, Cristompin sacerdotepäpxaniwa, waranqa maraw jupampi reyit qunt'asipxani.

Apocalipsis 5:10

Jupanakat mä marka tukuytaxa, reyinaka, sacerdotenak Diosatak tukuytaxa, taqi aka uraqpachar apnaqapxañapataki” sasa.