Éxodo 19:5 - Qullan Arunaka DC

⁵ Ukhamasti, jumanakatix nayan arunakax sum ist'asin jaysapxitäta, arust'äwi lurataxsa phuqhapxarakïta ukaxa, jumanakax taqi markanak taypin nayan munat markaxäpxätawa, taqi uraqix nayankiwa.

Aymar Bibliia 1986

⁵ Jichhasti jumanacatejj nayan arunacajj sum ist'asina jaysapjjetäta, uqhamarac nayan jumanacampi mä suma amtäwi luratajjsa phokhapjjaraquïta ucajja jumanacasti nayan suma munat marcajjäpjjätawa take marcanac taypinjja. Ucampis take orakejja nayanquiwa.

Qullan Arunaca

⁵ Jichhasti jumanacatejj nayan arunacajj sum ist'asina jaysapjjetäta, uqhamarac nayan jumanacampi mä suma amtäwi luratajjsa phokhapjjaraquïta ucajja jumanacasti nayan suma munat marcajjäpjjätawa take marcanac taypinjja. Ucampis take orakejja nayanquiwa.

Éxodo 19:5 Jak'a apnaqawi uñst'ayäwi

Génesis 17:9

Diosasti Abraham chacharux saskakïnwa: —Jumampi, wawanakamampix nayan arust'äwixarux phuqhapxapunim.

1 Reyes 8:53

Tatay, jumaw taqi aka uraqin utjir markanak taypit markamar jumatak yaqhachastaxa, kunjämtix Moisés luqtirim tuqi arsktaxa, kunapachatix nayra awkinakaxar Egiptot jumax irpsunkta ukapacha” sasa.

1 Crónicas 17:22

Israel markar wiñay markamäñapatak katxarta uka layku, Tatay, jumarakiw markaman Diosapäyätaxa.

Job 41:11

11 (3) ¿Jupampi nuwasiñ munirix, jan kuna kamacht'atakit uñjasispasti? ¡Janiw maynis aka uraqin jupampi nuwasirix utjkiti!

Job 41:3

3 (27) ¿Uka animalax jumar achikt'asir jutaspati, jan ukax, axsarañampicha parliristamxa?

Salmos 135:4

Jupaw Israelarux ajllisïna, jupan markapäñapatakiw ajllisïna.

Salmos 24:1

Taqpach uraqix Tatitunkiwa, ukan utjirinakas jupankiwa, ukan jakirinakas jupankiwa.

Salmos 25:10

Tatitux khuyapayasiñampi aski kankañampipuniw irpi, arust'äwipampi, arsutanakapampi imir jaqinakaruxa.

Éxodo 15:26

Sarakïnwa: “Jumanakatix naya, Tatit Diosaman arunakapar sum ist'apxäta, munañaxsa lurapxäta, ukatsti kamachi arunakaxarusa, kamachinakaxarus phuqhapxarakïta ukapachaxa, janiw kawkïr mutuyäwinaktix egipcionakar apaykta ukanak apayanipkämati. Nayätwa jumanakar k'umarachir Tatitumaxa” sasa.

Éxodo 23:22

Jumatix chiqpachapun jupar jaysäta, ukatsti nayan arsutaxarjam taqi kuns lurarakïta ukaxa, nayax uñisirinakaman uñisiripäyäwa, jumar jan munirinakarux janiw munkarakïti.

Éxodo 24:7

Ukatsti arust'äwi qillqat aptasinxa israelitanakatakiw ullart'arapïna, jupanakasti sapxänwa: —Tatitun arsutaparjamaw phuqhapxä, jaysapxarakï —sasa.

Éxodo 34:9

—¡Tatay! ¡Tatay! Chiqpachapun khuyapayasiñam jikxatsta ukax, nanakamp chikay saram. Chiqpachansa aka jaqinakax jan ist'asirïpxiwa, ukampis nanakan juchanakaxata, jan wali luratanakaxatsa pampachapxitaya, jumatakjam tukt'ayasay katuqt'asxapxita —sasa.

Éxodo 6:7

Jumanakarusti nayan markaxaruw tukuyapxäma, nayaw jumanakan Diosamäyä. Ukhamat jumanakax yatipxäta nayan jumanakar wali ch'ama lurañanakamp egipcionakax t'aqhisiyapktam ukanakat qhispiyir Tatit Diosamätaxa.

Éxodo 8:22

22 (18) Ukampisa, Gosen uraqin janiw ukax utjkaniti, markaxan ukan jakatap layku. Ukhamat yatïta naya, Tatitun aka uraqinkataxa.

Éxodo 9:29

Moisesasti sänwa: —Nayax aka markat mistusin ukspachaw amparax luqtas Tatitur mayï, ukatsti qhixu qhixunakasa, chhijchhisa t'akurxaniwa, ukat yatïta aka uraqix Tatitunkatapa.

Cantar de los cantares 8:12

Salomón, waranqa qullqix jumatakiwa, pä patak qullqisti uñjirinakatakiwa; ¡uva yapuxax nayankakituwa!

Isaías 1:19

Jumanakatix jaysapxitäta ukaxa, kuntix uraqin sum achki ukanakat manq'asipxäta,

Isaías 41:8

“Israel, Jacobun markapa, nayan munata Abrahaman wawanakapat saraqir marka, sum ist'ita:

Isaías 43:1

Jichhasti Israel, Jacobun markapa, jumar uywiri Tatitux sistamwa: “Jan axsaramti, nayaw qhispiysma, nayaw sutimat jawssma, jumax nayanktawa.

Isaías 56:4

Tatitusti siwa: “Taqi aka jaqinakatix nayan sábado urux imapxanixa, munañaxsa phuqhapxanixa, arust'äwinakaxansti sum sayt'asipxanixa,

Jeremías 10:16

¡Ukatsipana, kunja jach'as Israelan Diosapaxa, jupaw taqi kunatix utjki ukanaksa utt'ayi! Juparakiw Israelarux jupatak ajllisi; Taqi Ch'aman Tatitu, ukaw sutipaxa.

Jeremías 13:11

Kunjämatix mä wak'ampi wal jiyantas wak'antastanxa, ukhamarakiw Israel markasa, Judá markas nayan jak'axan mayakïpxañapa, ukhamat nayan markaxäñapataki, sutixsa yatiyapxañapataki, jach'a kankañaxsa, jach'ar aptapxañapataki. Ukampis janiw ist'apkituti. Naya, Tatituw uk arsta.

Jeremías 7:23

Ukampis jupanakarux nayar ist'apxañapatakiw mayta; ukhamat nayax jupanakan Diosapïrista, jupanakasti nayan markaxarakïspa sasa. Ukatsti sarakïyätwa kunjämtix nayax siskta ukarjam sarnaqapxañapa, ukhamat taqi kunas sumak sarañapataki.

Ezequiel 16:8

“ ‘Wasitat juma jak'a sarakipawayta, ukat jumar uñkatsma. Wali tawaqüxatätawa, niyas chacht'asirpacha. Nayax uka q'alal janchim imxatañatakix isixampiw janxatsma, ukat jumampi parlthapirakta; mä arust'äwi jumampix lurtan, ukhamat jumax nayankxaraktaxa. Naya, Tatituw uk arsta.

Levítico 20:24

Nayasti sapxsmawa, kawkïr uraqtix nayax churapkäma uka jaqinakan uraqinakapax jumanakankxaniwa. Uka uraqisti wali suma uraqipuniwa, manq'añanakamas jan tukuskayapunïniwa. “Nayätwa jumanakan Tatit Diosamaxa, jumanakarusti nayaw yaqha markanakat sipan mä suma marka yaqhachapxsma.

Amós 3:2

“Taqi markanak taypitxa, jumanak saparukiw ajllisipxsma. Ukat taqi jan wali ñanqhanak lurapxatanakamat taripapxäma”.

Amós 6:1

“¡Ay kunakïkan Jerusalén markan samarat jakirinakatakixa! ¡Ay kunakïkan Samaria markar katuyasit jakirinakatakixa, wali aytat markan jach'a jilïrinakaparu khitinakarutix israelitanakax yanap mayipki ukanakataki!

Malaquías 3:17

Taqi ch'aman Tatitux siwa: “Niyaw urux purisinki, jupanakax wasitat nayankxani uka uruxa. Jupanakax nayatakix mä suma imat qurïkaspas ukhamäniwa, janiw kunampis jupanakar ñanqhachkäti; kunjämtix mä awkix wawapat khuyapayaski ukhamaw jupanakat khuyapayasirakï.

1 Corintios 10:26

taqi akapachasa, kunanakatix ukan utjki ukas Tatitunkiwa.

1 Corintios 10:28

Ukampis maynitix sapxätam: “Aka aychax yaqha diosanakar wilañcha luqtatawa” sasaxa, ukhamax jan uk manq'apxamti, uk arsuriru jan mayjt'ayañataki, jumanakas jan mayjt'asisipkañamataki.

Deuteronomio 10:14

Amuyapxarakim, jumanakan Tatit Diosamankiw alaxpachasa, alaxpachan alaxpachapasa, uraqisa, taqi kunatix ukan utjki ukanakasa.

Deuteronomio 11:27

Jumanakatix jichhürun churapksma uka Tatit Diosaman kamachi arunakap phuqhapxätaxa, aski waxt'äwinak katuqapxäta;

Deuteronomio 14:2

Jumanakax Tatit Diosamatak yaqhachat markäpxtawa; jupaw aka uraqin utjir taqi markanak taypit jumanakar ajllisipxtam, jupan markapäpxañamataki.

Deuteronomio 14:21

“Janiw jumanakax jupapach jiwat animalanakan aychap manq'apxätati, jumanakax Diosatak yaqhachat markäpxtawa; ukampis ukanakxa yaqha markat jutiri, jumanak taypin jakir jaqirux churasipkasmawa; jupax manq'askaspawa; jan ukax markam chiqa sarakipir jaya jaqiruw uk aljasipkarakisma. “Janiw cabritonakan aychapxa taykapan lechepar phayapxätati.

Deuteronomio 26:18

Tatitusti jichhüruw qhanañcharaki, juma Israel markan jupan markapätama, kunjämatix arupampi arsuwayktam ukhama, taqi kamachi arunakap phuqhañamataki.

Deuteronomio 26:19

Jupaw jumarux taqi markanakat sipan mä jach'a marka tukuyätam, jach'a kankañani, aytat kankañani; ukhamat Tatit Diosamatak yaqhachat qullan markar tukurakïta, jupax sisktam ukhamarjama.”

Deuteronomio 28:1

Moisesasti saskakïnwa: “Chiqpachatix Tatit Diosamar jaysäta, ukatsti jichhürun churksma uka kamachi arunakaparjam sarnaqarakïta ukapachasti, Diosax taqi aka uraqin utjir markanakxaruw uchätam.

Deuteronomio 28:9

“Jumatix kamachi arunakap phuqhäta, thakhipanjam arkarakïta ukkhaxa, Tatit Diosamax jupatak yaqhachat marka tukuyätam, kamisatix juramentomp arsuwayktam ukhamarjama.

Deuteronomio 4:20

Jumanakarusti Tatituw irpsunipxtam khä Egipto hierro umatatayañ hornota, ukatsti jupan markaparuw tukuyapxtam, kunjämatix jichhax jikxatasipkta ukhama.

Deuteronomio 5:2

“Tatit Diosasax mä suma arust'äwi jiwasampi Horeb qullun lurawayi.

Deuteronomio 7:6

Jumanakasti Tatit Diosamatak ajllit markäpxtawa; Tatituw jumanakarux aka uraqin utjir taqi markanak taypit ajllisipxtam, ukhamat jumanakan jupatak yaqhachat markäpxañamataki.

Deuteronomio 9:29

Ukhampachas jupanakax juman markamawa, jumaw Egipto markat jach'a ch'amamampi irpsuntaxa’ ” sasa.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Hebreos 11:8

Abrahamax iyawsäwi laykuw Diosan jawsatap jaysäna, ukatsti kawkharutix Diosax churämaw siskän uka chiqar sarañatakiw mistuwayäna. Uraqipat mistusax janiw kawkir saratapsa yatiskänti,

Hebreos 8:9

Aka arust'äwisti janiw kunjämatix nayra awkinakapampi lurkäyät ukhamäkaniti, kunapachatix jupanakarux Egipto markat irpsunkta ukhama; jupanakan uka arust'äwir jan phuqhapxatap laykux nayax jaytanuktwa, siw Tatituxa.

Josué 24:24

Israel markasti sänwa: —Nanakax Tatitu Diosaxarukiw luqtapxä, kuntix jupax sapkitani uk lurapxarakï —sasa.

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.

1 Samuel 15:22

Ukat Samuelux sarakïna: “Tatitutakix arsutanakapar phuqhañaw juk'ampi sumaxa, wilañchanaka, nakt'at luqtäwinakat sipansa; arsutap phuqhaña, jupar ist'añaw sumaxa, ovej lik'inaka wilañchanak luqtañat sipansa.