Éxodo 19:4 - Qullan Arunaka DC

⁴ “Jumanakax sum uñjapxtaxa kunjämtix egipcionakar nayax mutuykta ukxa, kunjämtix nayan ukar irpanipksma uksa uñjapxaraktawa, mä pakan chhiqhap patxarus jutapkasma ukhama.

Aymar Bibliia 1986

⁴ “Jumanacasti sum uñjapjjtajja nayajj cuntejj egipcionacaru lurcta ucjja, uqhamarac uñjapjjaractawa cunjämtejj irpanipcsma nayajj cawqhanctejj ucaru ucsa. Jumanacasti jutapjjtawa mä jach'a jamach'in chhekhap patjjarus jutapcasma uqhama.

Qullan Arunaca

⁴ ‘Jumanacasti sum uñjapjjtajja nayajj cuntejj egipcionacaru lurcta ucjja, uqhamarac uñjapjjaractawa cunjämtejj irpanipcsma nayajj cawqhanctejj ucaru ucsa. Jumanacasti jutapjjtawa mä jach'a jamach'in chhekhap patjjarus jutapcasma uqhama.

Éxodo 19:4 Jak'a apnaqawi uñst'ayäwi

Isaías 40:31

ukampisa khitinakatix Tatitur katuyasipki ukanakax machaq ch'amanïpxaniwa; pakalinakar uñtataw alayan tuyupxani, jan qarjasisaw jalanaqapxani, sarnaqasas janirakiw ch'amtayapkaniti.

Isaías 63:9

Juparakiw taqi llakinakapat qhispiyi. Janiw jupan khithanitapati qhispiykixa; jan ukasti kipka Tatituw qhispiyi. Khuyapayasiñap layku, munasiñap laykuw jupax qhispiyi, jupaw amparat katt'asin wayti. Ukhampun luri.

Oseas 11:1

“Israel markax wawäkän ukkhax, nayax munasiyätwa; juparusti wawaxätapat Egipto markatsa irpsunirakta.

Hageo 2:5

Egipto markat mistunipkta ukapachax jumanakampïñatakiw nayax arsüyäta, ukasti phuqhasiskiwa. Ajayuxaw jumanakampïski, jan axsarapxamti.

Malaquías 2:10

¿Janit jiwasasti mä sapa awkinikïktansti? ¿Janit mä sapa Diosan uskutäktansti? ¿Kunatarak jiwasasti maynit maynikam sallqjasis sarnaqasktansti, kawkïr suma arust'äwirutix Tatitumpi awkinakasampix mantawayapki uka arunak p'akintasasti?

Deuteronomio 1:30

Tatit Diosamaw jumanakan nayräxam saraski, jumanakat arxatasisaw nuwasirakini, kamisatix Egipto markan lurir uñjapxta,

Deuteronomio 1:31

wasaran lurkän uksa uñjapxarakta ukhama. Jumanakan Tatit Diosamaw kawkha thakhinjamtix jutapkta ukanxa amparapar irpanipxtam, aka chiqar puriniñkama, kunjämatix mä awkix wawapar irpki ukhama.’

Deuteronomio 29:1

1 (69) Moisesasti israelitanakarux kawkïr arust'äwi arunaktix Diosax jupanakamp Horeb qulluna lurkatayna ukanak iwxañ tukuyäna. Ukat Diosax Moisesar sarakïna Moab uraqin mä machaq arust'äwi jupanakamp lurañapataki.

Deuteronomio 29:2

2 (1) Moisesasti israelitanakaruw tantachthapïna, ukatsti machaq arust'äwin yatichäwinakap jupanakar churasin säna: “Jumanakax niy uñjapxtawa taqi kuntix Tatitux Egipto uraqin faraón reyimpiru, jilïrinakapampiru, taqpach markapampir lurkän ukanakxa.

Deuteronomio 4:9

Jichhasti sum imapxam, janipun armasipxamti taqi kuntix uñjapkta ukanaka, janirak chuymanakamatsa mistpanti; ukat sipana, wawanakamansa wawanakapar yatichapxam.

Josué 23:3

Jumanakax uñjapxtawa, kunjämtix Tatitux uñisirinakamaru lurki ukxa, jupa kipkarakiw jumanakat arxatasa nuwasïna.

Apocalipsis 12:14

Ukampis warmirux pakan pä jach'a chhiqhanakapaw churasïna, uka chhiqhanakampi wasarar jaltxañapataki, dragonat jayaru, kawkhantix kimsa mara chikatan manq'ayapkani ukkharu.