Apocalipsis 1:9 - Qullan Arunaka DC

⁹ Naya, Juanax, jumanakan jilamätwa, Jesusampi mayacht'asitax layku, t'aqhisïwinakan ch'amampi mututax laykusti, jumanakamp chikax Diosan ajllit markapankirïtwa. Diosan arunakap yatiyatax layku, Jesucristot parlatax laykurakiw Patmos quta wat'an nayax katuntat jikxatasïyäta.

Aymar Bibliia 1986

⁹ Naya, Juanajj, jumanacan jilamätwa, jumanac chica t'akhisiriraquïtwa, Diosan ajllit marcapana, uqhamarac paciencia chuymtï Tatitojj churquistu ucana. Diosan arunacap parlatajj laycu, Jesucristot yatiyatajj laycuraquiw nayajj Patmos sat islan preso catutäscäyäta.

Qullan Arunaca

⁹ Naya, Juanajj, jumanacan jilamätwa, jumanac chica t'akhisiriraquïtwa, Diosan ajllit marcapana, uqhamarac paciencia chuymtï Tatitojj churquistu ucana. Diosan arunacap parlatajj laycu, Jesucristot yatiyatajj laycuraquiw nayajj Patmos sat islan preso catutäscäyäta.

Apocalipsis 1:9 Jak'a apnaqawi uñst'ayäwi

Mateo 20:23

Jesusasti jupanakarux sarakïnwa: —Chiqpachansa jumanakax umt'apxätawa, ukampis kupïxaxaru, jan ukax, ch'iqäxaxar qunt'añxa, janiw nayan churañax wakt'kituti, jan ukasti, khitinakatakitix Awkixax wakiyki ukanakarukiw churasini —sasa.

Marcos 10:39

Jupanakasti sapxänwa: —T'aqhisipxiristwa —sasa. Jesusasti sänwa: —Jïsa, ukhamäniwa. Jumanakax wal t'aqhisipxäta, kunjämtix nayax t'aqhiskä ukhama.

Juan 16:33

Taqi akanaksti sapxsmawa, jumanakan nayar iyawsatanakamat samarañ jikxatapxañamataki. Akapachansti jumanakax t'aqhisipxätawa; ukampis ch'am katxatapxam, nayax akapacharux atipjawaytwa —sasa.

Hechos 1:15

Ukürunakansti niya patak pä tunkan jilatanakaw tantacht'asipxäna. Pedrosti jupanak taypin sayt'asisin säna:

Hechos 14:22

Uka markanakansti Tatitur iyawsirinakarux ch'amañcht'apxänwa, ixwt'apxarakïnwa: “Tatitur iyawsañanakaman ch'aman sayt'apxam. Diosan markapar mantañatakix, t'aqhisiñax wakisipuniwa” sasa.

Romanos 8:17

Wawanakapätas laykux, Diosax arsuwaykän uka waxt'äwi katuqañäni, uksti Cristomp chikaw katuqañäni, jupamp chika t'aqhisitas laykux, qhapaq markapan jupampïxañasataki.

Romanos 8:25

Ukampis kuntix suyapktan uktix janïr uñjapkstanxa, llamp'u chuymampiw suyt'apxañasa.

2 Corintios 1:7

Nanakan jumanakat mä suyt'äwiw utji, kunjämtix t'aqhisipxtaxa, ukhamarakiw chuymachasipxäta.

Filipenses 1:7

Jumanakat ukham lup'iñaxax askiwa, nayasti jumanakarux walpun munasipxsma, katuntat uñjasïwixana, jilïrinak nayraqatan qhispiyasiñ arunakax chiqaw sas arsusïwixana, jumanakax nayampi chikäpxtawa.

Filipenses 4:14

Ukampis jumanakax llakisiñaxan nayampi chikachasisin askpun lurapxtaxa.

2 Tesalonicenses 3:5

Tatituy jumanakarux munasir tukuypan, kunjämtix Diosax munasiñapampi t'aqhisiñanakasan Cristo tuqi ch'amañchkistu ukhama.

2 Timoteo 1:8

Tatitusat yatiyañ jan p'inqasimti, Jesucristo layku katuntat uñjasitaxatsa janirak p'inqasimti. Ukatsipana, Diosan ch'amapampix kuna t'aqhisiñanakatix suma yatiyäwi layku jumatak jutkan ukatakix wakicht'asim.

Hebreos 10:36

Jumanakasti t'aqhisiñan ch'amanïñanakamaw wakisi, Diosan munañap lurañataki, ukhamarak kuntix arsuwaykän uk katuqañataki.

1 Pedro 5:1

Jichhasti iglesia irpirinakaruw iwxt'añ munta, Nayasti jupanakjam irpirirakïtwa, Criston t'aqhisitanakapsa sum uñjarakta, Cristox kuttankan ukapachaxa, jupamp chikarakiw jach'a k'ajkir qhanapankäxa.

Apocalipsis 1:1

Diosaw Jesucristor uñacht'ayäna, kunatix jank'ak luraskani ukanakxata, ukhamat jupax luqtirinakaparu yatiyañapataki. Ukat Jesucristox aka uñacht'äwxa Juan luqtiripar mä angelap tuqi yatiyäna.

Apocalipsis 1:2

Juan luqtiripasti kuntix uñjkatayna taqi ukanakxa ukhampach qillqi. Jupaw Diosan arup qhanañchi, Jesucristot arsuraki.

Apocalipsis 1:4

Naya, Juanax, Asia suyunkir paqallqu iglesianakaruw aruntanipxsma. Jumanakax Diosan askipampi, sumankañapampi katuqapxam. Uka Diosasti jakiwa, jakapunïnwa, jichhax jutañampïskiwa, uka pachparaki, Diosan reyi qunuñapan nayraqatapankir uka paqallqu ajayunakampita,

Apocalipsis 1:6

ukatsti reyinaka sacerdotenak jiwasarux tukuyistu Dios Awkiparu luqtañasataki. ¡Qhapaq kankañasa, ch'aman kankañas wiñayatak jupankpan! Ukhamäpan.

Apocalipsis 11:7

Kunapachatix lurañap phuqhapxani ukkhaxa, aka uraqi manqhat mistuniri axsarkañ jach'a animalaw jupanakar nuwantasin atipjani, ukat jiwayarakiniwa.

Apocalipsis 12:11

Jilanakasax atipjapxiwa, Corderon wartat wilapampi, chiqa arunak qhanañchapxatapampi; janirakiw jiwañsa axsarapkänti, jiwañatakis jank'akïpxarakïnwa.

Apocalipsis 12:17

Uk uñjasasti dragonax warmitak walpun q'apisïna, ukatsti warmin mayni wawanakapampi nuwasiriw saräna, Diosan kamachinakap jaysirinakampi, Jesucriston arunakap katxäsirinakampi nuwasiriw sararakïna.

Apocalipsis 13:10

“Katuntat apatäñapäki ukanakax, katuntat apatäpxaniwa; espadampi jiwayatäñapäki ukanakax, espadampi jiwarayatäpxaniwa.” Taqi akanakan yatisini, Diosan qullan markapan ch'amanïtapasa, iyawsañanïtapasa.

Apocalipsis 14:12

¡Taqi akanakan yatisini, Diosan qullan markapan ch'amanïtapasa, kamachi arunakapar phuqhirinakan ch'amanïtapasa, Jesucristor iyawsañanïtapasa!

Apocalipsis 19:10

Nayasti yupaychañatak angelan nayraqataparuw killt'asta, ukampis jupax situwa: “Jan uk luramti, nayax jumjam luqtirikïtwa, ukhamarak khitinakatix Jesucriston qhanañchatapar taqi chuymampi arkapki ukanakjam luqtirikirakïtwa. Diosaruy yupaycham” sasa. Jesucriston uka qhanañchatapasti Diosat parlirinakaruw amuyt'ayi.

Apocalipsis 20:4

Ukatsti reyi qunuñanak uñjarakta, uka qunuñanakansti, khitinakatix Jesucriston qhanañchataparu, Diosan yatiyäwipar taqi chuymampi sayt'apxatap layku jiwayat uñjasipkatayna, ukanakaw qunt'atäsipkäna. Jupanakax janiw uka jach'a axsarkañ animalarusa, ukar uñtasit lursutarus yupaychapkataynati, janirakiw chimpupsa paranakaparu, amparanakapar uchayasipkataynati. Jupanakasti jaktapxänwa, Diosasti jupanakar reyi qunuñanak churäna, Cristompi waranqa mara apnaqapxañapataki.

Apocalipsis 3:10

Llamp'u chuymanïma sataxa ist'istawa, nayasti yant'a urun jumar imarakïma, uka yant'asti taqpach akapachan utjir jaqinakar yant'añatakiw jutaski.

Apocalipsis 6:9

Corderox phisqïr sello ch'iyaqkän ukkhasti, altar manqhan uñjta, khitinakatix Tatitun arunakap parlapxatap layku jiwarayat uñjasipkatayna ukanakaru.

Apocalipsis 7:14

Nayasti ukxaruw sista: “Tata, jumaw yattaxa” sasa. Jupasti sarakituwa: “Uka jaqinakax uraqin wali jach'a llakinakampi t'aqhisinipki ukanakawa, isinakap Corderon wilapampi t'axsusaw janq'uptayapxi.