Apocalipsis 4:11 - Qullan Arunaka DC

¹¹ “Tatay, nanakan Diosaxay, jach'añchäwimpi, qhapaq kankañampi, munañanïñ kankañampi katuqañatakix askïtawa. Jumaw taqi kunsa ina ch'usat lurtaxa; munañamat taqi kunas utji, juman uskutarakiwa” sasa.

Aymar Bibliia 1986

¹¹ “Tata, nanacan Diosajja, jumajj asquïtawa jach'añchäwi, gloria, uqhamarac munañanïña catokañataquejja. Jumaw take cuns ina ch'usat lurtajja, munañamataracwa take cunas jacascaraqui, juman uscutaraquiwa.”

Qullan Arunaca

¹¹ “Tata, nanacan Diosajja, jumajj asquïtawa jach'añchäwi, gloria, uqhamarac munañanïña catokañataquejja. Jumaw take cuns ina ch'usat lurtajja, munañamataracwa take cunas jacascaraqui, juman uscutaraquiwa.”

Apocalipsis 4:11 Jak'a apnaqawi uñst'ayäwi

Génesis 1:1

Taqi kunan qalltäwipanxa Diosax alaxpacha, akapacha luräna.

2 Samuel 22:4

Tatay, jumaw jach'añchatäñatak askïtaxa: art'asinsma ukkhasti, uñisirinakaxat qhispiyistawa.

Job 36:3

Nayar irnuqasir Diosax chiqaparuw uñji; nayan taqi yatiñ kankañaxax jupat juti, uksti uñacht'ayämawa.

Salmos 18:3

3 (4) Tatay, jumaw jach'añchatäñatak askïtaxa: art'asinsma ukapachax uñisirinakaxat qhispiyista.

Salmos 68:34

34 (35) Diosan ch'amap uñt'apxam: qhapaq kankañapax Israel markan uñsti, ch'amapasti alaxpachkamaw puriraki.

Éxodo 20:11

Tatitux suxta urun luräna, alaxpacha, akapacha, qutanaka, kunanakatix ukanakan utjki ukanaka; paqallqüri urunsti samaränwa. Ukat Tatitux paqallqür urur aski waxt'äwimp phuqt'äna, qullan urüñapatakiw arsurakïna.

Proverbios 16:4

Tatitux mä amtäwimpiw taqi kuns luri; ñanqha jaqirusa t'aqhisiñ urutakiw irnuqi.

Isaías 40:26

Alaxpach uñtapxam: ¿Khitis taqi ukanak luristi? Khititix jupanakar mayat mayat jalanuqki uka, taqinirus sutipatkam jawski uka. Ch'amapax wali jach'awa, janirakiw mä warawaras chhaqhatäkiti.

Isaías 40:28

¿Janit yatipktasti, janit ist'kta? Tatituw, wiñay Diosaxa, aka uraqpacha luririxa, janiw jupax ch'amtaykiti, janirakiw qarjaskisa, yatiñ kankañapasti jan tukuskiriwa.

Jeremías 10:11

(Jumanakasti, israelitanaka, Tatitur jan uñt'ir jaqinakarux sapxam: “Kawkïr diosanakatix alaxpachsa, akapachsa jan lurki ukanakax aka uraqit chhaqtayatäpxaniwa; janirakiw mayas ukanakat aka uraqin qhiparkaniti”).

Jeremías 32:17

‘Tatay, jumaw jach'a ch'amamampi alaxpachsa, akapachsa lurtaxa. Janiw jumatakix kunas jan lurasirjamax utjkiti.

Hechos 14:15

—¡Tatanaka! ¿Kunatsa ukanak lurapxta? Nanakax jumanakjam jaqikïpxaraktwa. Nanakax uka inamay lurañanak apanukupxañamatakiw jumanakar parlir jutapxta, ukanak apanukusin jakkir Diosar arkapxañamataki. Jupaw alaxpacha, akapacha lurir Diosaxa, jach'a qutsa, ukanakan utjirinaksa.

Hechos 17:24

“Jupankiw alaxpachas akapachasa. Juparakiw akapachsa, ukan taqi utjirinaksa luri. Jupax janiw jaqin lurat utanakan jakkiti.

Romanos 11:36

Taqi kunas Diosat juti, jupïpan utji, jupatakirakiwa. ¡Diosax wiñayatak jach'achatäpan! Ukhamäpan.

Efesios 3:9

Ukatsti taqi kun lurir Diosax wiñayatpach imxäskatayna uka amtäwipat taqinir yatiyañaxatakiraki.

Deuteronomio 32:4

Jupaw jiwasan arxatirisaxa; luräwinakapax jan kamskayawa, luratapas chiqaparakiwa. Jupax chiqa kankañan Diosapawa, janiw ñanqha luratapax utjkiti, ¡jupax chiqawa, askirakiwa!

Hebreos 1:10

Sarakiwa: “Tatay, jumaw uraqirux qalltatpach utt'aytaxa, alaxpachasti juman luratawa.

Hebreos 1:2

Aka qhipa urunakansti Yuqap tuqiw parlarakistu, juparuw taqi luratanakap katuyi, jupa tuqi aka uraq luratap layku.

Apocalipsis 1:6

ukatsti reyinaka sacerdotenak jiwasarux tukuyistu Dios Awkiparu luqtañasataki. ¡Qhapaq kankañasa, ch'aman kankañas wiñayatak jupankpan! Ukhamäpan.

Apocalipsis 10:6

ukatsti mä juramento lurarakïna, khititix wiñayatak jakki, khitirakitix alaxpachsa, akapachsa, qutsa, ukan utjir taqi kunsa lurki ukan sutiparu. Sarakïnwa: “Janiw jichhax juk'ampi suyaskxaniti,

Apocalipsis 14:7

Jupax wali jach'a arumpiw art'äna: “Diosar axsartapxam, jupar yupaychapxarakim, taripañap urux purinxiwa. Alaxpacha, akapacha luririr yupaychapxam, qutanak luririru, uma jalsunak luririr yupaychapxam” sasa.

Apocalipsis 19:1

Uka qhipatsti, walja jaqinakan arunakap ist'ta, alaxpachan akham art'asiri: “¡Aleluya! Qhispiyasiñasa, jach'a kankañasa, munañanïñas Diosasankiwa,

Apocalipsis 5:12

Wali jach'at art'apxarakïna: “¡Kharinukut Corderox askiwa, munañanïñ kankaña, qamir kankaña, yatiñ kankaña, ch'aman kankaña, aytat kankañ katuqañataki, jach'añchatäña, yupaychatäñas askirakiwa!” sasa.

Apocalipsis 5:2

Ukatsti mä wali munañan angelaruw uñjarakta, wali jach'at art'as jiskt'askiri: “¿Khitirak aka qillqat jist'arañataki, sellonaksa ch'iyarañatak askïspasti?” sasa.

Apocalipsis 5:9

Jupanakasti taqpachaniw aka machaq q'uchu q'uchupxäna: “Jumakiw uka qillqat katuñatak askïtaxa, sellonakap ch'iyaqañatakis askirakïtaxa, jiwayat uñjasitam layku; wilam wartasaw Diosatak alawayta, taqi jaqinaka, kunayman parlan jaqinaka, jisk'a markanaka, jach'a markanaka.