2 Samuel 3:1 - Qullan Arunaka DC

Saúl reyin jaqinakapampi, Davidan jaqinakapampix jaya maranakaw ch'axwankapxäna, Davidan jaqinakapax juk'at juk'at ch'amañchasïna, ukampis Saúl reyin jaqinakapax sapa kutiw aynacht'arakïna.

Aymar Bibliia 1986

Saúl reyin jakenacapampi, Davidan jakenacapampisti mä kawkha maranacaw guerran nuwasipjjäna, ucampisa Davidan jakenacapajj juc'at juc'atwa ch'amani tucupjjäna, Saúl reyin jakenacapasti juc'at juc'ataracwa thayjtapjjaraquïna.

Qullan Arunaca

Saúl reyin jakenacapampi, Davidan jakenacapampisti mä kawkha maranacaw guerran nuwasipjjäna, ucampisa Davidan jakenacapajj juc'at juc'atwa ch'amani tucupjjäna, Saúl reyin jakenacapasti juc'at juc'ataracwa thayjtapjjaraquïna.

2 Samuel 3:1 Jak'a apnaqawi uñst'ayäwi

Génesis 3:15

Warmimpi jumampisti wiñayaw timasipxäta, uka warmin wawanakapampi, juman wawanakamampis timasipxarakiniwa. Warmin wawapasti p'iqit takxatätam, jumasti kayu wintut achjarakïta —sasa.

2 Samuel 2:17

Uka urusti nuwasiñax walt'atapunïnwa, Davidan soldadonakapaw Abnerampiru, Israelan tamanakapampir atipjäna.

2 Samuel 2:28

Ukatsti ukspachaw Joab jaqix trompetanak phust'ayäna, jaqinakapasti israelitanakar arknaqañ suyt'xapxänwa, ukat uksarusti janiw jupanakamp nuwaskxapxänti.

2 Samuel 22:44

Qallkatasir markat qhispiyista, markanakan jilïripat utt'ayista, jan uñt'at jaqinakampiw luqtayista.

2 Samuel 3:6

Saúl reyin jaqinakapampi, Davidan jaqinakapampisti nuwasiskakïnwa, ukchañkamasti Abner chachax Saúl reyin jaqinakapxar juk'amp munañaniw tuküna.

2 Samuel 5:10

Davidan munañan kankañapax juk'amp jilxatäna, taqi ch'aman Dios Tatitusti jupampïskänwa.

1 Reyes 14:30

Roboam reyimpi, Jeroboam reyimpix, sapa kutiw nuwasiñankapxäna.

1 Reyes 15:16

Asá reyimpi, Israelan Baasá reyipampix, sapa kutiw nuwasiñankapxäna.

1 Reyes 15:32

Asá reyimpi, Israelan Baasá reyipampix sapa kutiw nuwasiñankapxäna.

1 Crónicas 11:9

Davidan munañanïñ kankañapax yapxattaskakïnwa, taqi ch'aman Tatitusti jupampïskarakïnwa.

1 Crónicas 3:1

Davidan wawanakapa, Hebrón chiqan yuripkän ukanaka: Amnón, tayna yuqall wawa, taykapasti Jezreelankir Ahinóam sutin warmïnwa; payïristi Daniel, Carmel chiqankir Abigail warmin wawapa;

Ester (hebreo) 6:13

Utapar purisinsti Zeres warmipampiru, masinakapampiruw kunatix luraskatayna uk yatiyäna. Jupanakasti sapxänwa: —Uka Mardoqueotix judío jaqïchixa, janiw atipjkasmati, jan ukasti, jumakiw q'alpun aynacht'asmaxa —sasa.

Ester (hebreo) 9:4

Mardoqueosti reyin utapan mä jach'a jilïrïxänwa, ukhamätapsti taqi suyunakan yatipxäna, jupan ch'amani, munañan kankañapasti, urut ururuw jilxattäna.

Job 17:9

Jupanak pachpaw askit uñt'asipxi, jan kuna juch luririw tukupxaraki.

Job 8:7

Kuna qamir yänakamatix utjkän ukax, janiw kunäkanisa, kunanakatix qhipat utjkätam ukamp kikipt'ayataxa.

Salmos 18:43

43 (44) Qallkatasir markat qhispiyista, markanakan jilïripat utt'ayista, jan uñt'at jaqinakampiw luqtayista.

Salmos 46:9

9 (10) aka uraq tukuskamaw nuwasiñ t'akurayi; mich'i antutt'añanak jisk'a jisk'a p'akinuqi, lanzanak t'unarpayi, ¡nuwasiñ carronaksa ninampiw phichhantaraki!

Salmos 84:7

7 (8) ch'amanakapax jilxataniwa, Sión markansti Diosaruw uñjapxani.

Gálatas 5:17

Janchin munañanakapax janiw Ajayun munañapjamäkiti, Ajayun munañapasti janirakiw janchin munañapjamäkisa. Purapat janiw jaysasipkiti, ukat jumanakax munatamarjam jan kunsa lurapkasmati.

Efesios 6:12

Janiw jaqinakan ch'amanakapampi nuwasipktanti, jan ukasti alaxankir ñanqha ajayunakan ch'amapampiw nuwasipxtan, jupanakasti jilïrïñampi, munañanïñampiw aka ch'amak uraqin axsarayistu.

Apocalipsis 6:2

Uñtasinsti, mä janq'u caballo uñjta, uka caballor lat'xatatäkän ukasti amparapar mich'inak antutt'añ apt'atänwa, juparusti mä pillu churapxäna. Jupax uñisirinakaparuw atipjatayna, jichhasti juk'ampi atipjañatakiw mistuwayäna.