Apocalipsis 6:2 - Qullan Arunaka DC

² Uñtasinsti, mä janq'u caballo uñjta, uka caballor lat'xatatäkän ukasti amparapar mich'inak antutt'añ apt'atänwa, juparusti mä pillu churapxäna. Jupax uñisirinakaparuw atipjatayna, jichhasti juk'ampi atipjañatakiw mistuwayäna.

Aymar Bibliia 1986

² Ucat uñtta, ucatsti mä jank'o caballo uñjaracta. Caballor lat'jjatatäcän ucasti mä arco apt'atänwa. Mä coronraqui churapjjäna, ucatsti mä atipjirjamaw mistuwayäna juc'ampi atipjäwinaca atipjañapataqui.

Qullan Arunaca

² Ucat uñtta, ucatsti mä jank'o caballo uñjaracta. Caballor lat'jjatatäcän ucasti mä arco apt'atänwa. Mä coronraqui churapjjäna, ucatsti mä atipjirjamaw mistuwayäna juc'ampi atipjäwinaca atipjañapataqui.

Apocalipsis 6:2 Jak'a apnaqawi uñst'ayäwi

Salmos 110:2

Tatitux Sión qullutpach ch'aman kankañ thujru ayxaruyätam. ¡Jumamp timasirinakarux atipjamaya!

Salmos 76:7

7 (8) ¡Jumax axsarkayapunïtawa! ¿Khitirak nayraqataman sayt'aspasti, q'apisiñaman ninjam aqtatap laykusti?

Salmos 98:1

¡Tatitutakix machaq q'uchu q'uchupxam, muspharkañanak luratap layku! ¡Ch'aman amparapampiw atipji, qullan amparapampiw timasirinakar atipji!

Isaías 25:8

Tatitux wiñayatakiw jiwañarux t'unjani, taqi jaqinakan jachanakapsa picharaniwa, markapan aynacht'atapsti taqi aka uraqpachat chhaqtayxani. Tatituw ukham arsu.

Zacarías 1:8

Uka arumasti akham unañchäwi uñjta: Mä jaqir wila caballor lat'xatata uñjta. Uka jaqisti mä qhirwan mirtos sat ch'uxña alinak taypin sayt'atäskänwa, qhipäxapansti yaqha jaqinakarakiw utjäna, ukanakasti wila, ch'umphi, janq'u caballonakar lat'xatatarakïnwa.

Mateo 28:18

Jesusasti jupanakar jak'achasisin säna: —Diosax munañan kankañ churitu, alaxpacha, akapach apnaqañataki.

1 Corintios 15:25

Cristox reyïñapawa, taqi uñisirinakapar atipjañapkama;

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.

Apocalipsis 11:18

Jumar jan iyawsir markanakax q'apisitäpxiwa; ukampis q'apisiñam urux puriniwa, jiwatanakar taripkäta uka uruxa. Jumar luqtir profetanakarusti mä waxt'äwi churäta, qullan markamarusa, sutim waqaychirinakarus waxt'äwi churarakïta, jisk'arusa, jach'arusa; aka uraqi t'unjirinakarusti, jumax t'unjarakïtawa” sasa.

Apocalipsis 14:14

Ukatsti uñtasin mä janq'u qinay uñjta, uka qinayxansti mayniw qunt'atäskäna, jupasti Jaqin Yuqapar uñtatänwa. P'iqiparux quri pillumpi asxatatänwa, amparaparusti yawiñ ayt'atarakïnwa, uka yawiñasti wali arïnwa.

Apocalipsis 15:2

Ukatsti uñjaraktwa qhispir uñtat mä jach'a quta, ninampi kituntatjama; uka quta thiyansti khitinakatix jach'a axsarkañ animalar atipjapkatayna ukhamaraki uka animalan sutipan jakhupampi chimpuntayasiñ jan munapkatayna, janirak uka animalar uñtasit lursutapar yupaychapkatayna ukanakaw sayt'atäsipkäna. Diosax jupanakar churkatayna uka arpanak apt'atkamaki.

Apocalipsis 17:14

Ukatsti, uka jach'a axsarkañ animalampi, uka tunka reyinakampix Corderompiw nuwasipxani, ukampis Corderompi jupar arkirinakampix ukanakar atipjaniwa, Corderox munañaninakansa Munañanipa, reyinakansa Reyipätap layku. Jupar arkirinakax jupampïniwa. Diosan jawsata ajllitanakapawa, suma arkirinakäpxatap layku” sasa.

Apocalipsis 19:14

Alaxpachankir ejercitonakaw qhipap arkapxäna, suma lino janq'u q'uma isimpi isthapitkama, taqinis janq'u caballor lat'xatatkamaraki.

Apocalipsis 3:21

Jan walt'añanakar atipjirinakarux, qhapaq qunuñaxan nayamp chik qunt'asiyä, kamisatix nayax atipjasin Awkixampi chik qhapaq qunuñapan qunt'askta ukhama.

Apocalipsis 9:7

Uka t'iju t'ijunakasti nuwasiñatak wakichat caballonakar uñtatänwa, p'iqinakaparux niyas quri pillumpjam asxatatänwa, jaqi ajanut ajanunjamarakïnwa.