2 Samuel 2:32 - Qullan Arunaka DC

³² Uka qhipatsti, Joab chachampi, jaqinakapampix Asaelan amayap Belén markar apasin awkipan sepulturaparuw imt'xapxäna. Jupanakasti uka arum paqariw sarapxäna, willjtarusti Hebrón markaruw puripxäna.

Aymar Bibliia 1986

³² Ucat juc'ampi kheparusti, Asael jaken amayapajj Belenaru apatäjjaraquïnwa ucaruw imjjapjjaraquïna, awquipan sepulturaparu. Joab chachampi jakenacapampisti uca arum pakariw sarapjjaraquïna, khanjtanirusti Hebronaruw puripjjaraquïna.

Qullan Arunaca

³² Ucat juc'ampi kheparusti, Asael jaken amayapajj Belenaru apatäjjaraquïnwa ucaruw imjjapjjaraquïna, awquipan sepulturaparu. Joab chachampi jakenacapampisti uca arum pakariw sarapjjaraquïna, khanjtanirusti Hebronaruw puripjjaraquïna.

2 Samuel 2:32 Jak'a apnaqawi uñst'ayäwi

Génesis 47:29

Mä urusti Jacobux jiwirjamäxänwa, ukat José yuqapar jawsayasin jupar säna: —Chiqpachapuni munaschista ukaxa, amparam lankhu charax manqhar ucham, ukatsti kuntix maykäma uk phuqhañatak juramento lurarapita. ¡Janipuniw Egipto uraqir imayitätati!

Génesis 47:30

Nayax jiwxä ukkhasti, nayan amayax Egiptot apsxätawa, ukatsti nayra awkinakaxax imt'atäpki ukkharuw imt'ayxitäta —sasa. Joseasti sarakïnwa: —Walikiwa, ukham lurä —sasa.

2 Samuel 2:31

Ukampisa, Davidan arkirinakapax, Benjaminan ayllupankirimpita, Abneran jaqinakapankirimpitxa, suxta tunkan jaqinakaruw jiwarayatayna.

2 Samuel 5:1

Uka qhipatsti, Israelan taqpach ayllunakapax Hebrón markarkamaw sarapxäna, Davidamp parliri, juparusti sapxänwa: “Nanakax wilamat wilanïpxtwa,

2 Crónicas 16:14

juparusti kawkïr amaya imañtix Davidan markapan luraykatayna ukaruw imt'xapxäna. Amayapsti mä kallañxaruw uchapxäna, kunayman waksuyat q'apkir suma qullanakampiw uchapxarakïna. Ukxarusti jupat amtañatakix mä jach'a nina aqtayapxäna.

2 Crónicas 21:1

Josafat reyix jiwxänwa, ukatsti David nayra awkipan markapan imt'atäxäna, jupa lantix Joram yuqapaw Judá marka apnaqxäna.

Proverbios 22:29

Lurañap sum lurir jaqix, reyinakan luqtiripäniwa, janiw jan yäqat jaqinakan luqtiripäkaniti.

Jueces 8:32

Gedeonax wali chuymankam jakasaw jiwxäna, juparusti Joás awkipan amay imäwiparuw imt'xapxäna, Ofrá chiqana, Ebiézer chachan markapana.

1 Samuel 17:58

Saúl reyisti jiskt'änwa: —Wayna, sitaya, ¿khitin yuqapätasa? —sasa. Davidasti sarakïnwa: —Nayax Belenankiri Jesé luqtiriman yuqapätwa —sasa.