1 Samuel 4:2 - Qullan Arunaka DC

israelitanakar nuwantañatak wakicht'asisa, uka nuwasiñansti filisteonakaw israelitanakar atipt'äna, pusi waranqa jaqinakap jiwarayasa.

Aymar Bibliia 1986

ucatsti aywitatapjjaraquïnwa israelitanacampi nuwasiñataqui, uqhama nuwasipansti filisteo jakenacajj israelitanacarojj atipapjjänwa, ucatsti uca nuwasïwi pampanjja pusi waranka israelit jakenacaw jiwarapjjaraquïnjja.

Qullan Arunaca

ucatsti aywitatapjjaraquïnwa israelitanacampi nuwasiñataqui, uqhama nuwasipansti filisteo jakenacajj israelitanacarojj atipapjjänwa, ucatsti uca nuwasïwi pampanjja pusi waranka israelit jakenacaw jiwarapjjaraquïnjja.

1 Samuel 4:2 Jak'a apnaqawi uñst'ayäwi

Lamentaciones 3:40

Sarnaqäwinakasat sum amuythapisiñäni, ukatsti Tatitur wasitat kutkatxañäni.

Levítico 26:37

nuwasiñatsa jaltxapkasma ukhamaw jan khitin arknaqat jumanakkam liwirtapxäta; ¡jumanakatsti janipuniw khitis uñisirinakapar saykatirjamäkaniti!

Números 14:45

Ukapachaw uka chiqan jakir amalecita jaqinakampi, cananeo jaqinakampix mistunipxäna, israelitanakar Hormá sat chiqakam arktanisa, jupanakar q'al atipjañkama.

Josué 7:12

Ukat israelitanakax uñisirinakapan nayraqatapan jan sayt'asipkaniti, jupanakax jaltxapxakiniwa, jichhax israelitanak pachpaw tukjatäñaru purisipki. Jumanakatix kuntix t'unjatäñapaki ukanak jan mäki tukjapkäta ukaxa, nayax janiw mayampsa jumanakampïkxäti.

1 Samuel 17:21

Israelitanakasa, filisteonakasa, purapat uñthapisitaw siqicht'asipxäna.

1 Samuel 17:8

Goliat chachasti sayt'asisin israelita soldadonakarux sänwa: —¿Kunatakirak jumanakasti nuwasir mistunipxtasti? Nayax mä filisteo jaqïtwa, jumanakasti Saúl reyin luqtirinakapäpxtawa, jichhax jumanak taypit mayniru ajllipxam nayampi nuwasiñapataki.

1 Samuel 4:1

Samuelusti uka arunak Israel markpacharuw yatiyäna. Khä urunakansti filisteonakax israelitanakampi nuwasiñatakiw tantacht'asipxäna, ukat israelitanakax uka filisteonakamp nuwasir misttanipxäna, jupanakasti Eben-ézer sat chiqaruw utjnuqtapxäna. Filisteonakasti, Afec sat chiqaruw utjnuqtapxarakïna,

1 Samuel 4:10

Filisteonakasti israelitanakarux nuwantasin atipt'apxäna, jupanakasti campamentoparuw jaltxapxarakïna. Jiwaratanakax walt'atapunïnwa, kimsa tunk waranq israelit soldadonakaw jiwaräna, ukat jilt'irinakasti utanakaparuw jaltxapxäna.

1 Samuel 4:3

Kunapachatix israelitanakan ejercitopax campamentor kutt'xän ukkhasti, Israel markan jilïrinakapax akham sapxäna: “¿Kunatsa Tatitux jichhürun filisteonakampi atipjaypachïstu? sasa. ¡Jichhax Siló chiqat Tatitun arust'äwi arcap aptir sarañäni, ukhamat jupax jiwasamp chikäñapataki, uñisirinakasat qhispiyañapataki!” sasa.