Josué 7:12 - Qullan Arunaka DC

¹² Ukat israelitanakax uñisirinakapan nayraqatapan jan sayt'asipkaniti, jupanakax jaltxapxakiniwa, jichhax israelitanak pachpaw tukjatäñaru purisipki. Jumanakatix kuntix t'unjatäñapaki ukanak jan mäki tukjapkäta ukaxa, nayax janiw mayampsa jumanakampïkxäti.

Aymar Bibliia 1986

¹² Ucatpï israelitanacajj jan uñisirinacapampejj nuwasiñ puedcanitejja, jupanacajj jaltapjjaniwa, nayasti maldicipjjämawa janitï jumanac taypit uca juchan jakeru jiwayapcät ucajja.

Qullan Arunaca

¹² Ucatpï israelitanacajj jan uñisirinacapampejj nuwasiñ puedcanitejja, jupanacajj jaltapjjaniwa, nayasti maldicipjjämawa janitï jumanac taypit uca juchan jakeru jiwayapcät ucajja.

Josué 7:12 Jak'a apnaqawi uñst'ayäwi

Salmos 44:10

10 (11) Timasirinakaxan jak'apat jaltayapxista, uñisirinakaxasti yänakax aparapxitu; munataparjamaw taqi kun apasipxi.

Salmos 60:10

10 (12) Diosay, jumax apanukupxistawa, nuwasir tamaxampi chikax janiw mistkxtati.

Proverbios 28:1

Ñanqha lurir jaqix jan khitin arknaqkataw jaltxi, aski jaqisti leonar uñtataw jan kunar axsaras jaki.

Isaías 59:2

Ukampisa jumanakan ñanqha luratanakamasti, mä pirqjamaw Tatitut jaljtayapxtam; jumanakan juchanakam laykuw Tatitux jinchunakapsa llupantasi, janirakiw ist'añsa munapktamti.

Jeremías 23:33

“Jeremías, markankir mä jaqitixa, jan ukax mä profetasa, mä sacerdotesa jiskt'ätam ukkhaxa: ‘¿Kawkïris Tatitun iwxapaxa?’ sasa. Ukapachasti jupanakarux sarakim: ‘Tatitux siwa: Jumanakarux apanukupxämawa’ sasa.

Jeremías 6:8

Jichhax Jerusalén wanimaya, jan ukasti nayax jumat mayjt'ataw sarxä, mä ch'usa wasararuw tukuyäma, jan jaqin jaytarakïma.”

Oseas 9:12

Wawanakapar uywasipkchini ukasa, uka wawanakap jan mayan aparäxa. ¡Jupanakar apanukkä ukapachaxa, kunakïkani aka jaqinakatxa!

Habacuc 1:13

Juman sinti q'umätamatsti, janiw jan wali lurañxa uñjkasmati, janirakiw ñanqha luräwinakarus, walikiw siskasmati; ¿kunjämarak jiwayirinakarus amuk uñch'uktasti? ¿Kunatarak amukïtasti jan wali jaqinakax jupanakat juk'ampi askïpki ukanakar tukjapki ukkhasti?

Números 14:39

Moisesax kuntix Tatitux israelitanakar siskatayna taqi ukanak yatiykän ukapachasti, taqpachaniw walpun llakt'asipxäna.

Números 14:42

Jan sarasipkakimti, Tatitux janiw jumanakampïkxiti, uñisirinakamax atipjapxätamwa.

Números 14:43

Jumanakax Tatitut saraqtapxtaxa, ukat jupax jumanakar apanukupxtam. Uka uraqirutix sarapxätaxa, amalecita jaqinakampi, cananeo jaqinakampiw jumanakamp nuwasir mistsunini, jumanakarusti jiwarayapxätamwa —sasa.

Números 14:45

Ukapachaw uka chiqan jakir amalecita jaqinakampi, cananeo jaqinakampix mistunipxäna, israelitanakar Hormá sat chiqakam arktanisa, jupanakar q'al atipjañkama.

Deuteronomio 7:26

Ukhamasti, jumanakax utanakamar kunatix ñanqhachatäki ukanak jan apasipxamti, taqi ukanakax ñanqhachatawa, uk lurapxäta ukasti, jumanakas t'unjataw uñjasipxarakïta.

Josué 6:18

Jumanakasti janiw markan utjir yänakapat kunsa aptasipxätati, janirakiw llamkt'apxätasa, jan ukasti taqiw t'unjatäñapa Tatitur luqtatäkaspas ukhama. Jumanakatix ukham lurapxäta ukkhaxa, Israelan campamentoparux jan walt'añaruw puriyapxäta.

Jueces 16:20

jach'at art'äna: —¡Sansón, filisteonakaw katuntapxätam! —sasa. Sansonasti sarthapïnwa, maya kutinakanjam atipt'añ amuyasa, ukampis janiw amuyaskänti Tatitun jupar apanukxatapxa.

Jueces 2:14

ukat Tatitux Israel markataki q'apisïna, lunthatanakampiw jupanakan utjir yänakap aparayäna, ukatsti uka thiyanakan jakir uñisirinakapampiw tukjayarakïna, janiw jupanakax saykatañatak ch'amanïpkänti.

Jueces 2:4

Angelax parlañ tukuykän ukkhaxa, israelitanakax taqiniw wali jach'at wararis jachapxäna.

1 Samuel 14:38

Ukat Saúl reyix sarakïna: —Jichhax ejerciton taqi jilïrinakapa jak'achasinipxam; ukatsti khitis jichhürux uka juch luri uk yatxatapxam.