Josué 7:11 - Qullan Arunaka DC

¹¹ Israelitanakax jucharuw puripxi, nayax jupanakampi lurkta uka arust'äwi p'akintapxi. Kunanakatix tukjatäñapäkan uka yänakat apasinipxi, jan wali lurasipkatap yatkasaw ukanak lunthatasipxi, ukatsti yänakap taypiruw imantapxaraki.

Aymar Bibliia 1986

¹¹ Israel marcajj jach'a juchaniwa; p'aquintapjjew nayan jumanacampi arust'atajj-jja. Cunanacatejj t'unjatäñapäcän ucanacjja jupanacajj lunthatasinipjjewa, k'epinacaparu imantat apasinisa, yatcasinsa jupanacajj jan walinac lurapjje.

Qullan Arunaca

¹¹ Israel marcajj jach'a juchaniwa; p'aquintapjjew nayan jumanacampi arust'atajj-jja. Cunanacatejj t'unjatäñapäcän ucanacjja jupanacajj lunthatasinipjjewa, k'epinacaparu imantat apasinisa, yatcasinsa jupanacajj jan walinac lurapjje.

Josué 7:11 Jak'a apnaqawi uñst'ayäwi

2 Reyes 18:12

Taqi ukasti israelitanakax Tatit Diosapar jan ist'apxatap laykuw lurasïna, jan ukasti, jupanakax Tatitump lurat arust'äwi p'akintapxäna, kuntix Tatitux Moisés luqtirip tuqi arsuwaykatayna uka kamachinakarux janiw phuqhapkataynati, janirakiw ukarjamas sarnaqapkataynati.

2 Reyes 5:24

Carmelo sat qullu patar purisinsti, Guehazí uywatax Naamanan uywatanakapa apapkän uka qullqin wayaqanak mayisinxa utaruw imxäna, jupanakarusti khithanukxänwa.

Isaías 24:5

Uraqisti jaqinakapan takisitawa, kamachinak jan phuqhatap layku, arsutanakaparus janiw jaysapkiti, Tatitun wiñayatak arust'äwipsa p'akintapxarakiwa.

Jeremías 31:32

Aka arust'äwisti janiw kunjämtix nayra awkinakapampi lurkayäta ukhamäkaniti, kunapachatix jupanakarux Egipto markat amparat wayxarusin irpsunkta ukhama; jupanakasti uka arust'äwixarux janiw phuqhapkiti, nayax jupanakan uywiripäkchiyäta ukasa. Naya, Tatituw uk arsta.

Oseas 6:7

“Ukampis markaxaxa, Adanjamarakiw arust'äwixarux jan phuqkiti, janirakiw nayatak chiqa chuymanïpkiti.

Levítico 5:15

“Maynitix jan amuyaskasin juch lurani, Tatitur luqtat yänakat sallqjatapas uñstkani ukapachax, oveja tamapat jan kuna kamacht'at mä urqu oveja Tatitun ukar wilañcha luqtañatak apaniñapawa. Uka urqu ovejan alapasti qawqhäkitix qullan utjäwin qullqipax ukarjam chaniñcht'atäñapawa, kunjämatix jucha luräwit waxt'a luqtañax wakiski ukhamarjama.

Habacuc 2:6

Ukampisa taqi katuntata markanakaxa katuntirinakat larusipxaniwa, akham sasaw jayllipxarakini: —¡Ay kunakïkan juma Babiloniatxa, kunatix jan jumankki ukanakampiw qamiriptasktaxa! ¿Kunapachkamas jan jumankki uka qamir yänakampi phuqhantasis sarnaqäta?

Zacarías 5:4

Taqi ch'amani Tatituw arsu: ‘Nayaw aka ñanqhachäwi apayanta, lunthataskis ukan utaparu, ukhamaraki k'ari juramento nayan sutix aytasis lurki ukan utapampir mantañapataki. Uka ñanqhachäwisti ukankaniwa jan mä lawasa, mä qalas qhiparañapkama.’ ”

Mateo 22:21

Jupanakasti sapxänwa: —Cesarankiwa —sasa. Jesusasti jupanakarux sarakïnwa: —Cesarankki ukxa, Cesarar churapxam, Diosankkis uksti, Diosarurak churapxam —sasa.

Hechos 5:9

Pedrosti saskakïnwa: —¿Kunatarak jumanakasti Tatitun Ajayupar yant'añatak ukham yatichasipxtasti? Uñtam, chachaman amayap imt'irinakax ukaxay jutasipki, jichhasti jumarurakiw apapxätam —sasa.

Deuteronomio 17:2

“Tatit Diosamax churapkätam uka markanakantix khiti jaqisa, warmisa Diosar ñanqhachäwinak lurani, suma arust'äwipsa p'akintarakini,

Hebreos 4:13

Janiw kuna luratapas Diosan nayraqatapan imantaskaspati; taqi kunapuniw jupan nayraqatapan qhanstani, taqi luratasat arsuñasaw wakt'istani.

Josué 23:16

janitix jumanakax kawkïr arust'äwtix Tatitux jumanakampi lurki ukar phuqhapkäta ukapacha. Jumanakatix yaqha diosanakaru yupaychasina jupanakatak alt'asipxäta ukaxa, Tatitusti jumanakatakix q'apisiniwa, ukatsti jank'akiw jupan churat aka suma uraqit chhaqtayapxätam” sasa.

Josué 7:1

Israel markax kuntix Diosax siskatayna ukanakxa, janiw phuqkänti, tukjatäñatak satäkäna uka yänak katusisaw jan walir puripxäna. Judá ayllu taypin mä jaqiw utjäna Acán sutini, jupasti Carmí chachan yuqapänwa, Zabdí chachan allchhipa, Zérah jaqin allchhiparaki. Uka jaqisti Jericó markat walja yänak jupatak apasinïna, kawkïr yänaktix Tatitux taqi t'unjapxäta siskatayna ukanakat apaqäna. Ukat Tatitux Israel markataki wali q'apisïna.

Josué 7:10

Tatitusti Josué chacharux sänwa: —Sayt'asim. ¿Kunatsa jumax uraqir alintat ukankaskta?

Jueces 2:20

Ukat Tatitux Israel markatak q'apisisin säna: “Aka jaqinakax nayra awkinakapampi lurat arust'äwirux t'unjapxiwa, janirakiw jaysañ munapkituti.

1 Samuel 14:38

Ukat Saúl reyix sarakïna: —Jichhax ejerciton taqi jilïrinakapa jak'achasinipxam; ukatsti khitis jichhürux uka juch luri uk yatxatapxam.