1 Samuel 4:3 - Qullan Arunaka DC

³ Kunapachatix israelitanakan ejercitopax campamentor kutt'xän ukkhasti, Israel markan jilïrinakapax akham sapxäna: “¿Kunatsa Tatitux jichhürun filisteonakampi atipjaypachïstu? sasa. ¡Jichhax Siló chiqat Tatitun arust'äwi arcap aptir sarañäni, ukhamat jupax jiwasamp chikäñapataki, uñisirinakasat qhispiyañapataki!” sasa.

Aymar Bibliia 1986

³ Cunapachatejj israelitanacan ejercitopajj campamentoru cutjjän ucqhasti Israel marcan jilïrinacapajj aqham sapjjänwa: “¿Cunatsa Tatitojj uqham filisteo jakenacampi atipaypachïstu?” sasa. “¡Jichhajj Silo sat uca chekaru sarañäni, ucatsti Arust'äwi Arca aptasinjjañäni, uqhamat Tatitojj jiwasampi chicäñapataqui, uñisirinacasatsa arjjatañapataquiraqui!” sasaw sapjjaraquïna.

Qullan Arunaca

³ Cunapachatejj israelitanacan ejercitopajj campamentoru cutjjän ucqhasti Israel marcan jilïrinacapajj aqham sapjjänwa: “¿Cunatsa Tatitojj uqham filisteo jakenacampi atipaypachïstu?” sasa. “¡Jichhajj Silo sat uca chekaru sarañäni, ucatsti Arust'äwi Arca aptasinjjañäni, uqhamat Tatitojj jiwasampi chicäñapataqui, uñisirinacasatsa arjjatañapataquiraqui!” sasaw sapjjaraquïna.

1 Samuel 4:3 Jak'a apnaqawi uñst'ayäwi

2 Samuel 15:25

Ukampis reyix Sadoc jaqir sänwa: —Tatitun arcap markar kuttayxam; Tatitutix munani ukapachasti nayarux kuttayasinkitaniwa, arcapsti wasitat uñjaskarakïwa kawkhankkanitix uka chiqana.

1 Crónicas 17:1

Kunapachatix Davidax reyi utapankxän ukkhaxa, Natán profetaruw säna: —Uñjita, nayax cedro lawat lurat reyi utan utjasta, ukampis Tatitun arust'äwi arcapasti mä chhujllar uchatakiwa —sasa.

Salmos 74:1

Diosay, ¿kunatarak apanukt'asipxistasti? ¿Kunatarak q'apisiñamasti tamamankir ovejanakatak nakhisti?

Salmos 74:11

¿Kunatarak ch'iqa amparam aythapistasti? ¿Kunatarak kupi ampar qhumthapit qhipartasti?

Isaías 50:1

Tatitux siwa: “¡Jan amuyapxamti nayan Israel taykamar apanukutaxa, kunjämtix mä jaqix warmiparux apanukki ukhama, janirak kuna manunak phuqhañatakis jumanakar t'aqhisiyat jaqjam aljataxsa amuyapxamti! Jumanakan jucha lurapxatam laykuw aljatäpxtaxa; Israel taykamasti, jumanakan nayatak sayt'asipxatam laykuw apanukut uñjasi,

Isaías 58:3

ukatsti sapxarakiwa: ‘¿Kunatakirak ayunañänisti?, Tatitux janixay uñjkchitixa. ¿Kunatakirak ch'am tukuskañänisti?, jupax janixay amuykchitixa’ sasa. Ayunañ urunsti jumanakax aljasiñanakaruw uskusipxtaxa, irnaqirinakamatsa ch'am q'al thalsupxtaxa;

Isaías 59:1

Tatitux qhispiyañatakix taqi ch'amaniwa, ist'añatakis jank'akirakiwa.

Isaías 59:2

Ukampisa jumanakan ñanqha luratanakamasti, mä pirqjamaw Tatitut jaljtayapxtam; jumanakan juchanakam laykuw Tatitux jinchunakapsa llupantasi, janirakiw ist'añsa munapktamti.

Jeremías 3:16

Jumanakax aka markan mirantxapxäta, wawanakamas waljanïxani ukapachasti, janiw khitis wasitat Tatitumpi mä amtäwir mantatäkis uka arcat parlkxaniti, janiw khitis ukat lup'kxaniti, janiw khitis amtaskxaniti; janirakiw juk'ampi uka arcax munaskxaniti, yaqhas wasitat luraskxarakiniti. Naya, Tatituw uk arsta.

Jeremías 7:4

K'arinak parlirinakarux jan alkatapxamti, khitinakatix sapki: ¡Tatitun utapaw akanki, Tatitun utapaw akanki! sasa.

Números 10:33

Ukhamaw jupanakax Tatitun qullupat sartawayxapxäna, ukatsti kimsüruw sarapxäna. Tatitun arust'äwi arcapax jupanakan nayrap saräna, kawkharutix samart'apkaspa ukawja thaqhasa.

Números 10:35

Arca apxarupkän ukkhasti, Moisesax sänwa: “¡Tatituxay, sartasim! ¡Uñisirinakamax aywitatapxpan! ¡Jumar uñjasax uñisirinakamax jaltxapxpan!” sasa.

Números 31:6

Moisesasti jupanakar nuwasïwiruw khithäna, Finees chachamp chika, Eleazar sacerdoten yuqapa. Finees chachax qullan yänak apäna, nuwasïwi qallantañ yatiyañatakisti trompetanak aparakïna.

Deuteronomio 29:24

24 (23) “Ukapachasti taqi jaqinakaw jiskt'asipxani: ‘¿Kunatsa Tatitux aka markar ukham lurpacha? ¿Kunatsa q'apisiñapax ukataqïpacha?’ sasa.

Deuteronomio 31:26

“Kamachinakan qillqat aptapxam, ukatsti Tatit Diosaman arust'äwi lurat arcap thiyar uchapxam, uka yatichäwinakaw jumanakan sarnaqatanakam irkatani.

2 Timoteo 3:5

Jupanakax Dios chuymäkaspas ukhamaw tukupxani, ukampis luräwinakapampix Diosar chiqpach arkañ apanukupxani. Uka jaqinakampix janipun chikachasimti.

Hebreos 9:4

ukawjansti qurit lurat incienso nakt'ayañ altarampi, qurimpi apakipat arust'äwi arcampiw utjäna. Uka arca manqhansti qurit lurat mä chatuw utjäna, uka chatunsti maná sat t'ant'aw uchatäna; Aaronan thujrupax ch'uxñatatkatayna, ukhamarak tunka kamachi qillqat qalanakas arca manqhankänwa.

Josué 4:7

jumanakasti akham sapxätawa: ‘Kunapachatix Tatitun arust'äwi arcapax Jordán jawir makhataskän ukkhaxa, jawir umanakax arca nayraqatan payaruw jaljtäna. Aka qalanakax israelitanakatakix kunatix akan luraskäna ukanak amtasiñatakiw uchata’ ” sasa.

Josué 6:6

Josué chachax sacerdotenakar jawsasinxa sänwa: “Tatitun arust'äwi arcap apapxam, jumanakat paqallqunix waxrat lurat trompetanak apt'ata arcan nayräxap sarapxam” sasa.

Josué 7:7

Josué chachasti sänwa: —¡Dios Tatay! ¿Kunatakirak aka markaru Jordán jawir makhatayantasti? ¿Amorreo markar katuyasat tukjañ munapxista? ¡Inas Jordán jawir khurkatar qhiparañax walïchisapäna!

Josué 7:8

¡Dios Tatay! ¿Kamsarakïsti, israelitanakax uñisirinakapar uñjasin jaltanxatapatsti?

1 Pedro 3:21

Uka umasti bautismo umaruw uñtasïna, uka tuqit jichhax qhispitätanxa. Uka bautismosti janiw janchir q'umachañatakïkiti, jan ukasti Diosar juchanakasat q'umachañapatak mayiñatakiwa; jichhasti Jesucriston jaktäwip tuqirakiw qhispiyistuxa,

Judas 1:5

Jumanakax niy yatipxtawa, uksti amtayañ munapxsma, Tatitux Egiptot Israel markapar irpsunkäna ukkhasti, khitinakatix jupanak taypit jan iyawsapkän ukanakarux tukjänwa.

1 Samuel 1:24

Kunapachatix ñuñut t'aqanukxän ukkhaxa, wawan jisk'äskatap laykux jupamp chikaw Tatitun utapar irpäna Siló sat chiqaru. Ukhamarakiw kimsa maran vaca qallumpi, mä lip'ich wayaqa vinompi, pä tunka payan kilo trigompi apäna.

1 Samuel 14:18

Uka urusti Tatitun efod sat isipax israelitanak taypinkaskänwa, ukat Saúl reyix Ahías profetarux säna: —Tatitun efod sat isip akar aptanim —sasa.

1 Samuel 4:2

israelitanakar nuwantañatak wakicht'asisa, uka nuwasiñansti filisteonakaw israelitanakar atipt'äna, pusi waranqa jaqinakap jiwarayasa.