Números 16:15 - Qullan Arunaca

Ucatsti Moisesajj wal colerasïna, Tatiturusti sänwa: —Jan ofrendanacapjja catokamti. Janiw nayajj jupanacarojj ni mä asnopsa aparcti, janiraquiw cawquïri jupanacarusa jan wali lurcaracti.

Aymar Bibliia 1986

Ucatsti Moisesajj wal colerasïna, Tatiturusti sänwa: —Jan ofrendanacapjja catokamti. Janiw nayajj jupanacarojj ni mä asnopsa aparcti, janiraquiw cawquïri jupanacarusa jan wali lurcaracti.

Qullan Arunaka DC

Moisesasti wali q'apisitaw Tatitur säna: —¡Jupanakan waxt'anakap jan katuqamti! Janiw nayax jupanakan mä asnopaksa mayirïkti, janirakiw jupanakat maynirusa jan walinak lurkti —sasa.

Números 16:15 Jak'a apnaqawi uñst'ayäwi

2 Samuel 22:22

Nayajj Tatitun thaquipan sarnakta, janipuniw Diosajjarojj armanuccti;

Éxodo 32:19

Ucat Moisesasti campamentor jac'achasisasti, uñjänwa korit lurata vaca kallu, uqhamarac thokhorinaca, ucatsti wali colerasisawa amparanacapancqui uca tablanacamp jakt'asinjja kollu cayuru jisc'a jisc'a t'unjäna.

Proverbios 21:27

Tatitojj jucharar jakenacan sacrificio loktatanacaparojja uñisiwa, jupanacan jan wali amtäwinacamp loktapjjatap laycu.

Números 12:3

Moisesajj chekpachansa llamp'u chuymani jakënwa acapachanjja.

Números 16:16

Ucatsti Moisesajj Coré chacharojj sänwa: —Jumasa, jilanacamasa arumanthpacha Tatitu nayrakatana uñstapjjam. Aaronasti ucancaraquiniwa.

Mateo 5:22

Ucampis nayajj sapjjsmawa, qhititejj jilapampi colerasinejja, jilïrinacan tantachasïwipanjja juchañchatäniwa, uqhamarac qhititejj jilapar tokjjani ucasti jach'a jilïrinacan tantachasïwipan juchañchatäniwa. Uca quicparaqui ñankha arunacampi ñankhachani, jilapar jan walinac sirejja infierno ninataquïñapawa.

Marcos 3:5

Jesusasti colerataw jupanacarojj uñcatäna, jan amuyt'añ munapjjatapa yatisinsti, llact'asïnwa. Usut jakerusti sänwa: —Amparam ayatatam —sasa. Jupasti iyawsasaw amparapjja ayatatäna, ucatsti c'umaraquëjjänwa.

1 Corintios 9:15

Ucampis nayajj janipuniw cuns catokcti, acsa janiraquiw kellkanipcsmati nayar mä cunsa churapjjañanacamataqui. ¡Janïra qhitis nayat aca cusisiñajja apakquipanjja asquïspaw nayan jiwjjañajjajja!

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

2 Corintios 7:2

Jumanacajj take chuyma catokapjjeta. Janiw qhitirus cuna jan walsa lurapcti, janiraquiw qhitirus jan walir apapcti ni qhitirus sallkjapcaracti.

Efesios 4:26

Colerasisinjja jan juch lurapjjamti, uca colerasiñanacamajj jan jornalpachäpati.

1 Tesalonicenses 2:10

Jumanacaw testigöpjjta, Diosas testigoraquiwa, nanacan k'oma cancañan sarnakatanacajjatjja, jumanac iyawsirinacampis, jan qhitinsa ni cunjjatsa juchañchayasiñataquisa.