2 Corintios 7:2 - Qullan Arunaca

² Jumanacajj take chuyma catokapjjeta. Janiw qhitirus cuna jan walsa lurapcti, janiraquiw qhitirus jan walir apapcti ni qhitirus sallkjapcaracti.

Aymar Bibliia 1986

² Jumanacajj take chuyma catokapjjeta. Janiw qhitirus cuna jan walsa lurapcti, janiraquiw qhitirus jan walir apapcti ni qhitirus sallkjapcaracti.

Qullan Arunaka DC

² ¡Chuymanakamaruy uskt'asipxita! Janiw khitirus jan chiqapar uñjapkti; janirakiw khitirus kuna jan walsa lurapkti; khitirus inaki irnaqayasipkti.

2 Corintios 7:2 Jak'a apnaqawi uñst'ayäwi

Números 16:15

Ucatsti Moisesajj wal colerasïna, Tatiturusti sänwa: —Jan ofrendanacapjja catokamti. Janiw nayajj jupanacarojj ni mä asnopsa aparcti, janiraquiw cawquïri jupanacarusa jan wali lurcaracti.

Mateo 10:14

Janitejj catokapcätamjja, ni ist'apcaraquïtamsa ucqhajja, mistuwayjjapjjam uca utatjja, uca marcatsa, uqhamarac cayunacamatsa lak'a polvonacjja thalarasiwayjjapjjam.

Mateo 10:40

“Qhititejj jumanacaru catokapcätam ucanacajj nayaruw katoketu; qhititejj nayar catokquitu ucajja, qhitanquitus ucaruw catoke.

Lucas 10:8

Mä marcar purisinjj cawqhan catokapjjchïtam ucanjja cuntejj churapcätam ucjj mank'apjjam.

Hechos 20:33

Janiw nayajj munapaycäyätti qhitin kollkepsa ni qhitin isipsa.

Romanos 16:18

Jupanacasti janiw Cristoru sirvipquiti, jan ucasti jupanacan munañanacaparuquiw sirvisipqui. Juc'a amuyt'asirinacarusti sallkjapjjaraquiwa uqham suma arunacapampi.

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

2 Corintios 11:16

Mayampwa sapjjsma: Jan qhitis nayarojj mä lokherjam uñjitpati. Ucampis jumanacatejj mä lokherjam uñjapjjchistajja, uqhamajj jaytt'apjjet lokjam parlañajjataqui, nayajj mä juc'a jach'a jach'a tuct'añajjataqui.

2 Corintios 11:9

Jumanacampïcäyät ucqhajja pist'ayasiñanacanwa sarnakäyätjja, ucampis janiw qhititaquis mä llaquïcäyätti, jan ucasti Macedonia toket jutir jilatanacaw cunatejj jan utjquitäna ucjja churapjjetäna. Jumanacatsti janiw cuns mayipcäyäsmati jan qhitirus llaquisiyascañ laycu, jichhas janipuniw mayipcämati.

2 Corintios 4:2

Cunatejj jamasan lurasqui, uqhamarac cunatejj p'enkäqui ucanacjja apanucupjjtwa. Janiw jan wali amtañanacampi sarnakapcti janiraquiw Diosan arunacapsa maysar k'ewipcti. Cunatejj chekäqui ucacwa parlapjjtjja, uqhamataracwa takenimpis waliquiw sayasipjjaractjja Dios nayrakatanjja.

Filipenses 2:29

Take cusisiñampi juparojj catokapjjam cunjämatejj mä Tatitunquir jilatarojj catokañäqui uqhama. Uca casta jupjam jilatarusti munasipjjapunim,

Colosenses 4:10

Nayamp chica carcelanquir Aristarco jilatasti aruntanipjjtamwa, Bernabean primo jilap Marcosas aruntanipjjaractamwa. Jumanacajj niya satäpjjtawa Marcosjjatjja; jutani ucqhajja sum catokt'apjjam.

1 Tesalonicenses 2:10

Jumanacaw testigöpjjta, Diosas testigoraquiwa, nanacan k'oma cancañan sarnakatanacajjatjja, jumanac iyawsirinacampis, jan qhitinsa ni cunjjatsa juchañchayasiñataquisa.

Filemón 1:12

Jichhasti wasitatwa qhitanjjsma, catokjjamay naya pachparus catokquitasma uqhama.

Filemón 1:17

Uqhamasti nayarutejj juman jilamat uñt'aschista ucajja, nayarus catokquitasma uqhamay juparojj catokjjam.

2 Juan 1:10

Cawquïritejj jumanacar jutapjjätamjja jan aca yatichäwimpi ucarojja, jan utanacamar catokapjjamti, ni aruntapjjamsa.