2 Corintios 7:2 - Qullan Arunaka DC

² ¡Chuymanakamaruy uskt'asipxita! Janiw khitirus jan chiqapar uñjapkti; janirakiw khitirus kuna jan walsa lurapkti; khitirus inaki irnaqayasipkti.

Aymar Bibliia 1986

² Jumanacajj take chuyma catokapjjeta. Janiw qhitirus cuna jan walsa lurapcti, janiraquiw qhitirus jan walir apapcti ni qhitirus sallkjapcaracti.

Qullan Arunaca

² Jumanacajj take chuyma catokapjjeta. Janiw qhitirus cuna jan walsa lurapcti, janiraquiw qhitirus jan walir apapcti ni qhitirus sallkjapcaracti.

2 Corintios 7:2 Jak'a apnaqawi uñst'ayäwi

Números 16:15

Moisesasti wali q'apisitaw Tatitur säna: —¡Jupanakan waxt'anakap jan katuqamti! Janiw nayax jupanakan mä asnopaksa mayirïkti, janirakiw jupanakat maynirusa jan walinak lurkti —sasa.

Mateo 10:14

Janitix katuqapkätamxa, ist'apkarakïtamsa ukkhax uka utata, jan ukax uka markatsa mistuwayxapxam, kayunakamatsa laq'a thalarasiwayxapxam.

Mateo 10:40

“Khititix jumanakar katuqapkätam ukanakax nayaruw katuqitu; khititix nayar katuqkitu ukax khithankitus ukaruw katuqi.

Lucas 10:8

Mä markar purisinsti, kawkharuy katuqapxchïtam ukan kuntix churapkätam uk manq'apxam;

Hechos 20:33

Janiw nayax khitin qullqipsa, khitin isipsa munapayawaykti.

Romanos 16:18

janiw jupanakax Cristo Tatitusar luqtapkiti, jan ukasti, jupanakan munañaparjamakiw luqtapxi, ukatsti suma llaphi munkañ arunakampiw juk'a amuyt'asir jaqin chuymanakap sallqjapxi.

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

2 Corintios 11:16

Mä kutimpiw sapxsma, jan khitis nayan luqhïtax amuypati; ukampis ukhamtix amuyapxstaxa, luqhi jaqjam parlam sapxita, ukhamat nayan mä juk'a jach'achasiñaxataki.

2 Corintios 11:9

Jumanak taypinkkasasti pist'añan jikxatasta, ukampis janiw khitirus maykti; Macedoniat jutir jilatanakaw kunatix jan utjkitän uk churapxitu. Janiw nayat llakisipxañam munkäyätti, akat qhiparus janipuniw mayipkämati.

2 Corintios 4:2

Janiw kunatsa p'inqasipkti, janirakiw kunsa jamasanakan lurapkti; janiw jan wali amtañanakampi sarnaqapkti, janirakiw Diosan arunakapsa maysar q'iwipkti. Jan ukasti, kunatix chiqäki ukak arsupxta, ukhamat taqinimpis Diosan nayraqatapan askit uñt'ayasipxta.

Filipenses 2:29

Ukhamax taqi kusisiñampiy juparux katuqapxam, kunjämatix Tatitunkir mä jilatarux katuqañäki ukhama, ukatsti jupjam jilatanakarus munasipxapunim,

Colosenses 4:10

Nayamp chika katuntatäki uka Aristarco jilataw aruntanipxtam, ukhamarakiw Bernabé jilatan Marcos primo jilapas aruntanipxtam. Jumanakax Marcosat niy yatxapxtawa; jupatix jumanakar tumpiri purininixa, sum katuqt'apxam.

1 Tesalonicenses 2:10

Jumanakaw uñjasipkistaxa, Diosasti uñjasipkarakituwa, nanakasti qullan kankañana, chiqapana, jan kamskayaw jumanak Cristonkirinakampix sarnaqapxta.

Filemón 1:12

Ukat jichhax wasitat khithanxsma, naya pachparus katuqkitasma ukhamay katuqxam.

Filemón 1:17

Ukhamasti nayarutix juman jilamat uñt'aschista ukaxa, nayarus katuqkitasma ukhamay juparux katuqxam.

2 Juan 1:10

Maynitix jumanakan ukar sarasax jan aka yatichäwinïkan ukaxa, utar jan katuqapxamti, janirak aruntapxamsa;