Lucas 7:42 - Qullan Arunaca

Jan uca manu phokherjamäjjapjjëpansti, kollke mayt'ir jakejj panpachaniruw perdonjjatayna. Jichhajj sita, ¿cawquïris jupanacatjj jil munpachajj uca kollke mayt'irirojja? —sasa.

Aymar Bibliia 1986

Jan uca manu phokherjamäjjapjjëpansti, kollke mayt'ir jakejj panpachaniruw perdonjjatayna. Jichhajj sita, ¿cawquïris jupanacatjj jil munpachajj uca kollke mayt'irirojja? —sasa.

Qullan Arunaka DC

uka manu jan phuqhirjamäpxipansti, qullqi mayt'ir jaqix panpachaniruw manupat pampachatayna. Jichhax sita, jupanakat ¿kawkïris qullqi mayt'ir jaqirux jil munaspacha? —sasa.

Lucas 7:42 Jak'a apnaqawi uñst'ayäwi

2 Samuel 14:13

Ucatwa warmejj jisct'araquïna: —¿Cunataraqui jach'a reyisti uca quipca Tatitun marcap contra lurañ munaraquisti? Cunjämatejj jach'a reyejj jupa pachpa arsojja, jichhajj jupa pachpaw juchani uñsti cawquïri wawapatejj jayan apanucuta uñjasqui uca wawaparu jan cuttayaniñ munasajja.

Salmos 103:3

Tatituw takpach juchanacajjat pampachitu, jupaw take usunacajjat c'umarachitu;

Isaías 43:25

“Ucampis nayajja, Diosamätajj laycojj, jake jiwayatanacamjja pichsmawa, juchanacamatsti janiw mayampsa amtascjjäti.

Isaías 44:22

Nayaw juchanacamsa, pantasitanacamsa chhaktaytjja, cunjämatejj kenayanacajj chhaktapjje uqhama. Nayan ucar cuttanjjam, nayajjay jumarojj khespiysmajja.”

Mateo 18:27

Reyisti uqham achict'asipanjja qhuyapt'ayasïnwa, take uca manupjja perdonänwa, jupasti sarawayjjänwa.

Mateo 18:34

Ucapachawa reyejj wal colert'asïna, ucatsti t'akhesiyaraquïnwa take uca manupa pagañapcama.

Mateo 6:12

Juchanacajjatjja pampachapjjeta, cunjämatejj nanacajj jan wali lurapquitus ucanacarojj perdonapjjta uqhama.

Lucas 7:43

Simonasti juparojj sänwa: —Nayan amuyatajjatjja, jila manunïcäns ucaw jil munpachajja —sasa. Jesusasti saraquïnwa: —Walic sasctajja, uqhampunïsquiwa —sasa.

Romanos 3:24

Ucampis Diosajj jupan jach'a munasiñapanjja ina ch'usatacwa catokestu, Jesucristo tokwa jiwasanacarojj khespiyaraquistu.

Romanos 5:6

Cunapachatejj jiwasanacajj jan ch'amanïcäyätan jiwaspacha khespiyasiñataquejja, ucapachaw Cristo Tatitusajj horasapar jiwawayi jiwasan juchanacas laycu.

Gálatas 3:10

Qhitinacatejj Moisesan leyiparu catuyasipqui ucanacajja maldicitäpjjewa. Kellkatansti aqham siwa: “Take qhitinacatejj ley libron kellkatäqui ucanacarjama janipun phokcchi ucajja, maldicitäpjjewa.”

Efesios 1:7

Diosajj jach'a munasiñapatwa Yokapan jiwäwipa toke khespiyistu, juchanacassa perdonasaraqui.

Efesios 4:32

Sumancapjjam, maynit maynicama qhuyapt'ayasirïpjjam, perdonasirïpjjaraquim maynit maynicama, cunjämtejj Diosajj jumanacaru perdonapjjtam Cristo toke uqhama.

Colosenses 3:13

Jumanac purajj llamp'u chuymampi sarnakapjjam, maynit maynirus perdonasipjjaraquim jan wali lurasipjjsta ucapachajja. Cunjämtï jumanacarojj Cristojj perdonapjjtamjja, uqhamarac jumanacajj perdonapjjam.