Efesios 1:7 - Qullan Arunaca

⁷ Diosajj jach'a munasiñapatwa Yokapan jiwäwipa toke khespiyistu, juchanacassa perdonasaraqui.

Aymar Bibliia 1986

⁷ Diosajj jach'a munasiñapatwa Yokapan jiwäwipa toke khespiyistu, juchanacassa perdonasaraqui.

Qullan Arunaka DC

^7-8 Criston wila wartatap tuqiw juchanakat qhispitäñasa, pampachatäñas utjistu. Diosasti phullch'irkir khuyapayasiñap jiwasatak utjayi, taqi yatiñ kankaña, amuyt'a kankañ jiwasar churasa,

Efesios 1:7 Jak'a apnaqawi uñst'ayäwi

Job 33:24

Jupatjja qhuyapt'ayaspan, Diosarusti saracpan: “Jiwañatjja khespiyam, khespiyasiñapsti jicjjataractwa” sasa.

Salmos 130:4

Ucampis jumaw juchanacat pampachapjjesta, uqhämat jumar wakaychañ yatichapjjesta.

Salmos 130:7

Israel marca, Tatituruy suyt'am, qhuyapayasiñajj Tatitut juti, khespiyäwipajj jilarquiriw jutaraqui.

Salmos 86:5

Tatay, jumajj munasiñanïtawa, juch pampachiriraquïtawa, jumar art'asirinacataquejj qhuyapayasirïtawa.

Éxodo 34:7

Waranka wawanacaman wawanacapataquisa pachpa cheka asqui munasiriquïscaniwa, uqhamarac perdonaraquiwa jan wali luratanacsa, jan wali amtäwinacsa, take juchanacsa. Ucampis juchanirojj janiw jan mutuyasaqui jaytquiti, jan ucasti awquinacan juchanacapatjja mutuyiwa wawanacaparu, allchhinacaparu, allchhinacapan wawanacaparu, uqhamarac allchhinacapan allchhinacaparusa.

Isaías 43:25

“Ucampis nayajja, Diosamätajj laycojj, jake jiwayatanacamjja pichsmawa, juchanacamatsti janiw mayampsa amtascjjäti.

Jeremías 31:34

Nayar uñt'añataquejja janiraquiw waquiscjjaniti, yatichasipjjañanacapajj maynit maynicama amigonacaparusa, uqhamarac familianacaparusa, takeniraquiwa jisc'at jach'acama nayarojj uñt'apjjetani. Nayasti jupanacarojj ñankha luratanacapatjja perdonaraquïwa, jucha luratanacapatsti janiw mayampsa amtascjjaraquïti. Naya Tatituw ucjja arsta” sasa.

Daniel (hebreo) 9:19

¡Tatay, Tatay! ¡Ist'apjjeta, perdonapjjaraquita! ¡Ist'apjjet, Tatay, ucatsti yanapt'apjjaraquita! Juman jach'a sutim laycu, Dios Tata, marcam laycu, jakenacam laycu, qhitinacatejj sutimsa jach'achapctjja, ucanacaru janc'aqui jutam.’

Daniel (hebreo) 9:9

Ucampisa nanacan Diosajja, jumanquiwa qhuyapayasiñasa, juchat perdonañasa. Nanacasti juma nayrakatan jumataquiw sayt'asipjjta,

Jonás 4:2

Ucatsti, oracionapanjja Tatitumpiw parläna aqham sasa: — Uñtam, Tata, nayajj cunapachatï orakejjancascäyäta ucqhajj aqham pasañapjja yatipuniyätwa. Ucatwa Tarsis marcaru jaltjjayätjja, ucampis nayajj yattwa jumajj qhuyapayasiri Diosätama, janirac janc'a colerasirïtamsa, wali munasiñanïtam laycojja; mä mutuyäwi apayaniñataquisa yatiycta ucasa amthapisjjtawa uca mutuyäwejj jan lurasjjañapataqui.

Miqueas 7:18

“Janiw yakha Diosajj jumjam utjquiti, jumasti pampachtawa ñankha luratanacapjja, juma contra sayt'asitanacapsa armaractawa, qhitinacatï marcamatjja jilt'apqui uca juc'aniru. Jumaw munasiñamjja uñacht'ayapjjesta, colerasiñamsti janiraquiw wiñayatac catjjäsctati.

Zacarías 13:1

“Qhä urunjja mä uma jalsuw jist'artanejja, ucana Davidat jutir familianacas, Jerusalenan jaquirinacasa juchanacapa, k'añu cancañanacapa jarekasipjjañapataqui.

Zacarías 13:7

Take ch'amani Tatitojj arsuwa: “¡Sartasim espada, awatirejj contra, yanapirejj contraraqui! ¡Awatirirojj jiwayam, ovej tamasti aywitatapjjaniwa, nayasti orko ovejanac contraraquiw cuttaraquëjja!

Zacarías 9:11

Acsti Tatituw sejja: “Jerusalén, jumamp arust'äwi wila tokwa, nayajj apsü jan umañ phuch'utjja, jumanacan preso jakenacamjja.

Mateo 20:28

Jaken Yokapajj janiw sirviyasiñatac jutquiti jan ucasti sirviriw juti, uqhamarac jacañap churiri walja jakenacar khespiyañataqui —sasa.

Mateo 26:28

Acasti nayan wilajjaraquiwa. Ucasti [machak] arust'äwiwa, cawquïritejj wartatäcani walja jakenacar juchanacapata khespiyañataqui.

Mateo 6:12

Juchanacajjatjja pampachapjjeta, cunjämatejj nanacajj jan wali lurapquitus ucanacarojj perdonapjjta uqhama.

Marcos 14:24

Jesusasti sascaquïnwa: —Acajj nayan wilajjawa [machak] arsüwi phokhañataqui. Walja jakenac laycuw wartasi.

Lucas 1:77

marcapan khespiyasiñ utjatap yatipjjañapataqui, uqhamarac juchanacapat perdón utjatapsa, uqhamat khespiyasipjjañapataqui.

Lucas 24:47

sutipanaracwa take marcanacarojj parlasini, Jerusalenat kalltasina, aqham sasa: ‘Jan wali jacäwinacamatjja arrepientisipjjam juchanacamajj perdonatäñapataqui’ sasa.

Juan 20:23

Jumanacatejj mayninacan juchanacapjj perdonapjjstajja, ucanacajj perdonatäjjewa; janitejj perdonapcstajja, ucanacajja janiraquiw perdonatäpquiti —sasa.

Hechos 10:43

Take profetanacaraquiw uca Jesusjjat parlapjjäna: Take qhitinacatejj jupar iyawsapqui ucanacajj jupan sutip laycuw juchanacapat perdón catokapjjani —sasa.

Hechos 2:38

Ucjjarusti Pedrojj jupanacarojj sänwa: —Sapa mayni jumanacajja cutiquipstapjjam, uqhamarac bautisasipjjam Jesucriston sutiparu, juchanacamata perdonatäpjjañamataqui. Ucatwa Diosajj Kollan Ajayu churapjjätam.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

Hechos 3:19

Uqhamasti jan wali lurañanacjja apanucupjjam, ucatsti arrepientisipjjam juchanacamajj perdonatäñapataqui. Ucatwa Diosajj jumanacar cusiscañ urunac churapjjätam,

Romanos 2:4

¿Jan ucajj Diosan munasiñapjja, jan tucusquir llamp'usiñapsa janich yäkcta? Chekpachansa uca Diosan llamp'u tucutapajja juman take ucanac arrepientisisa apanucuñamataquiwa.

Romanos 3:24

Ucampis Diosajj jupan jach'a munasiñapanjja ina ch'usatacwa catokestu, Jesucristo tokwa jiwasanacarojj khespiyaraquistu.

Romanos 3:25

Diosasti Jesucristoruw juchan pagopjama uchi, jupan jiwäwip laycu khespiyasiñajj utjañapataqui, iyawsäwi toke. Take acanacasti lurasiwa jupan llamp'u chuymapajj uñstañapataqui nayra juchanacas perdonatapatjja.

Romanos 9:23

Take acanacsti luriwa jupan jach'a cancañapa utjatap khanañchañataqui. Jiwasampi lurqui ucasti qhuyapayasiñap laycuwa ajllisistu janïr cunanacas utjquipana, jupampi gloriapan chekäñasataqui.

1 Corintios 1:30

Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.

2 Corintios 8:9

Jumanacasti Tatit Jesucriston munasiñapjja niya yatjjapjjtawa. Jupajj wali kamirïnwa, ucampis jan cunaniw tucuwayi jumanacar munasina, uqhamata jumanacajj uqham tucutapampi kamirquipstapjjañamataqui.

Efesios 1:14

Kollan Ajayuwa jiwasanacan arjjatirisajja cawquïr wajjt'asïwtejj Diosajj churquistani uc catokañasataquejja. Ucsti catokañäniwa cunapachatejj jupanquirinacan khespiyasiñapajj phokhatäjjani ucqha, jupajj jach'a Diosätap laycu yupaychatäñapataqui.

Efesios 1:18

Diosarojj maytwa jumanacar amuyt'ayañapataqui, cawquïri suyt'äwitaquitejj jawsquistu uc yatipjjañamataqui, cunja muspharcaña jach'a herenciatejj Diosajj churqui jupanquirinacaru uc yatipjjañamataquiraqui,

Efesios 1:6

Ucatpï Diosarojj yupaychapuntanjja muspharcañ qhuyapayasiñapata, uca pachpa qhuyapayasiñapampiw bendicistu munat Yokapampi mayaquïtas laycu.

Efesios 1:8

Diosajj jach'a munasiñapwa uñacht'ayistu, take yatiñ cancaña uqhamaraqui amuyt'a churasina.

Efesios 2:4

Ucampis Diosajj jach'a qhuyapayasiñaniwa, walrac munasiraquistu.

Efesios 2:7

Acsti luriwa khepa pachanacan uñacht'ayañataqui, cunja jach'a munasiñapampis munistu ucata, uqhamarac qhuyapayasiñapas jiwasatac utjatapata Cristo Jesús laycu.

Efesios 3:16

Awquirojj maytwa jupan jach'a muspharcañ kamir cancañapat ch'am jumanacar churañapataqui, Diosan Ajayup toke,

Efesios 3:8

Diosancapqui uca jisc'anacat sipansa nayajj pisïtwa. Ucampis jupaw acqha suma yatiyañ churitu, jan judiöpquis ucanacaru Criston jan jact'cañ kamir cancañapat suma yatiyäwinac yatiyañajjataqui.

Filipenses 4:19

Nayan Diosajjawa take cunatejj jumanacan jan utjquisa ucjja churapjjätam Cristo Jesusan walja c'ajquiri kamir cancañaparjama.

Colosenses 1:14

Uca Yokapasti jiwäwipampiw khespiyaraquistu, juchanacasat pampachasa.

Colosenses 1:27

Jupanacaruw Diosajj aca imantatjja uñacht'ayaraqui, cuna kamir cancañatejj Diosan utjqui jan judiöpquis uca jakenacaru. Imantäwisti Jesucristojj jumanacancqui ucawa, juparaquiwa cuntejj catokapcäta uca suyt'äwisa.

Colosenses 2:13

Qhä urunacansti jumanacan ajayunacamanjja jiwaratäsipcäyätaw juchanacam laycu, uqhamarac jan circuncidatäpjjatam laycu. Ucampis jichhajj Diosajj jacañwa churjjapjjtam Cristompi chica, take juchanacamatsa perdonasaraqui.

Colosenses 2:2

Munaractwa jupanacajj chuymanacapanjja wali ch'amañcht'atäpjjañapa, mayaquïpjjañaparaqui munasiñansa, chekpach amuyumpi suma phokt'atäpjjañapawa, uqhamat Diosan imantäwipa uñt'añataqui, ucasti Cristo pachpawa.

1 Timoteo 2:6

Jesucristojj jiwañaruw catuyasiwayi takenin khespiyasiñap alañataqui, acasti horasaparuw yatiyasiraqui.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

Tito 3:6

Khespiyir Jesucristo tokew Diosajj Kollan Ajayu jilarquir churistu,

Hebreos 9:22

Ucatsti leyirjamajj niya take cunanacaw wilampi k'omachatäñapa; janiw juchat k'omachasiñajj utjcaspati, janitejj wilajj wartascaspa ucqhajja.

1 Pedro 2:24

Jesucristo quipcaraquiw juchanacasjja pachpa cuerpopjjaru apawayjje, crusan jiwasina, uqhamata jiwasajj jucha lurañar jiwañasataqui, mä suma jacañan jacañasataqui. Jupajj chhojjriñchjatänwa jumanacajj c'umaräpjjañamataqui.

1 Pedro 3:18

Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa.

1 Juan 2:12

Wawanaca, Diosajj sutipa jach'ar aptatäñap laycuw juchanacamatjja perdonjjapjjtam Jesucristo toke, ucatwa kellkanipjjsma.

1 Juan 2:2

Tatit Jesucristow jacañap loktasiwayi uca tokew juchanacasajj perdonatäjje, janiw jiwasan juchanacasacti, jan ucasti take aca orakpachan juchanacapa.

1 Juan 4:10

Aqhamanquiw munasiñajja: janiw jiwasanacati Diosar munapcäyätanjja, jan ucasti jupaw munistu Wawap qhitanisina juchanacasat khespiyañataqui.

Apocalipsis 14:4

Acanacasti janiw warminacampi juch lurasa k'añuchasipcataynati, jan ucasti k'omapuniw kheparapjjatayna, ucatsti Corderoruraquiw arcapjje cawquirutejj jupajj sarqui ucaru. Jakenac taypita jupanacajj khespiyatäpjjataynawa, Diosataquisa Corderotaquisa nayrïri ofrendanacapäcaspas uqhama.

Apocalipsis 5:9

Mä machak k'ochu k'ochupjjaraquïna: “Jumajj asquïtawa uca libro catuñataqui, sellonacap ch'iyarañataquisa; jumarojj jiwayapjjäyätamwa, ucatsti wilamampiw Diosataqui alapjjestajja, take casta jakenacaru, cunayman parlani jakenacaru jisc'a marcaru, jach'a marcaru.