Lucas 7:41 - Qullan Arunaca

⁴¹ Jesusasti sänwa: —Pani jakew mä kollke mayt'ir jaker manüpjjäna. Maynejj pheska patac denario kollke mayt'asitayna, maynïristi pheska tuncaraqui.

Aymar Bibliia 1986

⁴¹ Jesusasti sänwa: —Pani jakew mä kollke mayt'ir jaker manüpjjäna. Maynejj pheska patac denario kollke mayt'asitayna, maynïristi pheska tuncaraqui.

Qullan Arunaka DC

⁴¹ Jesusasti sänwa: —Pani jaqiw mä qullqi mayt'ir jaqir manüpxäna. Maynix phisqa patak qullqi mayt'asitayna, maynïristi phisqa tunka mayt'asirakitayna;

Lucas 7:41 Jak'a apnaqawi uñst'ayäwi

Isaías 50:1

Tatitojj siwa: “¡Jan amuyapjjamti nayan Israelaru qhitanucutajj-jja, jupasti taycamawa, cunjämtejj mä jakejj warmiparojj apanucqui uqhama, jan ucajj nayan jumanacar esclavot aljatajjsa, qhitimpisa manunïtajj laycu! Jumanacajj aljatäpjjayätawa, jucha lurapjjatam laycu; jumanacan taycama Israelasti apanucutaraquïnwa, jumanacajj nayatac sayt'asipjjatam laycu.

Jeremías 3:11

Tatitusti saraquituwa: “Nayataqui sayt'asir Israelasti yakhampi sarnaker Judät sipansa juc'a juchaniquiwa.

Números 27:3

“Nanacan awquinacajjajj wasaranwa jiwjjapjje, ucampisa janiw jupajj Coré chachan tamapanquirïcänti, cawquïritejj Tatitu contra sartcäna uca. Jupasti pachpa juchapatwa jiwasqui, ucampisa janiraquiw yokall wawanaca jaytawayquiti.

Mateo 18:28

“Uca manut perdonayasir sirviristi, ucat sarcasinjja jicjjataraquïnwa yakha sirvir masiparu. Ucasti manuraquïtaynawa mä kawkha kollke. Cuncat catusinwa juparojj niya jiwayirjam saraqui: ‘¡Pagjjet manüquistas uca!’ sasa.

Mateo 6:12

Juchanacajjatjja pampachapjjeta, cunjämatejj nanacajj jan wali lurapquitus ucanacarojj perdonapjjta uqhama.

Marcos 6:37

Jesusasti jupanacarojj sänwa: —Jumanacay mank'añjj churapjjamjja —sasa. Discipulonacapasti ucjjarojj sapjjänwa: —¿Nanacati pä patac denario kollkempi t'ant'a alanipjjerista mank'ayañataquejja? —sasa.

Lucas 11:4

Juchanacajjatjja perdonapjjeta, cunjämatejj nanacajj jan wali lurapquitus ucanacarojj perdonapjjta uqhama. Jan yant'äwir puriyapjjestati, [jan ucasti ñankhata khespiyapjjeta]” —sasa.

Lucas 12:48

Ucampis jan yatir uywatatejj jan walinac lurchi ucajja, juc'a mutuyäwic catokani. Qhitirutejj walja churatäqui ucatjj waljaraquiw mayitäni; qhitirutejj walja catuyatäquejja ucasti juc'ampiraquiw mayitäni.

Lucas 13:4

¿Jan ucajj jumanacajj amuyapjjtacha, qhaya tunca quimsakallkonejj Siloé torremp tincjjatata jiwarapcän ucanacajj Jerusalenan mayni jaquirinacat sipans juc'amp juchanïpjjatapa?

Lucas 7:40

Ucatwa Jesusajj fariseo jakerojj saraqui: —Simón, may sañajjaw utjitu —sasa. —Fariseo jakesti saraquïnwa: —Sascaquita, Yatichiri —sasa.

Lucas 7:47

Ucatwa sismajja, walja juchanacapat perdonatäsinwa, walja munasiñapajj uñacht'ayasejja. Ucampis qhititejj juc'aqui perdonatäqui ucajj juc'a munasiñaniquiraquiwa.

Romanos 3:23

ucatsti takeni jucha lurapjjatap laycusti Diosampejj janiw catokatäpquiti.

Romanos 5:20

Leyisti churatänwa juchajj juc'amp uñstañapataqui, ucampis cunapachatejj juchajj juc'ampi utjänjja juc'ampiraquiw Diosan qhuyapayasiñapajj utjaraquïna.