Levítico 22:9 - Qullan Arunaca

“Jupanacarusti saraquim nayan arunacajjaru phokhasa sarnakapjjpan, janiraqui t'akhesiñaru puripjjpati nayan arunacajja jan phokhasa, uqhamatwa jan jiwarapcaraquiniti. Naya Tatituw jupanacarojj nayataqui yakhachasiracta.

Aymar Bibliia 1986

“Jupanacarusti saraquim nayan arunacajjaru phokhasa sarnakapjjpan, janiraqui t'akhesiñaru puripjjpati nayan arunacajja jan phokhasa, uqhamatwa jan jiwarapcaraquiniti. Naya Tatituw jupanacarojj nayataqui yakhachasiracta.

Qullan Arunaka DC

“Jupanakarusti nayan kamachinakaxar phuqhas sarnaqapxpan sarakim, janitix uka kamachinakar phuqhapkani ukasti, jiwarapxaniwa. Naya Tatituw jupanakarux nayatak yaqhachasta.

Levítico 22:9 Jak'a apnaqawi uñst'ayäwi

Éxodo 28:43

Uca calzoncillo ucht'ataw Aaronampi, wawanacapampejj Tatitumpi Jiquisiñ Carpan tantachasiñ chekarojj mantapjjañapa, uqhamarac kollana chekaru mantasinsa sacerdotjama lurañanacap phokheri, altar jac'anccani ucqhasa, uqhamat jan jucha lurasa jiwapjjañapataqui. Aca leyisti wiñayataqui churatawa juparu, uqhamarac wawanacapan wawanacaparusa.

Levítico 16:13

uca inciensti Tatitun nayrakatapancqui uca ninjjaruw jach'jjataraquini, ucat uca incienso jiwk'esti cuna tapatejj arca khopjjatatäqui juchat pampachatäñataqui ucaruw chhaktayaraquini, cawquïritejj amtäwi arcäqui ucaru. Uqhamatwa Aaronajj jan jiwcaraquiniti.

Levítico 16:2

Ucat Tatitojj Moisesarojj aqham saraquïnwa: “Aarón jilamarojj saraquim, jan cuna horasasa mantacpati cawquïri kollan chekantejj velo khepäjjan utjqui uca chekarojja, uqhamaraqui cawquïri tapatejj arca khophitäqui juchat pampachatäñataqui uca nayrakatarusa, jan jiwarapjjañapataqui; nayasti mä kenayanwa uñstaraquï uca juchat pampachatäñäqui uca tapa patjjana.

Levítico 18:30

Uca laycu, nayan arunacajja phokhasa sarnakapjjam, janiraqui cuna k'añu luräwinaca lurasatejj jumanacat nayräjja jaquiri jakenacajj sarnakapjjäna ucanacarojj puripjjamti, janiraqui ucanacampisa k'añuchasipjjamti. Nayätwa jumanacan Tatitu Diosamajja” sasa.

Levítico 22:16

janiraquiw jakenacajj uca kollana mank'anaca mank'antapjjatapa laycusa taquisiyapjjañapäquiti. Naya Tatituw ucanacjja nayataqui yakhachasta.”

Números 18:22

Mayni israelitanacajj janiw Jiquisiñ Carparojj jac'achasipcaniti, uqham lurasajj mä juchwa lurapjjaspa ucatsti jiwañaraquiw jupanacarojj jutaspa.

Números 18:32

Cunapachatejj nayatac sumäqui uca yakhachjjapjjäta ucqhajj mank'asjjapjjätawa jilt'anacatjja jan jucha lurasa, uqhamatwa Israelitanacan k'oma ofrendapjja jan k'añuchapcätati, ucatsti janiraquiw jiwapcätati.’ ”

Mateo 23:17

¡Jan amuyun juyqhunaca! ¿Cunas juc'amp wali waquisirejja, koriti, jan ucajj uca koriru kollana tucuyquisa uca templocha?

Deuteronomio 11:1

“Jumanacasti Tatitu Diosamarojj munapjjam, ucatsti ewjjanacapjja phokhapjjaraquim, leyinacapa, arsutanacapa camachi arunacapsa.