Levítico 22:9 - Qullan Arunaka DC

⁹ “Jupanakarusti nayan kamachinakaxar phuqhas sarnaqapxpan sarakim, janitix uka kamachinakar phuqhapkani ukasti, jiwarapxaniwa. Naya Tatituw jupanakarux nayatak yaqhachasta.

Aymar Bibliia 1986

⁹ “Jupanacarusti saraquim nayan arunacajjaru phokhasa sarnakapjjpan, janiraqui t'akhesiñaru puripjjpati nayan arunacajja jan phokhasa, uqhamatwa jan jiwarapcaraquiniti. Naya Tatituw jupanacarojj nayataqui yakhachasiracta.

Qullan Arunaca

⁹ “Jupanacarusti saraquim nayan arunacajjaru phokhasa sarnakapjjpan, janiraqui t'akhesiñaru puripjjpati nayan arunacajja jan phokhasa, uqhamatwa jan jiwarapcaraquiniti. Naya Tatituw jupanacarojj nayataqui yakhachasiracta.

Levítico 22:9 Jak'a apnaqawi uñst'ayäwi

Éxodo 28:43

Uka calzoncillo ucht'ataw Aaronampi, wawanakapampix Tatitump Jikisiñ Carpar mantapxani, jan ukax qullan chiqawjan sacerdote lurañanakap phuqhir altarar jak'achasipkani ukapachasa, ukhamat kuna juchsa jan lurapkaniti, janirakiw jiwapkanisa. Aka kamachix wiñayatak utt'ayatawa, Aaronampitaki, wawanakapan wawanakapampitaki.

Levítico 16:13

uka inciensompisti, Tatit nayraqatan uka ninxaruw jach'xatani, uka incienson jiwq'ipasti Tatitumpi amtäwi arcapar qhupxatatäki ukaruw chhaqtayani. Ukhamat Aaronax jan jiwkaniti.

Levítico 16:2

Ukat Tatitux Moisesar säna: Aarón jilamarux akham sas yatiyam, jan kuna pachas mantkpati kawkïr qullan chiqatix velo qhipäxan utjki uka chiqaruxa, janirak arcar qhupxatatäki uka nayraqatarus mantkpati, ukhamat jan jiwañapataki; nayasti mä qinay taypin uka juchat pampachayasiñäki uka qhuphiñ patxan uñstarakï.

Levítico 18:30

Ukhamasti, nayan kamachi arunakax phuqhas sarnaqapxam, kuna q'añu luräwinak lurasatix jumanakat nayräxa jakir jaqinakax sarnaqapkäna uka luräwinakarux jan puripxamti, janirak ukanakampis q'añuchjasipxamti. Nayätwa jumanakan Tatit Diosamaxa” sasa.

Levítico 22:16

khititix uka qullan manq'anakat manq'kani ukasti juchanchatäniwa. Naya Tatituw ukanak yaqhachasta.”

Números 18:22

Mayni israelitanakax janiw Tatitump Jikisiñ Carpar jak'achasipxañapäkiti, ukham lurasax jucha lurapxaspa, ukatsti jiwataw uñjasipxaspa.

Números 18:32

Nayatak sumäki uk yaqhachxasinsti, jan kuna jucha lurasaw jilt'anakat manq'asax janiw juchañchatäpkaniti; ukhamat israelitanakan q'uma waxt'anakap jan q'añuchaskañataki, janirakiw jiwayatäñatak juchañchatäpkaniti” sasa.

Mateo 23:17

¡Jan amuyun juykhunaka! ¿Kunas juk'amp wali wakisirixa: quriti, jan ukax uka qurir qullan tukuyir Tatitun utapacha?

Deuteronomio 11:1

Moisesasti saskakïnwa: “Jumanakax Tatit Diosamar munasipxam, ukatsti iwxanakapa, kamachinakapa, arsutanakapsa phuqhapxarakim.