Levítico 22:8 - Qullan Arunaka DC

⁸ Jupa pachpa jiwata mä uywan aychapsa, jan ukax monte animalan jiwayat uywan aychapsa janipuniw manq'kaniti, ukhamat jan q'añuchasiskañapataki. Nayätwa Tatituxa.

Aymar Bibliia 1986

⁸ Mä jupa pachpa jiwayata uywan aychapsa, uqhamarac monte animalanacan jiwayata uywan aychapsa janipuniw mank'caniti, uqhamat ucanacampi jan k'añuchasiscañapataqui. Nayätwa Tatitojja.

Qullan Arunaca

⁸ Mä jupa pachpa jiwayata uywan aychapsa, uqhamarac monte animalanacan jiwayata uywan aychapsa janipuniw mank'caniti, uqhamat ucanacampi jan k'añuchasiscañapataqui. Nayätwa Tatitojja.

Levítico 22:8 Jak'a apnaqawi uñst'ayäwi

Éxodo 22:30

30 (29) uka kipkarak vacanakamana, ovejanakaman nayrïr qallupsa. Uka uywanakaman qallunakapasti wawachatatxa paqallqu uruw taykapampïni, kimsaqallqür urusti nayaruw churxitäta.

Éxodo 22:31

31 (30) “Jumanakax nayatak yaqhachat markäpxañamawa. “Pampa animalanakan jisk'a jisk'a tukjat uywan aychapxa janiw manq'apxätati; uka aychxa anunakaruw liwxaruyapxäta.

Ezequiel 4:14

Nayasti ukxarux saraktwa: “Tatay, nayax janipuniw kunapachas kuna q'añunaksa llamkt'irïkti; janipuniw nayax jupapach jiwat uywanakan aychapsa manq'irïkti, janirakiw monte animalanakan jiwayat aychapsa, jan manq'añ animalanakan aychapsa manq'irïkti” sasa.

Ezequiel 44:31

Sacerdotenakasti janipuniw jupapacha jiwat jamach'inaksa, uywanaksa manq'apkaniti, kawkïr uywanakatix monte animalanakan jiwayat uñjasipki ukanakan aychapsa janirakiw manq'apkaniti.

Levítico 17:15

“Mä israelitatixa, jan ukax yaqha markat jutir jaqisa mä jiwat uywan aychapa jan ukax mä monte animalan jiwayat uywan aychapsa manq'kani ukax, isip t'axsuqasxañapawa, jupa kipkas umampi jariqasxañapawa, ukatsti jayp'thapiñapkamaw q'añut uñt'atäni. Ukat jupax q'umachatäxarakini.

Levítico 7:24

Jiwata uywanakan lik'ipampi, ch'uminkir animalanakan jiwayat uywan lik'ipampis kunsa lurasipkaspawa, ukampisa janipuniw manq'apxañapäkiti.

Deuteronomio 14:21

“Janiw jumanakax jupapach jiwat animalanakan aychap manq'apxätati, jumanakax Diosatak yaqhachat markäpxtawa; ukampis ukanakxa yaqha markat jutiri, jumanak taypin jakir jaqirux churasipkasmawa; jupax manq'askaspawa; jan ukax markam chiqa sarakipir jaya jaqiruw uk aljasipkarakisma. “Janiw cabritonakan aychapxa taykapan lechepar phayapxätati.