Uca arumasti Diosajj Israelarojj mä visionan uñstäna, Jacob sutipat jawsasa. Ucat Jacobojj saraquïna: —Acancasctwa, Tata —sasa.
Jueces 7:2 - Qullan Arunaca Diosasti Gedeonarojj saraquïnwa: “Jumampïpqui uca jakenacajja sinti waljanïpjjewa. Nayatejj israelitanacar yanapasa atipjayäjja madianitanacaru ucajja alabasipjjaspawa jupanacaquis ch'amanacapampi khespiyasipcaspa uqhama. Aymar Bibliia 1986 Diosasti Gedeonarojj saraquïnwa: “Jumampïpqui uca jakenacajja sinti waljanïpjjewa. Nayatejj israelitanacar yanapasa atipjayäjja madianitanacaru ucajja alabasipjjaspawa jupanacaquis ch'amanacapampi khespiyasipcaspa uqhama. Qullan Arunaka DC Tatitusti Gedeonarux sänwa: “Jumamp chikäpki uka jaqinakax sinti waljaniwa, nayatix israelitanakar yanapasa madianitanakar atipjayäxa, naya nayraqatan jach'achasipxani, ukatsti jupanakas atipjapkaspa ukham amuyasipxani. |
Uca arumasti Diosajj Israelarojj mä visionan uñstäna, Jacob sutipat jawsasa. Ucat Jacobojj saraquïna: —Acancasctwa, Tata —sasa.
Asasti Tatit Diosaparuwa art'asïna, aqham sasa: “Tata, jumataquejj pachpaquiwa ch'amanirusa, jan ch'amanirusa yanapt'añajja. Ucampisa ¡yanapt'apjjetaya, nanacan Tatit Diosajja, nanacasti jumaruwa iyawsapjjsma, juman sutimaruraquiw aca ejercitompi nuwasiñataquejj jutapjjaracta! Tata, jumaw nanacan Diosajjätajja. ¡Jumasti uacht'ayasimaya jan qhitis jumataqui sayt'asiñapjja! ” sasa.
Asirianquir reyisti saraquiwa: “Nayaw take ucanacjja ch'amajjampi lurjta, nayajj wali ch'iqhïtwa sumrac amtaractjja, nayaw marcanacan korpanacapsa mayjt'aytjja, kamir cancañanacapsa catuntasiractjja, ucatsti wali ch'amani chachjamaw reyinacarojj tincjaytjja.
Jach'a jach'a tucur jakenacasti alt'atäpjjaniwa, jach'a ch'aman tucur jakenacasti alt'ayataw uñjasipjjani. Uca urusti Tatituquiraquiw jach'a cancañap uñacht'ayani.
Jach'a jach'a tucur jakenacajja, k'ala alt'ayatäpjjapuniniwa. Uca urusti Tatituquiraquiw jach'a cancañap uñacht'ayani,
Tatitusti siwa: “Yatiñan jakejj jani jach'a jach'a tucpati yatiñapampejja, munañanisa, janiraqui munañanïtap laycojja, ni kamiris jach'a jach'a tucpati yänacap laycojja.
Sumätam laycusti wali jach'a jach'aw tuctajja, c'ajquir cancañamasti, yatiñ cancañamjja t'unjaraquiwa, nayasti orakeruw liwinucuracsma, mä p'enka liwinucuracsma take reyinac nayrakatana.
“Jumasti, chacha, jichhajj Tiro marcan reyiparu saraquim: ‘Aqham siw Tatitojja: Chuymamajj jach'a jach'a tucuñampi phokhantatawa, mä diosäcasmas uqhamwa amuyasiractajja, diosanacan konuñapana kont'asiractajja, jach'a kotampi muyuntata. Ucampisa janiw diosäctati, jakequïtawa, mä diosan yatiñapat yatiñanïcasmas uqhamwa amuyasiractajja.
ucapachaw jupajj säna: “Uñjapjjam, cunja jach'as Babilonia marcajja. Nayaw jach'a munañajjampi reinojjan jach'a marcapäñapataqui uqham lurayta, uqhamat nayan jach'a cancañajjat yatipjjañapataqui” sasa.
Ucatwa chawlla caturejj känanacaparu, ansuelonacaparu yupaychejja, sacrificio loktäwinac churasa, uqhamarac inciensonacampi k'apichasa suma mank'a walja utjayatapata.
“Ucampisa nayrakatjja naya Tatitojja, khespiyäwa Judá familianacaru, Davidan familiapat jutirinacan jach'añchäwipajj jan jiltañapataqui, Jerusalenan jaquirinacasti Judá familiat jutirinacjjancañapataqui.
Jupasti sascaquiwa: “Acasti Tatitun yatiyäwipawa Zorobabelataqui. ‘Janiw ejercitompisa ni ch'amampisa, jan ucasti ajayojjampiquiwa siwa take ch'amani Tatitojja.
Ucampis janiw amuyasiñamäquiti uca kokan layminacapatjja juc'amp sumäcasmas uqhamjja. Amuyt'asimaya, janiw jumajj saphitpacha uca kokarojj catjjäsctati, jan ucasti uca kokan saphipaw jumarojj catjjästamjja.
Uqhamasti, ¿cawquinquisa jach'a jach'a tucutasajja? Tucusjjewa. ¿Cunatsa? Janiwa uca leyirjam saratas laycuti, jan ucasti iyawsatas laycuwa.
Diosan aca jach'a churäwipasti janchinacasanjja mä ñek'e phuqhun imatjamawa, uqhamata jach'a ch'amajj Diosat jutatapa yatisiñapataqui, jan jiwasatjja.
Ucampis janiw enemigon phiscasitanacap inaqui uñjañ puedcäyätti, janiraquiw uñisirinacajjan jach'a jach'a tucuñapsa muncäyätti, ni aqham sañanacapsa: Janiw Diosati acanac lurqui; jan ucasti jiwasaw ch'amasampi lurtan’ sasa.
“Janiraqui ucatjja chuymanacaman amuyapjjaraquimti: ‘Aca take yänacjja jiwasan ch'amanacasampiw jicjjatasisctan’ sasa.
Jan ucasti Tatitu Diosamat amtasipjjam, juparaquiw uca yänac jicjjatañataquejj ch'am churapjjtam, uqhamatwa jumanacampi phokhasi cawquïri arust'äwirutï awquinacamampi mantawaycäna ucanacajja.
Ucampis Diosajj qhuyapayasiñapampiw yanapistu, Kellkatasti saraquiwa: “Diosajj jach'a jach'a tucuri jakenacarojj janiw yanapquiti, ucampis munasiñapanjja llamp'u chuymaninacaruw yanapi” sasa.
Jonatanasti yanapiriparojj sänwa: —Jina, mäpit qhurcataru maqhatañäni, cawqhancquitejj uca jan Diosar uñt'ir jakenacajj ucacama. Inampis Tatitojj mä cunsa jiwasataqui lurascaspa, jupataquisti janiw cuna ch'amäquisa jiwasar atipjaña churañajja, walja jakempisa jan ucajj juc'a jakempisa —sasa.