Diosataquisti aca orakejj ñankha lurañampi cunayman casta jan wali lurañanacampi phokhantatänwa,
Jueces 2:19 - Qullan Arunaca Cunapachatejj uca jilïrejj jiwjjäna ucqhajja, jupanacajj pachpa jan wali lurañanacaruraquiquiw cutt'apjjäna, uqhamata nayra awquinacapat sipansa juc'ampi jan walinaca tucusina yakha diosanacaru sirvisina, yupaychasina. Jupanacasti janiwa apanucuña munapcänti jan wali lurañanacapa, uqhamarac jan wali sarnakañanacapsa. Aymar Bibliia 1986 Cunapachatejj uca jilïrejj jiwjjäna ucqhajja, jupanacajj pachpa jan wali lurañanacaruraquiquiw cutt'apjjäna, uqhamata nayra awquinacapat sipansa juc'ampi jan walinaca tucusina yakha diosanacaru sirvisina, yupaychasina. Jupanacasti janiwa apanucuña munapcänti jan wali lurañanacapa, uqhamarac jan wali sarnakañanacapsa. Qullan Arunaka DC Kunapachatix uka jilïrix jiwxän ukkhasti, jupanakax wasitat uka jan wali lurañanakaru kutt'apxäna, nayra awkinakapat sipansa juk'ampi jan waliw tukupxäna, yaqha diosanakar luqtasa, yupaychasaraki. Janiw jupanakax jan wali luräwinakapsa, sarnaqäwinakapsa apanukupkänti. |
Diosataquisti aca orakejj ñankha lurañampi cunayman casta jan wali lurañanacampi phokhantatänwa,
“Ucampisa jupanacajja mä juc'a samaraña jicjjatasinjja, wastatampiwa cutt'apjjäna juman nayrakatamana jan walinaca lurañataqui; ucatwa uñisirinacapan amparanacapar catuytajja jupanacar apnakapjjañapataqui. Ucatjja wastatampiwa yanapa mayipjjäyätam, ucampis jumajj jach'a qhuyapayasiñam laycojja alajjpachatpachwa ist'äyätajja, jupanacaru walja cuti khespiyasina.
nayra pachan jaquir awquinacapjam jan sarnakapjjañapataqui, kallasir t'ajjmar jan jakëpjjañapataqui, pächasir chuyman jan jakëpjjañapataqui, Diosat saraktir jan jakëpjjañapataquiraqui.
Ucatsti Tatitojj Moisesarojj sänwa: —Sarakawayam ucatsti uñjanim, Egiptota irpsuncta uca jakenacamajj jan walt'añaruw puripjje.
Jumanacasti uca nayra awquinacamat sipansa juc'ampi jan walïpjjtawa, sapa maynisa chuymanacapan jan wali amtatanacaparuquiwa arcjjapjje, janiraquiw nayarojj ist'apquituti.
Arunacajjaru jisc'achirinacarusti sapjjaraquiwa: ‘Take cunas waliquïscaniwa’ sasa. Qhitinacatejj chuymanacapan jan wali amtatanacaparuqui arcapjje ucanacarusti sapjjaraquiwa: ‘Janiw cuna jan walis jutcätamti’ ” sasa.
Ucapachaw Jerusalenajj Tatitun tronopa satänejja; take marcanacaw ucaru tantacht'asipjjani, ucatsti nayaruw jach'añchapjjaraquitani, janiraquiw chuymanacapan jan wali amtatanacaparojj arccjjapjjaniti.
“Israel marcarojj saraquim: ‘Aqham siw Tatitojj: ¿Cunataraqui jumanacasti nayra awquinacamjamaraqui k'añuchasiñ munapjjta? ¿Cunataraqui nayarusti jan take chuymampi arcasa uca ajjtascañ yakha diosanacaru yupaychapjjtasti?
Nayasti yattwa cunapachatï jiwjjä ucqhajja, jan walt'añanacanwa sarnakapjjani, ucatsti cawquïri ewjjanacajjarutejj arcapjjäta siscta ucatsa sarakapjjaniwa, uqhamaraquiw yatiracta khepa urunacana jumanacjjaru chijinaca jutañapsa, cunatejj Tatituru colerayqui ucanac lurapjjatam laycu.”
Israel marcasti Diosarojj sirvïnwa cunapachatï Josué chachajj jacascäna ucqhacama, uqhamaraqui cunapachcamatï Israelan jilïri jakenacapajj jacapcäna ucqhacama, cawquïrinacatï yatipcäna take cuntï Diosajj Israel marcataqui lurcäna ucanaca.
Uqhama khespiyatäcasinsa jumanacajj nayatjja armasisipcaquistawa yakha c'ari diosanacaru yupaychaña laycu. Uca laycusti nayajj janiw mayampis khespiyapquirismati.
Diosasti sapa cuti mä jilïri sayt'aycäna ucarusti yanaparaquïnwa, aca jilïristi jacäwipanjja khespiyänwa israelitanacarojja uñisirinacapan t'akhesiyatäñatjja. Diosasti jupanacatjja qhuyapt'ayasïnwa t'akhesisa sarnakapjjatanacap uñjasa, uqhamarac arnakasipjjatanacap ist'asinjja.
Diosasti, Israel marca contra colerasisasti sänwa: “Aca jakenacasti, nayra awquinacapampi suma amtäwiru mantapcta uca arunacwa t'unjapjje, janiwa istañsa munapquiti.
Josué jacquipansti, israelitanacajj take chuymanacapampiw Diosarojj arcapjjäna, uqhamarac Josué chachan khepat jilïr ancianonacajj jacapcäna ucqhasa, jupanacasti uñjapjjänwa Diosajj cunjäm jach'a milagronactejj Israel marcatac lurqui ucanjja.
Aod sat chacha jiwjjatapatsti, israelitanacajj wastatampiw Diosataquejj cunanacatejj jan walïqui uca jan wali lurañanacarojj puripjjaraquiquïna.
Gedeón jiwjjatatsti israelitanacajj Diosat armt'asiwayasinsti cunayman Baal sat diosanacaru yupaychiriw cutt'awayjjapjjäna, ucampis jupanacajj diosapataquejj ajllirïpjjänwa Baal-berit sataru.
Jupa contra sayt'asirejja, qhititejj laykasiñanac lurqui ucampi sasiwa; yakha diosanacar yupaychirimpi sasiwa qhititejj jupar jan ist'qui ucajja. Cunjämatejj jumajj arunacapar apanuctajja, jichhajj uqham luratam laycuw jupajj reyitjja apanucjjtam.”