Jueces 10:13 - Qullan Arunaca

¹³ Uqhama khespiyatäcasinsa jumanacajj nayatjja armasisipcaquistawa yakha c'ari diosanacaru yupaychaña laycu. Uca laycusti nayajj janiw mayampis khespiyapquirismati.

Aymar Bibliia 1986

¹³ Uqhama khespiyatäcasinsa jumanacajj nayatjja armasisipcaquistawa yakha c'ari diosanacaru yupaychaña laycu. Uca laycusti nayajj janiw mayampis khespiyapquirismati.

Qullan Arunaka DC

¹³ Ukhamïpansa, jumanakax yaqha diosanakar yupaychañ laykux, nayat armasipxistawa, ukhamasti jichhax janiw wasitat qhispiyapkämati.

Jueces 10:13 Jak'a apnaqawi uñst'ayäwi

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

2 Crónicas 12:5

Ucatsti Semaías profetajj saränwa Roboam, uqhamarac Judá oraken jilïrinacapan nayrakataparu, jupanacasti Jerusalenanwa tantachasipjjäna Sisac reyin jupanac contra jutatapata, ucatsti jupajj sänwa: —Tatitojj siwa: ‘Jumanacaw nayarojj apanucupjjestajja, ucatwa nayajj Sisac reyin amparaparojj apanucupjjaracsma’ —sasa.

2 Crónicas 15:2

jupasti Asa reyiru jicjjatiriw saräna, aqham sasa: “¡Jumajj Asa ist'ita, uqhamarac Judá, Benjamín ucanacanquiri jakenaca! Tatitusti jumanacampïsquiwa, jumanacatejj jupampïpjjäta ucajja. Jumanacatejj jupar thakapjjät ucajja, jicjjatapjjätawa, ucampis jumanacatejj jupar apanucupjjätajja, jupajj jumanacarojj apanucupjjaraquïtamwa.

2 Crónicas 21:10

Ucampis Edom marcajj Judá marcan apnakatäñatjja yakhachasjjewa jichhürcama. Qhä pachanacanjja uqhamaraquiw Libna marcajj yakha tucjjaraquïna, Joram reyejj nayra awquinacapan Diosapar apanucutap laycu.

Jeremías 2:13

“Marcajjajj pä jach'a juchanac luri: Naya suma jacañ umarusti, apanucuwayapjjetuwa, ucatsti jupanacajj pachpa phuch'unacapwa allisipjjaraqui, uca phuch'unacaparusti janiw umajj sayt'caraquiti.

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Jonás 2:8

Yakha diosanacar arquir jakenacasti janiw jumatacjamäcjjapjjeti.

Deuteronomio 32:15

“Ucampis Jesurún ucasti liq'intänwa, mat'akt'araquïnwa, (wali liq'intasinsti lliphipiscaquïnwa), lurasir Diosaparusti apanucuraquïnwa, arjjatiri khespiyiriparusti, jisc'acharaquïnwa.

Jueces 10:14

Jichhasti, ¡sarapjjam, ucat mayipjjaraquim yanapa cawquïr diosanacarutejj ajllisipcta ucanacaru! ¡Jupanacasti jumanacarojj khespiypan cunapachatejj wali llaquita, jan walt'añana jicjjatasipcta ucqhajja!” sasa.

Jueces 2:12

Israelitanacasti Diosatjja armasjjapjjänwa. Cawquïr nayra awquinacapan Diosapatejj Egipto marcat jupanacaru irpsuncäna ucarojja. Jupanacasti uca jac'an jaquir jakenacan diosanacaparu yupaychañaruw catuyasipjjäna, uqhama jan walinaca lurasinwa Diosarojj colerayapjjäna.

Jueces 2:19

Cunapachatejj uca jilïrejj jiwjjäna ucqhajja, jupanacajj pachpa jan wali lurañanacaruraquiquiw cutt'apjjäna, uqhamata nayra awquinacapat sipansa juc'ampi jan walinaca tucusina yakha diosanacaru sirvisina, yupaychasina. Jupanacasti janiwa apanucuña munapcänti jan wali lurañanacapa, uqhamarac jan wali sarnakañanacapsa.