Juan 8:2 - Qullan Arunaca

Khepürusti wali albat temploru cutt'anïna. Puripansti take jakenacaw jupar jac'achasipjjäna, Jesusasti kont'asisinwa yatichañ kalltäna.

Aymar Bibliia 1986

Khepürusti wali albat temploru cutt'anïna. Puripansti take jakenacaw jupar jac'achasipjjäna, Jesusasti kont'asisinwa yatichañ kalltäna.

Qullan Arunaka DC

Qhipür willjtasti, Jesusax Tatitun utaparuw kutt'anïna. Jaqinakax juparuw jak'achasipxäna, Jesusasti qunt'asisin yatichañ qalltäna.

Juan 8:2 Jak'a apnaqawi uñst'ayäwi

Eclesiastés 9:10

Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Jeremías 25:3

“Cunapachatejj Amón jaken yokapa Josiasajj Judá orake tunca quimsani mara apnakascäna ucat jichhacamajja, niya pä tunca quimsani maranacaw pasjje, Tatitusti nayaruw parlitäna, nayasti jumanacarojj mayampi mayampwa parlapjjaracsma, ucampisa jumanacajj janiw nayarojj ist'apquistati.

Jeremías 32:33

Nayataquejj maysaruw uñtapjjänjja, janiw uñcatañsa munapcaraquitänti. Nayasti jupanacarojj yatichascapuniraquïyätwa, ucampis janiw nayan yatichäwinacajj-jja ist'añ munapcänti.

Jeremías 44:4

Nayasti mayampi mayampwa nayar sirviri profetanacjja qhitanipjjäyäsma jumanacaru jan uca ajjtaña luräwinaca lurapjjañanacamata jarct'añapataqui, nayasti uca luräwinacampejj ajjtastwa.

Mateo 26:55

Jesusasti jakenacarojj saraquïnwa: —¿Jumanacajj espadanacampi, lawanacampiti nayar catuntirejj jutapjjtajja, nayajj wali jach'a lunthatäquirist uqhama? Take urunacawa nayajj jumanacampi kont'atäsquirïta templo mankhana yatichasa, janiw cunapachas preso catuntapquistati.

Lucas 21:37

Jesusajj sapa uruw templon yatichirïna, arumasti Olivos sat kolluruw sarjjerïna ucan khantatiñataqui.

Lucas 21:38

Take jakeraquiwa templorojj sapa alwa purinirïna Jesusar ist'añataqui.

Lucas 4:20

Uqham leet'asinsti, libro apthapisinjja sinagogan yanapiriparuw churjje, ucat kont'asjje. Take uca sinagoganquirinacasti juparojj uñch'uquisipcaquïnwa.

Lucas 5:3

Ucatwa Jesusajj mä boteru mantäna, uca botesti Simonancänwa. Botencjjasinjj mä juc'amp wañat mankhar jithintayañapataquiw mayïna. Kont'asisinsti uca botjjat jakenacarojj yatichäna.

Juan 4:34

Jesusasti jupanacarojj saraquïnwa: —Nayan mank'ajjajj qhititejj qhitanquitu ucan munañapa, uqhamarac lurañapa phokhañajjawa.

Juan 8:20

Jesusajj acanac arsünwa templon yatichcasina, ofrenda cajanacajj uscutäcäna ucawjana. Ucampis janiw qhitis preso catuntañ ch'amanïpcänti horasapajj janïra purinitap laycu.

Juan 8:3

Uqhamäquïpansti ley yatichirinacampi fariseonacampejj irpanipjjänwa mä warmiru, wachoka juch lurasquir catjasina. Uca warmirusti jupanaca taypiruw sayt'ayapjjaraquïna.

Hechos 5:21

Uc ist'asinsti khepürojja, albatwa templorojj mantapjje, ucatsti yatichañ kalltapjjaraquïna. Ucchañcamasti, sacerdotenacan jilïripampi, uqhamarac qhitinacatejj jupampïpcäna ucanacampejja, jawsthapiyiwa Israelan takpach jilïrinacaru. Uca tantachasïwiruraquiw apostolonacarojj carcelat jawsayanipjji.