Juan 3:8 - Qullan Arunaca

Thayajj cawcsats thayt'aniquiwa, thayt'atapsti ist'aractawa, ucampis janiw yatctati ni cawcsat jutatapa ni cawcsar saratapsa. Uqhamaraquiwa Ajayut nacitanacajja.

Aymar Bibliia 1986

Thayajj cawcsats thayt'aniquiwa, thayt'atapsti ist'aractawa, ucampis janiw yatctati ni cawcsat jutatapa ni cawcsar saratapsa. Uqhamaraquiwa Ajayut nacitanacajja.

Qullan Arunaka DC

Thayax kawksatsa thayt'anikiwa, thayt'atapsa ist'askam, ukampis janiw yatktati kawksat jutatapsa, kawksar saratapsa. Ukhamarakiw Ajayut yuritanakaxa —sasa.

Juan 3:8 Jak'a apnaqawi uñst'ayäwi

Salmos 107:25

Tatitun arsutaparjamaw jach'a thayajj sartäna, thayasti jach'a mathapinac sartayäna:

Salmos 107:29

Jach'a thayarojj llamp'u thayaruquiw tucuyäna, lamar kota mathapinacasti llamp'uchataw uñjasïna.

Salmos 135:7

Orak tucusitpach kenayanac sartayi, khejjokhejjonacampiw jallu purjjatayi; utjäwinacapat thayanacarojj antutnucu.

Eclesiastés 1:6

Thayajj aynach tokeruw thayt'ani, ucatsti amsta tokeruw muyjtaraqui. ¡Thayajj muytas muytasaw sari! ¡Thayajj muytaniwa, ucatsti wastata muyjtascaquiwa!

Ezequiel 37:9

Ucatsti Tatitojj saraquituwa: “Nayan sutejjaru jacañ samanaru parlam; aqham saraquim: ‘Aqham siw Tatitojja: Jutam, jacañ samana, pusi toketpach sarthapinipjjam, aca jiwatanacaru jacañ churaraquim’ ” sasa.

Juan 1:13

Ucanacasti janiw janchit nacit wawanacjamäquiti, ni jaken munañapat nacit wawanacjamäquisa, jan ucasti Diosat nacit wawanacäpjjewa.

Juan 3:7

Jan muspharamti cuntejj siscsma ucatjja: ‘Takeniw wasitat naciñapa.’

Juan 3:9

Nicodemojj wasitat jisct'äna: —¿Cunjämäspas acajja? —sasa.

Hechos 2:2

Ucatsti acatjamatwa alajjpachat ist'asïna mä jach'a thayan thayt'atapjama. Uca thayasti uca utpacharuraquiw phokhantäna, cawquintejj jupanacajj kont'atäpcäna ucaru.

Hechos 4:31

Oración lurañ tucuyatatsti, cawqhantejj oración lurapcäna ucawjajj qhathatïnwa. Ucatsti takeniw Kollan Ajayumpi phokt'atäpjjäna, Diosan arupsti jan ajjsarasaraquiw parlapjjäna.

1 Corintios 12:11

Ucampis take acanacjja mä sapa Ajayuquiw luri, jupasti cunjämarutejj munqui uqhamaruw sapa maynirus laquinoke.

1 Corintios 2:11

Jakenac taypitsti ¿qhitirac yatispa jaken amtatanacapsti? Cawquïritejj chuymapancqui uca ajayuquiw yatejja. Uqhamaraquipï Diosan amtatanacapjja pachpa Diosan Ajayupaquiraquipï yatejja.

1 Juan 2:29

Jumanacajj yatjjapjjtawa Tatit Jesucristojj chekapätapa, yatipjjañamaraquiwa take qhitinacatejj chekapa lurapquejja, ucanacajj Diosan wawanacapawa.