Eclesiastés 1:6 - Qullan Arunaca

⁶ Thayajj aynach tokeruw thayt'ani, ucatsti amsta tokeruw muyjtaraqui. ¡Thayajj muytas muytasaw sari! ¡Thayajj muytaniwa, ucatsti wastata muyjtascaquiwa!

Aymar Bibliia 1986

⁶ Thayajj aynach tokeruw thayt'ani, ucatsti amsta tokeruw muyjtaraqui. ¡Thayajj muytas muytasaw sari! ¡Thayajj muytaniwa, ucatsti wastata muyjtascaquiwa!

Qullan Arunaka DC

⁶ Thayax aynach tuqiruw thayt'i, ukatsti amsta tuqiruw muyti. ¡Thayax muytas muytasaw sari! ¡Muytanisax pachpar muyjtaskakiwa!

Eclesiastés 1:6 Jak'a apnaqawi uñst'ayäwi

Job 37:17

Jumasti pachpa isima taypinwa junt'jata, samanama llupjjäsisctajja, cunapachatejj aynacha thayajj orakjja k'ala kalarayi ucapachajja.

Job 37:9

Aynach toketwa mä jach'a thayajj juti, amstatsti wali thayaw jutaraqui.

Salmos 107:25

Tatitun arsutaparjamaw jach'a thayajj sartäna, thayasti jach'a mathapinac sartayäna:

Salmos 107:29

Jach'a thayarojj llamp'u thayaruquiw tucuyäna, lamar kota mathapinacasti llamp'uchataw uñjasïna.

Eclesiastés 1:7

Take jawiranacaw jach'a lamar kotarcama sarapjje, ucampis lamar kotajj janipuniw phokharquiti; jawiranacasti kallta sartäwiparuwa cutt'ani, wastatampi uca pachpa jawiranac jalañataqui.

Eclesiastés 11:5

Cunjämatejj jumajj jan yatcta thayajj cawquirutejj sarqui ucjja, janirac cunjämasa wawajj taycapana puracapan jilqui ucsa, janiraquiw yatctati take cun lurir Diosan luratanacapatjja.

Jonás 1:4

Ucatsti, Tatitojj mä wali jach'a ch'aman thaya sartayäna, uca jach'a kotansti thayajja barcorojj k'ala t'unjirpachänwa.

Mateo 7:24

“Qhititejj ist'quitu ucat cuntejj siscta uc luraraquejja, ucajj mä suma amuyun jakempi sasiwa, utapsa mä karka pataru lurascaspa uqhama.

Mateo 7:27

Jallu purintatapatsti jawiranacaw wal sartani ucamp chicasti waliraquiw thayajj thayt'ani uca utarojja. Uca utasti tincuwayjjaraquiwa, ch'alla patar utacht'atätap laycu. ¡Uca utan tincutapasti wali llaccañawa!”

Juan 3:8

Thayajj cawcsats thayt'aniquiwa, thayt'atapsti ist'aractawa, ucampis janiw yatctati ni cawcsat jutatapa ni cawcsar saratapsa. Uqhamaraquiwa Ajayut nacitanacajja.