Juan 3:8 - Qullan Arunaka DC

⁸ Thayax kawksatsa thayt'anikiwa, thayt'atapsa ist'askam, ukampis janiw yatktati kawksat jutatapsa, kawksar saratapsa. Ukhamarakiw Ajayut yuritanakaxa —sasa.

Aymar Bibliia 1986

⁸ Thayajj cawcsats thayt'aniquiwa, thayt'atapsti ist'aractawa, ucampis janiw yatctati ni cawcsat jutatapa ni cawcsar saratapsa. Uqhamaraquiwa Ajayut nacitanacajja.

Qullan Arunaca

⁸ Thayajj cawcsats thayt'aniquiwa, thayt'atapsti ist'aractawa, ucampis janiw yatctati ni cawcsat jutatapa ni cawcsar saratapsa. Uqhamaraquiwa Ajayut nacitanacajja.

Juan 3:8 Jak'a apnaqawi uñst'ayäwi

Salmos 107:25

Tatitun arsutaparjamaw jach'a thayax sartäna, thayasti jach'a mathapinak sartayäna;

Salmos 107:29

jach'a thayarux llamp'u thayaruw tukuyäna, lamar quta mathapinakasti llamp'uchataw uñjasïna.

Salmos 135:7

Uraq tukusitpach qinayanak sartayi, lliju llijunakampiw jallun purxatañap yatiyi, imatäki ukkhatpach thayanakarux antutnuku.

Eclesiastés 1:6

Thayax aynach tuqiruw thayt'i, ukatsti amsta tuqiruw muyti. ¡Thayax muytas muytasaw sari! ¡Muytanisax pachpar muyjtaskakiwa!

Ezequiel 37:9

Ukatsti Tatitux sarakituwa: “Nayan sutixar jakañ samanar parlam, akham sasa: ‘Tatitux akham siwa: Jakañ samana, pusi tuqitpach sarthapinim, ukatsti aka jiwat ch'akhanakaru jakañ churam’ ” sasa.

Juan 1:13

Jupanakasti janiw jaqin munañapat janchin yuritäpkiti, jan ukasti Diosan wawanakapäxiwa.

Juan 3:7

‘Wasitat yuriñaw wakisi’, sasa arsutaxat jan muspharamti.

Juan 3:9

Nicodemox wasitat jiskt'äna: —¿Kunjämarak ukasti lurasispasti? —sasa.

Hechos 2:2

Ukatsti akatjamat alaxpachat ist'asïna ch'aman thayasa purintankaspa ukhama. Uka thayasti kawkhantix jupanakax tantachatäpkän uka utaruw phuqhantäna.

Hechos 4:31

Tatitur mayisiñ tukuyasinsti, tantachasipkän ukawjax khathatïnwa; taqiniw Qullan Ajayumpi phuqt'at uñjasipxäna, ukatsti jan axsarasaw Diosan arup yatiyapxäna.

1 Corintios 12:11

Taqi akanaksti, mä pachpa Ajayukiw ch'amapampi luri, jupasti kunjämarutix munki ukhamaruw sapa maynir lakinuqi.

1 Corintios 2:11

¿Khitirak jaqin chuymapan utjki uk yatispasti? Kawkïr ajayutix chuymapankki ukakiw yatispa. Ukhamarakipï Diosan amtäwipxa, Diosan Ajayupakiw yatixa.

1 Juan 2:29

Jumanakatix Tatit Jesucriston chiqapar uñjirïtap yatipxstaxa, jumanakax yatipxañamarakiwa, kunatix askïki uk lurapki ukanakax Diosan wawanakapawa.