1 Juan 2:29 - Qullan Arunaca

²⁹ Jumanacajj yatjjapjjtawa Tatit Jesucristojj chekapätapa, yatipjjañamaraquiwa take qhitinacatejj chekapa lurapquejja, ucanacajj Diosan wawanacapawa.

Aymar Bibliia 1986

²⁹ Jumanacajj yatjjapjjtawa Tatit Jesucristojj chekapätapa, yatipjjañamaraquiwa take qhitinacatejj chekapa lurapquejja, ucanacajj Diosan wawanacapawa.

Qullan Arunaka DC

²⁹ Jumanakatix Tatit Jesucriston chiqapar uñjirïtap yatipxstaxa, jumanakax yatipxañamarakiwa, kunatix askïki uk lurapki ukanakax Diosan wawanakapawa.

1 Juan 2:29 Jak'a apnaqawi uñst'ayäwi

Jeremías 13:23

¿Mä ch'iyar jakesti jank'o jakeru tucuspati? Leopardo animalajj ¿manchanacapjja apakasispati? Uqhamaraquipï jumanacasa, ñankha lurañaru yatintatäjjasinjja, janiraquiw asquinac lurapcasmati.

Zacarías 9:9

¡Wali cusisim, Sión marca! ¡Cusisiñat k'ochum, Jerusalén marca! Juman Reyimaw mä asnjjat jutasqui, llamp'u chuymani, mä jisc'a asno kalljjata, cawquïritejj mä qhumuñ uywan wawapäqui ucjjata.

Juan 1:13

Ucanacasti janiw janchit nacit wawanacjamäquiti, ni jaken munañapat nacit wawanacjamäquisa, jan ucasti Diosat nacit wawanacäpjjewa.

Juan 7:18

Qhititejj jupa pachpat parlqui ucajja, jakempi jach'añchayasiñataquiquiw parli, ucampis qhititejj jupar qhitanqui ucaru jach'añchayañataqui parlqui ucan arunacapajj chekawa, janiraquiw cuna jan walis jupanjj utjquiti.

Hechos 10:35

Jupasti cuna cast jakerus catokaquiwa, qhitinacatejj jupar ajjsarqui, uqhamarac asqui lurapqui take ucanacarusa.

Hechos 22:14

Ucatsti jupajj saraquituwa: ‘Awquinacasan Diosapaw jumarojj nayratpach ajlltam jupan munañap uñt'añamataqui, uqhamarac qhititejj asquïqui ucar uñjañamataqui, ucatsti jupa quicpat ist'añamataquiraqui.

Hechos 3:14

Jumanacasti aca asqui k'oma Jesusarojj jan uñt'iriw tucupjjtajja. Ucatsti jake jiwayirïquis ucaruquiw antutatäñapataquejj mayipjjaractajja.

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

Hebreos 7:2

Abraham chachasti cuntejj nuwasïwinjj jicjjatancatayna ucat diesmo churäna. Melquisedec sutejj sañ muni nayrakatajj “Chekap rey”, uqhamarac “Sumancañan reyipa”, jupajj Salem marcan reyïtap laycu.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.

Santiago 1:18

Jacañwa churistu cheka arunacap toke, uqhamata jiwasajj nayräwiri achunacjamäñasataqui, cuntï jupajj lurqui ucanjja. Jupasti uqhamäñasracwa muni.

1 Pedro 1:23

Jumanacasti machakatwa nasjjapjjtajja, janiw jiwir jakenacatti, jan ucasti Diosan arunacapatwa. Uca arunacasti jan jiwiriwa, wiñayataquiraquiwa.

1 Pedro 1:3

Yupaychañäni Diosaru, Jesucristo Tatitun Awquiparu, jupasti jach'a qhuyapayasiñap laycuwa jiwasarojj machakat naciyistu, Jesucriston jiwatanac taypit jactatap toke. Ucasti jiwasanacarojj suyt'añanwa jacayaraquistu,

1 Pedro 3:18

Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa.

2 Pedro 1:4

Ucanac toketaracwa, arsüwinacapsa churistojja, uca arsüwinacapasti wali jach'anacawa, wali asquiraquiwa. Uqhamata jumanacajj uca Diosan arsüwinacap toke cunatejj Diosan utjqui uca catokapjjañamataqui, acapach k'añu yänacatsti jaltjjapjjañamaraqui.

1 Juan 2:1

Munat wawanacajja, acanacwa kellkanipjjsma juch jan lurapjjañamataqui. Ucampis cawquïritejj juchañchasqui ucataquejj, utjistuwa mä arjjatirisa alajjpach Awquisan nayrakatapana, ucasti Jesucristowa, jupajj chekawa.

1 Juan 3:5

Jumanacajj yatipjjtawa Tatit Jesucristojj jutiwa aca orakeru juchanacas k'omachañataqui, jupanjj janiraquiw cuna juchas utjquiti.

1 Juan 3:7

Wawanacajja, jan qhitimpis c'arintayasipjjamti; asqui lurirejja asquiraquiwa, cunjämatejj Tatitojj asquïqui uqhama.

1 Juan 4:7

Munat jilatanaca, munasiñasaw maynit maynicama, munasiñasti Diosatwa juti. Qhitinacantejj munasiñapajj utjqui ucanacasti Diosan wawapawa, Diosarusti uñt'araquiwa.

1 Juan 5:1

Take qhititejj iyawsañampi Jesusarojj: “Tatit Cristowa” sisqui ucajj chekpach Diosan wawapawa; maynitejj awquir munchejja, aca awquin wawanacaparojj munañaparaquiwa.

1 Juan 5:18

Yattanwa qhititejj Diosat awquinïqui ucajja, janiw juchan sarnakquiti Diosan Yokapan jupar imatap laycu, ucatsti Supayajj janiw llamct'quiti.

1 Juan 5:4

qhitinacatejj Diosan wawanacapäqui, ucanacajja, acapacharojj atipjiwa. Iyawsañasasti acapacharojj atipt'ayaraquistuwa.

3 Juan 1:11

Munat jilata, uca jan wali luräwinacarojj jan arcamti, jan ucasti asquinacaru arcam. Qhititejj asqui lurqui uquïrejja Diosanquiwa, ucampis qhititejj jan wal lurqui ucajja janiw Diosar uñt'quiti.