Juan 21:16 - Qullan Arunaca

Payïrinjja wasitampiw jisct'i: —Simón, Jonasan yokapa, ¿nayaru munasistati? —sasa. Pedrosti ucjjarojj saraquïnwa: —Jïs, Tata, jumaw yatta nayajj jumaru munatajj-jja —sasa. Jesusasti siwa: —Uqhamajj ovejanacajja awatim —sasa.

Aymar Bibliia 1986

Payïrinjja wasitampiw jisct'i: —Simón, Jonasan yokapa, ¿nayaru munasistati? —sasa. Pedrosti ucjjarojj saraquïnwa: —Jïs, Tata, jumaw yatta nayajj jumaru munatajj-jja —sasa. Jesusasti siwa: —Uqhamajj ovejanacajja awatim —sasa.

Qullan Arunaka DC

Jesusax wasitampiw jiskt'äna: —Simón, Juanan yuqapa, ¿nayarux munasistati? —sasa. Pedrosti juparux sarakïnwa: —Jïsa, Tatay, jumaw nayan jumar munasitax yattaxa —sasa. Jesusasti juparux sarakïnwa: —Ukhamax ovejanakaxar awatim —sasa.

Juan 21:16 Jak'a apnaqawi uñst'ayäwi

Salmos 100:3

Amtasipjjam, Tatitojj Diosawa: jupaw irnokestu, jiwasanacasti jupancapjjtanwa, jupan marcapäpjjtanwa, ovej tamapäpjjaractanwa.

Salmos 95:7

Jupaw Diosasajja, jiwasanacasti jupan awatit marcapäpjjtanwa, jupan irpat ovej tamapäpjjaractanwa. Tatitun arup jichhür ist'apjjam:

Zacarías 13:7

Take ch'amani Tatitojj arsuwa: “¡Sartasim espada, awatirejj contra, yanapirejj contraraqui! ¡Awatirirojj jiwayam, ovej tamasti aywitatapjjaniwa, nayasti orko ovejanac contraraquiw cuttaraquëjja!

Mateo 2:6

‘Jumajj, Judea orakenquir Belén marca, janiw sinti jisc'äctati take aca marcanquiri jilïrinac taypinjja, jumatwa mä jilïrejj mistuni. Jupaw uñjaraquini aca Israel marcajjarojja’ sasa.

Mateo 25:32

Take marcanacanquir jakenacaraquiw jupan nayrakataparojj tantacht'asipjjani. Jupasti jupanacarojj jaljaraquiniwa, cunjämtejj awatirejj ovejanacarojj cabritonacat jaljquejj uqhama.

Mateo 26:72

Pedrosti wasitat juramentomp jan uñt'iri tucuraquiquïna: —Janiw uñt'cti uca jakerojja —sasa.

Lucas 19:10

Jaken Yokapasti cunatï chhakatäcäna uc thakeri khespiyiriraquiw juti —sasa.

Juan 18:17

Ucat punc uñjirejj Pedrorojj jisct'äna: —¿Janit jumajj aca chachan maynïri discipulopäcta? —sasa. Pedrosti sänwa: —Janiway, janiw nayäcti —sasa.

Juan 18:25

Ucañcamajja, Pedrojj nina jac'an junt'uchasiscaquïnwa; ucatsti juparojj sapjjaraquïnwa: —¿Janit uca chachan maynïri discipulopäcta? —sasa. Pedrosti jan uñt'iriw tucüna: —Janiw nayäcti —sasa.

Juan 21:17

Quimsïri cutinjja jisct'äscaquïnwa: —Simón, Jonasan yokapa, ¿munistati? —sasa. Pedrojj llacthapisïnwa quimsa cuti: “Munistati” sas jisct'atapata. Jupasti sänwa: —Tata, jumaw take cuns yatta. Jumaw yatta nayajj jumaru munatajj-jja —sasa. Jesusasti sänwa: —Uqhamajj ovejanacajj awatim.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

Hebreos 13:20

Sumancañan Diosajj Jesucristorojj jiwatanac taypit jactayi. Uca Jesucristosti ovejanacan jach'a awatiripawa, wilapampiwa wiñay arust'äwipjja arsuwayi.

1 Pedro 2:25

Jumanacajj jan awatirin ovejanacar uñtatäsipcäyätawa, ucampis jichhajj Tatituruw cuttanjjapjjtajja. Jupasti mä awatirir uñtataraquiw jumanacarojj imapjjtamjja, almanacamatsa llaquiraquiwa.

1 Pedro 5:2

Tatitun ovejanacapsti sum awatipjjam, ucanacasti jumanacar catuyatawa. Take munasiñampi ucjja lurapjjam, cunjämtejj Diosajj munqui uqhamarjama, janiw phokhayam sat laycuquiti, ni kollke munañ laycuquisa, jan ucasti take chuyma ucjja lurapjjam,

Apocalipsis 7:17

Trono taypincquis uca Corderow jupanacarojj ovejanacarjama awatini, jacquir uma jalsunacaruw anaquiraquini. Diosasti take jachanacap nayranacapat phiscurjjani” sasa.