Juan 21:16 - Qullan Arunaka DC

¹⁶ Jesusax wasitampiw jiskt'äna: —Simón, Juanan yuqapa, ¿nayarux munasistati? —sasa. Pedrosti juparux sarakïnwa: —Jïsa, Tatay, jumaw nayan jumar munasitax yattaxa —sasa. Jesusasti juparux sarakïnwa: —Ukhamax ovejanakaxar awatim —sasa.

Aymar Bibliia 1986

¹⁶ Payïrinjja wasitampiw jisct'i: —Simón, Jonasan yokapa, ¿nayaru munasistati? —sasa. Pedrosti ucjjarojj saraquïnwa: —Jïs, Tata, jumaw yatta nayajj jumaru munatajj-jja —sasa. Jesusasti siwa: —Uqhamajj ovejanacajja awatim —sasa.

Qullan Arunaca

¹⁶ Payïrinjja wasitampiw jisct'i: —Simón, Jonasan yokapa, ¿nayaru munasistati? —sasa. Pedrosti ucjjarojj saraquïnwa: —Jïs, Tata, jumaw yatta nayajj jumaru munatajj-jja —sasa. Jesusasti siwa: —Uqhamajj ovejanacajja awatim —sasa.

Juan 21:16 Jak'a apnaqawi uñst'ayäwi

Salmos 100:3

Tatitun Diosätap uñt'apxam; jupaw irnuqistu, jiwasanakax jupankapxtanwa; jupan markapäpxtanwa, ovej tamapäpxaraktanwa.

Salmos 95:7

Jupaw Diosasaxa, jiwasanakasti jupan awatit markapäpxtanwa, jupan irpat ovej tamapäpxtanwa. Tatitun arup jichhür ist'apxam:

Zacarías 13:7

Taqi ch'aman Tatitux siwa: “¡Sartasim espada, ajllit reyixaru jiwayam! ¡Munat awatirixar jiwayam, ukhamat markaxax ovejanakar uñtat aywitatani, nayasti saraqirinakaparux q'ala tukjarakï!

Mateo 2:6

‘Judea uraqinkir Belén marka, wali aytat markanak taypinxa, janiw sinti jisk'äktati; jumat mä jilïrix mistuni, jupaw Israel markaxarux irpani’ sasa.

Mateo 25:32

Taqi markankir jaqinakaw jupan nayraqatapan tantacht'asipxani, jupasti jupanakarux lakirpayaniwa, kamisatix awatirix ovejanakat cabritonak lakirpayki ukhama.

Mateo 26:72

Pedrosti juramento lurasaw wasitat jan uñt'ir tuküna: —¡Janiw uka jaqirux uñt'kti! —sasa.

Lucas 19:10

Jaqin Yuqapax kunatix chhaqhatäkän uk thaqhiri, qhispiyirirakiw juti —sasa.

Juan 18:17

Punku uñjir warmisti Pedroruw jiskt'äna: —¿Janit jumax aka jaqin maynïr yatiqiripäktasti? —sasa. Pedrosti sänwa: —Janiwa, janiw ukäkti —sasa.

Juan 18:25

Ukchañkamasti, Pedrox nina jak'an junt'uchasiskäna; ukat juparux jiskt'apxäna: —¿Janit jumax uka chachan maynïr yatiqiripäktasti? —sasa. Pedrosti jan uñt'iriw tuküna, sarakïnwa: —Janiw ukäkti —sasa.

Juan 21:17

Jesusax mä kutimpis jiskt'askakïnwa: —Simón, Juanan yuqapa, ¿munasipunistati? —sasa. Pedrosti llakthaptänwa kimsa kuti: “munasistati” sas jiskt'atap layku, ukat sarakïna: —Tatay, jumaw taqi kun yattaxa. Jumaw nayan jumar munasitax yattaxa —sasa. Jesusasti sänwa: —Ukhamax ovejanakax awatim.

Hechos 20:28

Ukhamasti, jumanak pachpa amuyasipxam, iyawsirinakarus taqpachanir uñjapxarakim, Qullan Ajayuw jumanakar Tatitun iglesiap awatipxañamatak uchapxtam, wilapampiw uka iglesiap alasiwayi.

Hebreos 13:20

Sumankañ churir Diosax, Tatit Jesucristosaruw jiwatanak taypit jaktayawayi, ovejanakan jach'a Awatiriparu, jupax wilapampiw wiñay arust'äwi arsuwayi,

1 Pedro 2:25

Nayrax jumanakax chhaqhat ovejanakar uñtataw sarnaqapxayätaxa, ukampis jichhax Cristoruw kuttanxapxtaxa, jupasti mä awatirir uñtataw jumanakar imapxtamxa.

1 Pedro 5:2

Diosan arkirinakaparux sum uñjapxam, jupanakasti jumanakar katuyatawa. Kunjämtix Diosax munki ukhamarjam taqi munasiñamp lurapxam, janiw ukham luram satakisa, qullqi munañ laykukisa, jan ukasti, taqi chuymapun lurapxam.

Apocalipsis 7:17

qhapaq qunuñ taypinkki uka Corderow jupanakarux ovejanakarjam awatini, jakkir uma jalsunakaruw anakirakini, Diosasti taqi jachanakap nayranakapat phiskhurxani” sasa.