Juan 21:17 - Qullan Arunaka DC

¹⁷ Jesusax mä kutimpis jiskt'askakïnwa: —Simón, Juanan yuqapa, ¿munasipunistati? —sasa. Pedrosti llakthaptänwa kimsa kuti: “munasistati” sas jiskt'atap layku, ukat sarakïna: —Tatay, jumaw taqi kun yattaxa. Jumaw nayan jumar munasitax yattaxa —sasa. Jesusasti sänwa: —Ukhamax ovejanakax awatim.

Aymar Bibliia 1986

¹⁷ Quimsïri cutinjja jisct'äscaquïnwa: —Simón, Jonasan yokapa, ¿munistati? —sasa. Pedrojj llacthapisïnwa quimsa cuti: “Munistati” sas jisct'atapata. Jupasti sänwa: —Tata, jumaw take cuns yatta. Jumaw yatta nayajj jumaru munatajj-jja —sasa. Jesusasti sänwa: —Uqhamajj ovejanacajj awatim.

Qullan Arunaca

¹⁷ Quimsïri cutinjja jisct'äscaquïnwa: —Simón, Jonasan yokapa, ¿munistati? —sasa. Pedrojj llacthapisïnwa quimsa cuti: “Munistati” sas jisct'atapata. Jupasti sänwa: —Tata, jumaw take cuns yatta. Jumaw yatta nayajj jumaru munatajj-jja —sasa. Jesusasti sänwa: —Uqhamajj ovejanacajj awatim.

Juan 21:17 Jak'a apnaqawi uñst'ayäwi

2 Samuel 7:20

¿Kunat juk'ampirak sirisma? Tatituxay, jumaw aka luqtirimar sum uñt'taxa.

1 Reyes 17:18

Ukat ijma warmix Eliasar säna: —Tatitun profetapa, ¿kunatarak nayamp katxatasistasti? ¿Jucha luratanakaxata amtayirit jumax utaxar jutta, wawaxan jiwatapampi mutuyañti munistaxa? —sasa.

1 Crónicas 17:18

¿Naya luqtirimar jach'ar aptatamatsti kamsarakirismasti? Jumax luqtirimarux sum uñt'taxa.

1 Crónicas 29:17

Diosaxay, nayax yattwa, jumaw chuymanak uñt'taxa, jumatakix chiqa kankañaw askixa. Ukat chiqa chuymampix taqi akanak chursma. Jichhasti kusisitaw uñjarakta markamax akan tantacht'atäsina, munasiñ chuymampiw waxt'äwinak churapxtam.

Salmos 17:3

Jumaw taqpach amuyunakax yattaxa; arumanakaw chuymax uñaqir jutista; ninampjamaw yant'ista, janirakiw kuna ñanqhsa jikxatkistati. Lakaxax janiw k'ari arunak arskiti,

Jeremías 17:10

Naya, Tatituwa, jaqin chuymap uñjta, chuyma manqhapan amtatanakapsa yattwa; sapa maynirus luratanakaparjamaw mutuyarakï.”

Lamentaciones 3:33

Jupax janiw llakisiyañ munkapuniti, janirakiw jaqirus t'aqhisiyañ munkiti.

Mateo 25:40

Reyisti jupanakarux saniwa: ‘Qhanak sapxsma, jumanakatix aka jan yäqat jila masinakaxar ukanak lurapxstaxa, nayaruw lurasipkista’ sasa.

Marcos 14:72

Ukspacharakiw wallpax mayamp art'xäna, uk ist'asinsti, kuntix Jesusax siskäna uka arunakat Pedrox amtasïna: “Wallpax janïr pä kuti art'kani ukkhax kimsa kutiw jumax nayar jan uñt'ir tuküta” sasa. Uka arunakat amtasisinsti Pedrox walpun jachäna.

Juan 12:8

Jumanak taypin jan utjirininakax utjapuniniwa, ukampis nayax janiw wiñay jumanak taypinkkäti —sasa.

Juan 13:38

Jesusasti juparux sarakïnwa: —¿Naya layku jakañam churañatakix jank'akïtati? Qhanak sisma, wallpa janïr art'kipan jumax kimsa kuti nayar jan uñt'ir tuküta —sasa.

Juan 14:15

“Jumanakatix munapxchistaxa, kamachinakax phuqhapxam.

Juan 15:10

Nayan kamachinakaxtix phuqhapxätaxa, nayan munasiñaxan sarnaqapxäta, kamisatix nayax Awkixan arsutanakap phuqkta, ukatsti jupan munasiñapan sarnaqarakta ukhama.

Juan 16:30

Jichhax taqi kun yatitam yatipxta, janirakiw khitin jumar jiskhiñapsa munktati. Ukat nanakax Diosat jutatam iyawsapxta —sasa.

Juan 18:27

Pedrosti wasitatampiw jan uñt'ir tuküna, ukspachaw wallpax art'äna.

Juan 18:4

Jesusasti kunatix jupampi lurasiñapäkän uk yatïnwa, ukat mistunisin jupanakar jiskt'äna: —¿Khitirus thaqhapxta? —sasa.

Juan 21:18

Qhanak sisma, waynäkasax isthapisisin kawkirutix sarañ munkäyät ukaruw saräyätaxa; ukampis chuyman tuqirusti, amparam aytäta ukatsti yaqhaw isiyätam, kawkirutix jan munkät ukaruw irparakïtam —sasa.

Juan 4:16

Jesusasti juparux sänwa: —Chachamar jawsir saram, ukatsti jupamp chika akawjar kutt'anim —sasa.

Hechos 1:24

Ukatsti taqiniw Tatitut mayisipxäna akham sasa: “Tatay, jumaw taqinin chuymap uñt'taxa, jupa paninit khitirus jumax ajllista, ukay uñacht'ayapxita

Hechos 11:10

Ukasti kimsa kutiw ukham lurasi, ukatsti taqpachaw wasitat alaxpachar kutkatawayxäna.

Hechos 15:8

Jaqinakan chuymap uñt'ir Diosasti jan judiöpkis uka jaqinakar katuqatap uñacht'ayiwa, jupanakar Qullan Ajayu churasa, kamisatix jiwasanakar churkistu ukhamarak jupanakar churi.

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

Efesios 4:30

Diosan Qullan Ajayuparux jan llakisiyapxamti, jumanakax uka Ajayumpi chimpuntatäpxtawa, ukhamat kunürutix jupax phuqhat qhispiyasiñ churapkätam ukürun Diosankirjam uñt'atäpxañamataki.

Josué 22:22

—Diosanakansa Diosapa Tatituw nanakar yatipxitu, aka altar lurapkta ukax janiw jupar saykatañatakïkiti janirakiw jupat armasiñatakïkisa. Tatituw yati, Israel markax yatirakpan; janitix ukhamäkchi ukax, ¡jichhpach jiwarayapxitpan!

1 Pedro 1:6

Inas mä juk'a pacha kunayman yant'anakan t'aqhisipxañam wakisirakchi, ukampis jumanakax wal kusisipxam.

2 Pedro 3:1

Munat jilatanaka, akampix payïr qillqat apayanipxsma. Paypach qillqatansti iwxanak tuqiw wal amuyt'ayañ munapxsma.

Apocalipsis 3:19

Khitinakarutix nayax munaskta ukanakarux tuqinuqtwa, chiqacharaktwa, amuyt'asimaya Tatitur kutikipstam.