Josué 7:2 - Qullan Arunaca

Josué chachajj mayni jakenacaruw Jericó marcat qhitäna Hai sat orakeru, cawquïri marcatï Betel chekancqui ucaru, uqhamarac Bet-avén marca jac'ana, ucatsti aqham sänwa: “Sarapjjam uñjanipjjaraquim cunjämätaynas uca marcajj uca” sasa. Ucatsti jupanacajj sumwa uca marcjja uñakanipjjäna.

Aymar Bibliia 1986

Josué chachajj mayni jakenacaruw Jericó marcat qhitäna Hai sat orakeru, cawquïri marcatï Betel chekancqui ucaru, uqhamarac Bet-avén marca jac'ana, ucatsti aqham sänwa: “Sarapjjam uñjanipjjaraquim cunjämätaynas uca marcajj uca” sasa. Ucatsti jupanacajj sumwa uca marcjja uñakanipjjäna.

Qullan Arunaka DC

Josué chachax Jericó markatpach Ai chiqar mä chachanak khithäna, uraqi uñaqanipxañapataki, uka markasti Betel chiqat inti jalsu tuqinkänwa Bet-avén jak'ana. Jupanakas sarasax Ai marka uñaqanipxäna,

Josué 7:2 Jak'a apnaqawi uñst'ayäwi

Génesis 12:8

Ucatsti Betel marcat inti jalsu tokeruw sarjjäna, cawcsantejj kollunacajj utjcän ucsaru, uca chekaruw carpapjja sayt'ayasiraquïna. Betel marcasti, carpatjja inti jalanta tokencänwa, inti jalsu tokensti Hai marcaraqui. Uca chekansti Abramajj yakha altar luraraquïna, ucansti Tatituruw art'asiraquïna.

Génesis 28:19

Uca chekansti nayrajj mä marcaw utjatayna, ucasti khana marca satänwa, ucampis Jacobojj uca marcan sutipjja trocänwa Betel sutimpi.

1 Reyes 12:29

Mayjja Betel chekaruw uchäna, maysti Dan chekaruraquiw ucharaquïna.

Nehemías 11:31

Ucatsti Benjamín marcatjja jacapjjänwa Geba, Micmas, Aía, Betel uca chekanacana, uqhamarac jisc'a marcanacapanaraqui;

Proverbios 20:18

Suma amtäwinacajja suma ewjja arunacampiwa wact'ayasi; uqhamarac guerran nuwasiñataquisa wali yatiñampi sarañawa.

Proverbios 24:6

Wali suma amuyt'äwinacampiwa guerran nuwasiñajj waquisi, walja ewjjerinacampiwa atipjañajj utjaraqui.

Isaías 10:28

Ajat sisqui uca chekaruw purini, Migrón chekwa pasani. Cargapsti Micmas sisqui uca chekaruw jaytanipjje,

Jeremías 49:3

“Hesbón, aykom jumajja, Hai marcan t'unjatätapata. ¡Rabá marcanquiri warminaca, jaqhusipjjam jumanacajja! ¡Ch'iyanokat isimpi ist'asipjjam, chuymanacama lek'esipjjaraquim! ¡Lokhenacar uñtata jalanakapjjam, janchinacamsti chhojjriñchjasipjjaraquim! Milcom diosajj jaya marcaru apatäjjatapata, sacerdotenacapampi, jupan jilïri jakenacampi chica.

Oseas 4:15

“Jumatejj Israel marca wachoka jucha lurañan sarnakätajja, Judá marcaquisay jan juchjja lurcpati. ¡Jan jumanacajj Gilgal chekaru sarapjjamti ni Bet-avén kollurus maqhatapjjamti, Janiraqui Tatit laycusa juramento lurapjjamti!

Mateo 10:16

“¡Amuyasipjjam! Nayasti jumanacarojj ovejanacjamwa kamakenac taypiru qhitapjjsma. Catarinacjam ch'iqhïpjjam, palomanacjam llamp'u chuymaniraqui.

Efesios 5:15

Uqhamajj sarnakäwinacamanjja sum amuyasipjjam. Yatiñ cancañampi jacapjjam, janirac jan yatirinacjamajja.

Josué 12:9

Josué chachampi atipjat reyinacajj acanacänwa: Jericó marcan reyipa, Hai marcan reyipa, cawquïri marcatï Betel marca jac'ancäna;

Josué 18:12

Uca oraken korpapajj amsta chekata kalltanïna Jordán jawir toketa, Jericó marca amsta toke pasäna, uqhamaraquiw sarascaquïna kollu tokenjama inti jalanta tokeru, ucat Bet-avén sat wasararu tucuyañataqui.

Josué 2:1

Josué chachasti Sitim chekatjja pä jakenacaruw jan qhitinsa uñjcata qhitäna aqham sasa: “Sarapjjam, uñjanipjjaraquim cunjamätaynas uca orakejja uqhamaraqui Jericó marcasa” sasa. Uqhamaw jupanacajj Jericó marcaru puripjjäna mä jan wali sarnaquir warmin utaparu, jupasti Rahab sutinïnwa, ucanaracwa uca arumajj jupanacajj korpachasipjjäna.

Josué 7:3

Cuttanisinjja jupanacajj Josué chacharojj sapjjanwa: “Janiw waquisquiti takpachan Hai marcar nuwantañapajja; waliquiw pä waranka jan ucajj quimsa waranka jakenacajja uca marcar t'unjañataquejja. Uca marca uñjir jakenacasti juc'aniquiraquiwa” sasa.

1 Samuel 13:5

Filisteonacasti mä toketjja tantacht'asipjjaraquïnwa, israelitanacampi nuwasiñataqui. Quimsa tunca waranka guerrar sarir carronacanïpjjänwa, sojjta waranka caballería soldadonacani, uqhamarac infantería soldadonacapasa jan jact'caya sinti waljapunïnwa, kota iramankir ch'allar uñtata. Ucatsti janc'aquiw Micmas sisqui uca chekaru sartapjjäna; campamentopjja ucaruw waquichasipjjäna, Bet-avén sisqui ucqhata inti jalsu tokeru.

1 Samuel 14:23

Nuwasiñansti jupanacajj Bet-avén sisqui ucacamaw puripjjäna, Tatitusti Israel marcaparojj uca urunjja khespiyaraquïnwa.

1 Samuel 30:27

Uqhamaraquiw wajjt'añanacjja apayaraquïna qhitinacatejj Betel, Ramot ucasti Néguev chekana, Jatir,