1 Samuel 14:23 - Qullan Arunaca

²³ Nuwasiñansti jupanacajj Bet-avén sisqui ucacamaw puripjjäna, Tatitusti Israel marcaparojj uca urunjja khespiyaraquïnwa.

Aymar Bibliia 1986

²³ Nuwasiñansti jupanacajj Bet-avén sisqui ucacamaw puripjjäna, Tatitusti Israel marcaparojj uca urunjja khespiyaraquïnwa.

Qullan Arunaka DC

²³ Nuwasiñasti Bet-avén siski ukkhakamaw purïna, uka urusti Tatitux Israel markarux qhispiyarakïnwa.

1 Samuel 14:23 Jak'a apnaqawi uñst'ayäwi

2 Reyes 14:27

Tatitusti Joás chachan Jeroboam yokap tokewa Israel marcar khespiyäna, Tatitusti janiw muncänti Israelan sutipa aca oraketa chhaktatäñapjja.

1 Crónicas 11:14

jupajja chicachica yapu taypiru sayt'asisinjja nuwasïnwa filisteo jakenacaru atipjasina. Uqhamawa Tatitojj yanapäna jach'apuni atipjayasa.

2 Crónicas 32:22

Uqhamawa Tatitojj Ezequiasaru khespiyäna, Jerusalenanquiri jakenacarusa, Asirianquiri Senaquerib reyin ch'amapata, uqhamarac mayninacan ch'amapatsa, ucatsti suman sarnakañwa churäna take marcanacampi.

Éxodo 14:30

Uca urusti Tatitojj uqhamwa israelitanacarojj khespiyäna egipcionacan ch'amapatjja. Ucatsti israelitanacajj kota thiyanjja uñjapjjänwa egipcio jake jiwaratanaca.

Oseas 1:7

Ucampisa, Judá marcatjja qhuyapt'ayasïwa, naya quipca, Tatitu Diosaparaquiw khespiyä. Janiw guerrampiti khespiycäjja; jan ucasti, jan armampi, jan espadampi, jan caballeriampiquiw khespiyäjja.”

Deuteronomio 20:4

jan ucasti jumanacan Tatitu Diosamaw jumanacampïsqui; ucatsti jupaw uñisirinacamampi nuwasiscani, jupanacarusti atipjapjjaraquïtawa’ sasa.

Josué 7:2

Josué chachajj mayni jakenacaruw Jericó marcat qhitäna Hai sat orakeru, cawquïri marcatï Betel chekancqui ucaru, uqhamarac Bet-avén marca jac'ana, ucatsti aqham sänwa: “Sarapjjam uñjanipjjaraquim cunjämätaynas uca marcajj uca” sasa. Ucatsti jupanacajj sumwa uca marcjja uñakanipjjäna.

Jueces 2:18

Diosasti sapa cuti mä jilïri sayt'aycäna ucarusti yanaparaquïnwa, aca jilïristi jacäwipanjja khespiyänwa israelitanacarojja uñisirinacapan t'akhesiyatäñatjja. Diosasti jupanacatjja qhuyapt'ayasïnwa t'akhesisa sarnakapjjatanacap uñjasa, uqhamarac arnakasipjjatanacap ist'asinjja.

1 Samuel 10:19

Ucampis jichhajj jumanacajj Diosamarojj jisc'achapjjtawa, jupaw take jan walt'añanacatsa, llaquisiñanacatsa khespiyanipjjtam, mä rey jumanacar apnakañapataqui mayisasti jumanacajj Diosaruw jisc'achasipctajja. Uca laycu jichhajj Tatitun nayrakataparu uñstapjjam, sapakat tribunacata, uqhamarac jach'a familianacatsa” sasa.

1 Samuel 13:5

Filisteonacasti mä toketjja tantacht'asipjjaraquïnwa, israelitanacampi nuwasiñataqui. Quimsa tunca waranka guerrar sarir carronacanïpjjänwa, sojjta waranka caballería soldadonacani, uqhamarac infantería soldadonacapasa jan jact'caya sinti waljapunïnwa, kota iramankir ch'allar uñtata. Ucatsti janc'aquiw Micmas sisqui uca chekaru sartapjjäna; campamentopjja ucaruw waquichasipjjäna, Bet-avén sisqui ucqhata inti jalsu tokeru.

1 Samuel 9:16

“Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa.