Jeremías 26:16 - Qullan Arunaca

Uqhamasti jilïrinacampi, jakenacampisti sacerdotenacarojj sapjjaraquïnwa, uqhamaraqui profetanacarusa: “Janiw cuna juchas utjquiti aca jakeru jiwayatäñapataqui catuyañajja, Tatitu Diosan sutipjjaruraquiw jiwasarojj parlistu” sasa.

Aymar Bibliia 1986

Uqhamasti jilïrinacampi, jakenacampisti sacerdotenacarojj sapjjaraquïnwa, uqhamaraqui profetanacarusa: “Janiw cuna juchas utjquiti aca jakeru jiwayatäñapataqui catuyañajja, Tatitu Diosan sutipjjaruraquiw jiwasarojj parlistu” sasa.

Qullan Arunaka DC

Ukhamasti jilïrinakampi, jaqinakampisti sacerdotenakaru, profetanakaruw sapxarakïna: “Aka jaqir jiwayañatakix janiw kuna juchas utjkiti, Tatitu Diosan sutipxaruw jiwasarux parlaskistu” sasa.

Jeremías 26:16 Jak'a apnaqawi uñst'ayäwi

Ester (hebreo) 4:14

Jichhasti jumatejj amuct'asïta, janitejj cunsa camscäta ucajja judionacan khespiyasiñapajja yakha toketwa jutani. Ucampis jumasa, uqhamarac awquiman familianacapasa jiwarayatäsipcaquïtawa. ¡Inasa jumajja reinaru puriscsta jiwasanacaru aqham llaquisiña horasana yanapt'añataqui!” sasa.

Salmos 94:16

¿Qhitirac jucharar jakenacat arjjatitanisti?, ¿qhitirac ñankha luririnacat jarc'aketanisti?

Proverbios 16:7

Cunapachatï jaken sarnakäwipajj Tatitutac sumäqui ucqhajja, uñisiripampisa Tatitojj juparojj sumancayiwa.

Jeremías 26:11

Ucatsti sacerdotenacasa, profetanacasa, jach'a jilïrinacarojja, uqhamaraqui take jakenacarusa sapjjaraquïnwa: “Aca jakejj jiwayatäñataqui juchañchatäñapawa, aca marcata jan wali parlatap laycu. Jumanacasti ist'apjjaractawa uqham parlasquirjja” sasa.

Jeremías 34:10

Take jilïrinacasa, take jakenacasa uca arust'äwinacjja waliquiw sapjjaraquïnwa, ucatsti esclavonacaparojj antutnucjjapjjaraquïnwa, janiraquiw maynis esclavöñataqui kheparcjjänti.

Jeremías 36:19

Ucat Baruc chacharojj sapjjaraquïna: —¡Uqhamajj jichhajj jumasa uqhamaraqui Jeremiasasa imantasjjapjjam janiraqui qhitimpisa uñjayasipjjamti, janiraqui qhitis yatcpati jumanacan cawqhancatamsa! —sasa.

Jeremías 36:25

Elnatán, uqhamaraqui Delaía, ucjjarusti Gemarías sat jakenacasti reyirojj wali achict'apjjaraquïna uca rollo jan naqhantayañapataqui, ucampisa reyejj janiw jupanacarojj jayscänti.

Jeremías 37:15

Ucanacasti Jeremiasar uñjasajj walpun colerasipjjäna, Jeremiasarusti nuwjayapjjaraquïnwa, Jonatán, qhititejj reyin secretariopäcänjja, ucan utaparuw carcelt'ayapjjaraquïna, uca utsti carcelaruw tucuyapjjaraquitaynajja.

Mateo 27:54

Ucanccän uca capitanasti mayninacampejja, orak qhathatimpi, uqhamarac yakhanacampi uñjasinjja wal ajjsarapjjäna, ucat sapjjaraquïna: “Chekpachapuniw aca jakejj Diosan Yokapäpacha” sasa.

Lucas 23:41

Jiwasajj chekpachansa juchasatjamwa t'akhesisctanjja, ucampis jupajj janiw cuna jan wals lurquiti —sasa.

Lucas 23:47

Cunapachatï romano capitanajj uqham uñjän ucqhajja, Diosaruw yupaychäna: —Chekpachansa aca jakejj janiw juchanïcänti —sasa.

Hechos 23:29

Ucatsti yatisiwa jupanacan quicpa leyinacapatac juchañchasipcatapaqui. Janiraquiw cuna jach'a juchas utjcänti jiwayatäñapataquejja, ni carcelar jist'antatäñapataquisa.

Hechos 23:9

Ucapachasti takeniw jach'at arnakasipjjäna. Fariseonacat maynïr ley yatichirinacasti sayt'asisinwa sapjjäna: —Aca jakejj janiw cuna jan wals lurquiti. Inas juparojj mä ajayusa jan ucajj mä angelasa parljjaychi. Jan Dios contra tucuñäniti —sasa.

Hechos 25:25

Ucampis nayan amuyatajjatjja, janiw cuna jan wali luratapas utjquiti jupar jiwayañatacjamajja. Jupa pachparaquiw mayitu emperadorampi uñjayasiñataqui. Ucatwa nayajj amtaracta emperadoran ucar irpayaña.