Mateo 27:54 - Qullan Arunaca

⁵⁴ Ucanccän uca capitanasti mayninacampejja, orak qhathatimpi, uqhamarac yakhanacampi uñjasinjja wal ajjsarapjjäna, ucat sapjjaraquïna: “Chekpachapuniw aca jakejj Diosan Yokapäpacha” sasa.

Aymar Bibliia 1986

⁵⁴ Ucanccän uca capitanasti mayninacampejja, orak qhathatimpi, uqhamarac yakhanacampi uñjasinjja wal ajjsarapjjäna, ucat sapjjaraquïna: “Chekpachapuniw aca jakejj Diosan Yokapäpacha” sasa.

Qullan Arunaka DC

⁵⁴ Jesusar uñjir capitanampi, soldadonakampisti, uraq khathatimpi, taqi kunatix luraskäna ukanakampi uñjasax, axsarañat sapxäna: —¡Aka jaqix chiqpachapuniw Diosan Yuqapätayna! —sasa.

Mateo 27:54 Jak'a apnaqawi uñst'ayäwi

Mateo 26:63

Jesusasti janiw cuns arscänti. Ucatwa sacerdotenacan jilïripajj juparojj säna: —Jacquiri Diosan sutiparuw juramentompi maysma chek arsuñamataqui. Sapjjeta: ¿Jumätati Diosan Yokapa Cristojja? —sasa.

Mateo 27:36

Kont'asisinracwa juparojj uñch'uquisipcäna.

Mateo 27:40

aqham sasa: Jumajj sistawa: “Templjja pamparuw tucuyä, ucatsti quimsürut sayt'ayä, sasa. Jichhajj juma quipca khespiyasim. Chekapuni Diosan Yokapästa ucajja, crusatsa sarakaniraquim” —sasa.

Mateo 27:43

Niyaquitejj Diosar wal catuyaschejja, jichhajj Diosajj juparojj khespiypanaya, juparojj chekapun munchi ucajja. Jupasti: ‘Diosan Yokapätwa’ saraquisä,” sasa.

Mateo 27:51

Ucapachaw templonquir uca jach'a cortinajj payaru ch'iyjtawayjjäna, amstat kalltasina aynachcam tucuyasa. Orakes qhathatiraquïnwa, karkanacasti ch'iyatattaraquïnwa.

Mateo 4:3

Supayasti ucapachajj jac'achasiraquïnwa Jesusar yant'añataqui, aqham sasa: —Jumatejj Diosan yokapästa ucajja, aca kalanacarojj t'ant'ar tucuyam —sasa.

Mateo 8:5

Capernaum marcaru mantcasinjja Jesusarojj mä romano capitanaw wal achict'asïna,

Marcos 15:39

Jesusar uñcatat sayt'atäcäns uca romano capitanajj jupar uqham wararis jiwir uñjasinjja, sänwa: —Chekpachapuniw aca jakejj Diosan wawapäpacha —sasa.

Lucas 22:70

Ucspachaw takeni jisct'apjjäna: —¿Uqhamasti jumajj Diosan Yokapätati? —sasa. Jesusasti jupanacarojj sänwa: —Jïsa, jumanacpachaw sasipctajja —sasa.

Juan 19:7

Ucampis judionacajj sapjjaraquïnwa: —Nanacajj mä leyinïpjjtwa. Nanacan leyinacajjarjamajja jiwañapawa Diosan Yokapa tucutap laycu —sasa.

Hechos 10:1

Cesarea marcan mä jakew utjäna, Cornelio sutini. Jupajj Italiano sata soldado taman capitanaparaquïnwa.

Hechos 2:37

Take acanac ist'asinsti, chuymanacapan wali llact'ataw uñjasipjjäna. Ucatsti Pedrompiru mayni apostolonacampirojj jisct'asipjjänwa: —Jilatanaca, ¿cuns lurapjjäjja? —sasa.

Hechos 21:32

Comandantesti uc yatisinjja, ucspachaw soldadonacar uqhamarac oficialanacarus jawsthapi. Ucatsti jalacamaraquiw jakenacan ucar puripjje. Jakenacajj comandantempir soldadonacampir uñjasinsti, janiw Pablorojj nuwjapcjjänti.

Hechos 23:17

Uc yatisinsti Pablojj mayni capitanaruw jawsi. Ucat saraqui: —Aca wayniturojj comandanten ucar irparapita. May yatiyañ muni —sasa.

Hechos 23:23

Comandantesti pä capitanaruw jawsayi. Ucatsti aqham sasaw arsu: Waquicht'ayam pä patac soldado cayuc sarañapataqui, pakallk tuncanisti caballota, uqhamarac pä patac soldadosti lanzancamaraqui. Jichha arumajj llätunca horasaruw Cesarea marcaru sarapjjani.

Hechos 27:1

Cunapachatejj Italia marcar qhitañataquejj amtapcän ucqhajja, Pablompi yakha presonacampejja, Julio sat mä capitanaruw catuyatäpjjäna. Uca capitanasti emperadoran batallonapanquirïnwa.

Hechos 27:43

Ucampis soldadonacan capitanapajj Pablor khespiyañ munasinwa, soldadonacaparojj säna jan qhitirus jiwayapjjañapataqui. Saraquïnwa: “Qhitinacatejj uma patan tuyuñ yatipqui ucanacajj nayrakat umar thokontapjjam wañar mistjjañataqui.

Romanos 1:4

ucampis Kollan Ajayun phokt'atätap laycojja, Diosan Yokapa, munañaniraqui uñacht'ayatawa, jiwatanac taypit jactatap laycu.

Apocalipsis 11:13

Uca horasasti uca marcanjja mä jach'a orak qhathatiw utjäna. Uca marcata tunquïri partesti chhaktänwa, pakallko waranka jakenacaraquiw uca orake qhathatimpejj jiwarapjjäna. Chicat jakesti ajjsarañatsa alajjpachanquir Diosaruw yupaychapjjäna.