Lucas 23:41 - Qullan Arunaca

⁴¹ Jiwasajj chekpachansa juchasatjamwa t'akhesisctanjja, ucampis jupajj janiw cuna jan wals lurquiti —sasa.

Aymar Bibliia 1986

⁴¹ Jiwasajj chekpachansa juchasatjamwa t'akhesisctanjja, ucampis jupajj janiw cuna jan wals lurquiti —sasa.

Qullan Arunaka DC

⁴¹ Jiwasax juchasatjam t'aqhisisktan, ukampis jupax janiw kuna juchsa lurkiti —sasa.

Lucas 23:41 Jak'a apnaqawi uñst'ayäwi

2 Crónicas 33:12

Ucatsti cunapachatï wali t'akhesiana jicjjatascäna ucqhajja, Tatit Diosaparuwa art'asïna, ucatsti nayra awquinacapan Diosap nayrakatanjja walipuniwa jisc'aru tuct'äna.

Esdras 9:13

“Nanacana ñankha luräwinacajja, uqhamarac wali jucha luratanacajj laycusa take cunanacasa pasapjjchitu, ucatsti Diosajj janisa juchanacajjatjama mutuyapcchitu ucasa, jan ucasti samarata sarnakasiñwa churapjjetu;

Nehemías 9:3

Jupanacajj uca pachpancasipcäna ucqhasti, quimsa horawa Tatit Diosan leyi libropajj leet'asïna takenin uñjcata, uqhamaraquiw yakha quimsa horaraqui juchanacapa arsusipjjäna, uqhamarac Tatiturus yupaychapjjaraquïna.

Daniel (hebreo) 9:4

“Tatitu Diosajjaruw mayisiscäyäta, juparusti aqham sasaw arsuraquïyäta: ‘Tata, jumajj jach'a ch'amani Diosätawa, arsutanacamarojj phokhapuntawa, qhitinacatejj camachi arunacam phokqui ucanacarusa munasiñamjja uñacht'ayaractawa.

Mateo 27:19

Jupajj uqham kont'atäscän tronopan ucapachajja, warmipaw aqham juparojj jamasat säna: —Jan cuns luramti uca jan juchan jakempejja, jichha arumaw jan wali samcasta uca jake laycu —sasa.

Mateo 27:24

Cunapachatejj Pilatojj take cunas jan asquiru saratap amuyäna; jan ucasti ch'ajjwanacaw juc'ampi sartäna ucqhasti, uma aptayasinïna, ucatsti amparapjja uca umampiw jarekasïna jakenacan nayrakatapana aqham sasa: —Janiw nayajj cuna juchanïctsa aca jan juchani jaker jiwayañataquejja, jumanacac cunarus tucuyasjjapjjam —sasa.

Mateo 27:4

Jupanacarusti saraquïnwa: —Nayajj juchanïtwa mä jan juchanir catuntayañataquejja —sasa. Ucjjarusti mayninacajj sapjjaraquïnwa: —Jichhasti, ¿cunarac ucasti nanacataquisti? ¡Jumay cunarus tucuscamjja! —sasa.

Mateo 27:54

Ucanccän uca capitanasti mayninacampejja, orak qhathatimpi, uqhamarac yakhanacampi uñjasinjja wal ajjsarapjjäna, ucat sapjjaraquïna: “Chekpachapuniw aca jakejj Diosan Yokapäpacha” sasa.

Lucas 23:40

Ucampis maynïr lunthatajj masiparojj tokenokänwa: —Jumas aqham mutuyatäcasinjja, ¿janit Diosarojj ajjsarcta?

Lucas 23:42

Ucatsti Jesusarojj sänwa: —Take marcanac apnakcäta ucqhajj nayat amt'asitätawa —sasa.

1 Tesalonicenses 2:10

Jumanacaw testigöpjjta, Diosas testigoraquiwa, nanacan k'oma cancañan sarnakatanacajjatjja, jumanac iyawsirinacampis, jan qhitinsa ni cunjjatsa juchañchayasiñataquisa.

Santiago 4:7

Diosaruy jaysapjjam, Supayataquisti sayt'asipjjaraquim, uca Supayasti jumanacatjja jaltawayjjaraquiniwa.

1 Pedro 1:19

jan ucasti Tatit Jesucriston suma wilapampi alatawa. Uca Tatitusti mä suma k'oma jan camacht'ata ovejar uñtata sacrificion loktataraquïnwa.

1 Pedro 2:23

Jan wali arunacampi tokepcän ucqhajja, janiw jupajj jan wali arumpiraqui cutt'aycänti; t'akhesiyapcän ucqhasti, janiw “suyt'am” siscänti, jan ucasti chekaparu taripir Diosaruw catuyänjja.