Jeremías 1:7 - Qullan Arunaca

Ucampis Tatitojj saraquituwa: “Jan jumajj ‘Wawäsctwa’ samti. Cawquirutejj nayajj qhitcäma ucaruw jumajj saräta. Cuntejj nayajj siscäma ucwa parlaraquïta.

Aymar Bibliia 1986

Ucampis Tatitojj saraquituwa: “Jan jumajj ‘Wawäsctwa’ samti. Cawquirutejj nayajj qhitcäma ucaruw jumajj saräta. Cuntejj nayajj siscäma ucwa parlaraquïta.

Qullan Arunaka DC

Ukampis Tatitux saskakituwa: “Jan jumax ‘Wawäsktwa’ samti. Kawkirutix nayax khitkäma ukaruw jumax saräta. Kuntix nayax siskäma uk parlarakïta.

Jeremías 1:7 Jak'a apnaqawi uñst'ayäwi

1 Reyes 22:14

Micaías profetajj sänwa: —¡Nayajj juramentwa Tatit laycu lurta, cuntï Tatitojj sisquitani parlañajja ucacwa parläjja! —sasa.

1 Reyes 3:7

Juma Tatit Diosajjawa reyita uchistajja David awquejj lanti, nayajj mä wawa waynaquïctsa jan yatiñani ucasa.

2 Crónicas 18:13

Micaías profetasti juparojj sänwa: —¡Nayajj Tatit laycuw juramento lurta, cuntï Diosajj nayan sañajja muncani ucacwa säjja! —sasa.

Éxodo 6:29

saraquïnwa: —Nayätwa Tatitu Diosajja. Jichhasti Egiptonquir faraón reyiru cuntejj nayajj siscäma ucanaca yatiyanim.

Jeremías 26:2

aqham sasa: “Templon patioparu sayt'asim, ucatsti cuntejj siscsma uca arsum, take qhitinacatejj Judá marcanacata temploru yupaychañataqui jutapqui, ucanacaru uca arunaca parlaraquim. Jan cunsa amuct'amti.

Jeremías 43:1

Cunapachatejj Jeremiasajj tucuyjjäna cuntejj Tatitu Diosajj jakenacar sañapataqui siscatayna,

Jeremías 7:27

“Jumasti Jeremías, take acanac jupanacarojj saraquim, janisay ist'asipcpan; jach'at art'am, janisay jaysapcchïtam ucasa.

Ezequiel 2:7

Jumajj arunacajja jupanacarojj khanañcham, ist'apjjpasa janis ist'apjjpan, jupanacan naya toke sayt'asiri jakenacäpjjatap laycu.

Ezequiel 3:27

Ucampisa nayatejj jumaru mä cunsa sañ munäma ucqhajja, amutütamatjja parlayjjaraquïmawa, ucat naya toket parlaraquïta: ‘Naya Tatituw ucjja arsta’ ucatsti qhititejj ist'añ muncani ucasti ist'aniwa, ucampisa cawquïritejj jan ist'añ muncani ucasti janiw ist'caraquiniti, naya toke sayt'asiri jakenacäpjjatapata.

Amós 7:15

Ucampis, Tatituw uywa taman khepap sarasquirit jawsitu, ucatsti saraquituwa: ‘Saram, parlanim sutejjana Israel marcajjaru’ sasa.

Jonás 3:2

“Sartam, ucatsti Nínive jach'a marcaru saram, cuntejj siscäma uca arunac yatiyiri” sasa.

Números 22:20

Uca arumajj Diosaw Balaamarojj uñstäna; aqham saraquïnwa: —Uca jakenacatejj jumaru jawsañatac jutapjjchi ucapachajj, sartasimay jupanacampi chica sararaquim, ucampis cuntejj nayajj siscäma ucac luraraquïta —sasa.

Números 22:38

Ucapachasti Balaamajj sänwa: —Nayasti juma jac'ancasctwa, niyaw jumar uñjir jutta. Ucampisa nayajj janiw ch'amanïcti naya pachpa parlañataqui, cuntejj Diosajj sisquitani ucac parlaraquëjja —sasa.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Hechos 20:27

Nayasti jumanacarojj yatiyapjjsmawa takpach Diosan thaquipatjja, jan cuns imt'asa.