Jeremías 1:7 - Qullan Arunaka DC

⁷ Ukampis Tatitux saskakituwa: “Jan jumax ‘Wawäsktwa’ samti. Kawkirutix nayax khitkäma ukaruw jumax saräta. Kuntix nayax siskäma uk parlarakïta.

Aymar Bibliia 1986

⁷ Ucampis Tatitojj saraquituwa: “Jan jumajj ‘Wawäsctwa’ samti. Cawquirutejj nayajj qhitcäma ucaruw jumajj saräta. Cuntejj nayajj siscäma ucwa parlaraquïta.

Qullan Arunaca

⁷ Ucampis Tatitojj saraquituwa: “Jan jumajj ‘Wawäsctwa’ samti. Cawquirutejj nayajj qhitcäma ucaruw jumajj saräta. Cuntejj nayajj siscäma ucwa parlaraquïta.

Jeremías 1:7 Jak'a apnaqawi uñst'ayäwi

1 Reyes 22:14

Micaías profetasti ukxaruw säna: —¡Nayax Tatit laykuw juramento lurta, kuntix Tatitux siskitani ukak arsü! —sasa.

1 Reyes 3:7

Juma, Tatit Diosaxawa, David awkix lanti markam apnaqañatak nayar uchistaxa, nayax jan yatiñan mä waynäkipana.

2 Crónicas 18:13

Micaías profetasti juparux sänwa: —¡Nayax Tatit laykuw juramento lurta, kuntix Diosax nayan sañaxa munkani ukak säxa! —sasa.

Éxodo 6:29

jupar sänwa: —Nayätwa Tatituxa. Jichhasti taqi kuntix nayax siskäma ukanak Egiptonkir faraón reyir yatiyanim —sasa.

Jeremías 26:2

akham sasa: “Templon anqäxapar sayt'asim, ukatsti kuntix Judá markanakat sisksma ukanak khitinakatix templor yupaychir jutapki ukanakar yatiyam. Janipun mä arsa imaqamti.

Jeremías 43:1

Kunapachatix Jeremiasax kuntix Tatitu Diosax siskatayna ukanak jaqinakar yatiyañ tukuyxän ukkhasti,

Jeremías 7:27

“Jumasti Jeremías, taqi akanak jupanakar sarakim, janisay ist'asipkpan; jach'at art'askakim, janis jaysapkchïtam ukasa.

Ezequiel 2:7

Jumax nayan arunakax jupanakar qhanañcham, ist'apxpasa janis ist'apkpan, jupanakax qallasir jaqinakawa.

Ezequiel 3:27

Ukampis nayatix jumaru mä kunsa sañ munäma ukkhaxa, wasitat parlayxäma, ukat akham sarakïta: ‘Tatitux akham siwa.’ Ist'añ muniristi ist'aniwa, jan ist'añ muniristi janiw ist'kaniti, nayatak sayt'asir jaqinakäpxatap layku.

Amós 7:15

ukampis Tatituw ovej awatiskirit nayar jawsitu, ukat sarakitu: ‘Saram, Israel markar nayan sutixampi parlanim’ sasa.

Jonás 3:2

“Sartam, ukatsti Nínive jach'a markar saram, kuntix siskäma uka arunak yatiyiri” sasa.

Números 22:20

Uka arumasti, Tatitux Balaamar uñstasin akham sarakïna: —Uka jaqinakatix jumar irptir jutapxchi ukaxa, jupanakamp chik saram, ukampis kuntix nayax siskäma ukak luräta —sasa.

Números 22:38

Balaamasti sarakïnwa: —Akaxay, nayax akanktwa. Ukampis nayax kuntix Diosax siskitani ukak arsü —sasa.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Hechos 20:27

nayax jumanakar jan kuns imt'asaw Diosan taqpach amtäwinakap yatiyapxsma.